Guinuwa 5:4 - Buki Kimaasabaina

⁴ Manakae? Mainao poyapoya nava geya kwaigimoneyeta, poyapoyayana moe im kaba lovina ae? Go niga kwaigimone ikavava, maisana moe nava im kaba lovina ae? Tauna manakae nuwom goi kunuwonúwana bego maniyana manuna kupola? Im polayana moe tomota kai yaima geya, go sem moe Yaubada yaina kupola!’

Guinuwa 5:4 ပူးပေါင်းရင်းမြစ်များ

Tateta 16:8

Kagu, ‘Ame bei koyagoi tutayana Yauwe lavilavi goi bei ada kanina ivinida nakae nobuyana goi ada beredi ivinida, takáika bogina gamoda. Ivinida unana imi kaukulukúluwo Tauyana yaina bogina inove. Kai bego avatauwa kokaukulukúluwo yaima? Geya! Moe bego Yauwe yaina kokaukulukúluwo.’

Tateta 35:29

Isileli tubunao liliudi, koroto be nakae vevina, neta atedi sitagona, e idi vininabeso simedi sikasaledi Yauwe yaina. Vininabesoyadi moe Yauwe ina paisewa manuna nakae boi yau sopagu goi bogina ilovina siguinuwe.

Luke 10:16

Avatauwa neta komi imi livala siinovedi, moe nakae yau guna livala siinovedi. Avatauwa neta komi sikaataemi, moe nakae yau sikaataegu. E avatauwa neta yau sikaataegu, moe nakae guna toetuna siikatae.’ Ibóbwara ikavava, adi taiyuwo adi taiyuwo ietunedi sina.

Guinuwa 5:3

E ime ivinidi go, kina idigo kana, ‘Ananiyasi, kaga unana kutagona Kaleya ikalimonem, e yaina kupola go, poyapoya maisana maniyena kuyoisi?

Guinuwa 5:9

E kina go Pitayana idigo kana, ‘Kaga unana kom ma monem kotagona Balomaina kovakakone? Kugīte, tauyadi maine monem bogina sivaliwoge, totom goi sikaaiyaka bei sima sikavalaoduwem maine monem nakae sikavalaoduwe.’

1 Korinta 8:8

E geya kada awoinu pasina Yaubada iuyaoneda geya. Nakae neta awoinu maniyena geya taakanidi, geya kada kita toogoyoida geya. O neta awoinu maniyena taakanidi, geya kada kita todedevida geya.

1 Tesalonáika 4:8

Moe pasina tauna, avatauwa neta ame vatulukwanayana siikatae, moe geya kada tomota kaka sikaataedi geya, go sem Yaubada, Tauyana Balomaina Kimaasabaina ikaiguyauye yaida, nakae siikatae.

Pilemoni 1:14

Go neta geya im tagonamo, e geya tayaamo kaga latuwogu aguinuwe, govila bei im vaita dedevina yaigu moe guna lovina pasina go, geya toinim im nuwonúwana pasina geya.

Yemesa 1:15

Niga ida yalagauyana ikéuwama, e ivenátuna, natuna moe goyo. E kina go goyoyana ibíbina, e ivenátuna ámasa.