Guinuwa 8:10 - Buki Kimaasabaina

¹⁰ Tomota liliudi, tookaidi be guyaguyauwo, tauyana sitaiyakekedoko go, kadi, ‘Ame korotoyana Yaubada ina togaga, tomota sivayou toosakina.’

Guinuwa 8:10 ပူးပေါင်းရင်းမြစ်များ

Iyona 3:5

E tuwo livalayana da Ninivei sinove, Yaubada sinumise. Tuwo toinidi silovina kadi, ‘Liliuda tadiyakīmwana!’ Tuwo moitamo tomota liliudi gagaidi be giyaidi silosidi. Moe nakae aba kinana bego bogina situgavila.

Guinuwa 14:11

E kidi go bodayadi amoko goi sikaaiyaka Paulo ina guinuwa sigite, niyadi analukaonia goi siduduwo sidigo kadi, ‘Ida yaubadayao bogina simalakoroto, e sisou sima yaida!’

Guinuwa 28:6

E kidi toni kasayadi sidobala Paulo sigitegite go, situyáwata, sinuwonúwana kadi, ‘Giyakainava bei wowona isápala o mainao imataginigini ikapusi isou poyapoya goi ikámasa.’ E tuta maanawena situyáwata geya, tuwo nukotodi sikatuvilavila kadi, ‘Nakona tauyana yaubada tayamo.’

1 Korinta 1:24

Kita go nuumisaida, nakona Diyuu o nakona Totuyoyowo, Yaubada bogina iduduweda, e vala tanove, tayagoi moe Yaubada ina togaga be nakae ina nanamsa.

2 Korinta 11:19

Moitamo. Komi bego tonanamsa go, mami uyáwana tosakidiyadi yaaluwoidi idi bóbwara goi komesayágana ae? Tauna yau guna bóbwara goi bei komesayágana ae?

Epeso 4:14

Moe bego geya tuwaina kita ida numisa gogómana giyaidi nakae, e bei tomota idi vatulukwana polapola tamo tamo aivaya nakae geya ikaugavigaviledeta o yágira nakae geya ilayoyonideta. Amo tomotayadi madi nuwosinapu goyogoyoina idi bágala goi siyúpuna bego sikatubauda go, geya tuwaina.

2 Pita 2:2

Ago tonumisa badabadaidi yaimi goi bei tovatulukwanayadi sakavaidi adi vikaiya owáowana sisabokuuliyedi. Moeko goi kidi geya sinumiseta bei sigite, Yaubada ana ana kenao sitagiwoi

Nuwogau 13:3

Woiwoiyana bulubuluna tayamo ana kaigigita vaailaina. Ina vailaiyana itoboine ikaumate go, niga bulubulunayana idedevinamna. Tuwo tomota liliudi sigite, nuwodi siwówana, e woiwoiyana sisabokuliye.