Guinuwa 7:15 - Buki Kimaasabaina

¹⁵ Tuwo Yakobo itaoya osenao taiyao sisou sina Itipita goi silokasa. Amoko goi Tauyana osenao taiyao sikaaiyaka ana kadókana sikamasa kówasa.

Guinuwa 7:15 ပူးပေါင်းရင်းမြစ်များ

Aba Vatowo 46:1

E tuwo itaoya konana ikatubayasidi. Ikatubayasidi ikavava, e ina bodao taiyao siketoiya sina asa Bera Siva goi. Amoko goi yoguyogu ikabidi, ikaumatedi ikailagasidi aba kasala goi igabudi, ikasaledi Yaubada yaina. Ame Yaubadayana yaina tamana Aisake nakae boi isaakululu.

Aba Vatowo 47:30

go sem tutayana akámasa ana tamagowo yaidi, e wowogu kunāve tauyadi adi valiwoga goi kuvaliwogēgu. Adi valiwogayadi Kenani goi sikaaiyaka.’ ‘Nakae bei aguinuwe’, Iyosepa kaena.

Aba Vatowo 49:33

E Yakobo natunao ilatuwokoidi ikavava, imasisimna go, yawoina ikavava, e ina tamana be tubunao yaidi goi.

Tateta 1:6

E sikaiyaka aaa, Iyosepayana ma senao be nakae amo malamalagatayana sikamasa kówasa.

Tateta 13:19

E yau ana Iyosepa luluna akabi anave. Boi Iyosepa natunao ilatuwokoidi kana, ‘Moitamo Yaubada bei iwo ivaitemi go, ame tuta kokatōtula yaigu bego tutayana Yaubada ikabimi, e lulugu kokabidi konavedi Kenani goi kovaliwogedi.’