Guinuwa 4:34 - Buki Kimaasabaina

³⁴ Geya tayaamo tokai ikaaiyaka yaidi. Avatauwa neta madi poyapoya nakae madi vada, idi poyapoyayadi be idi vadayadi sikaigimonedi go, maisadi sikabidi simedi

Guinuwa 4:34 ပူးပေါင်းရင်းမြစ်များ

Madiu 19:21

Yeisuyana idigo kana, ‘Neta latuwom Yaubada matana goi kumatuwo, e kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’

Maki 10:21

E kina go Yeisu idobala korotoyana idumaakavate go, imatakoiye, e idigo kana, ‘Go tayamo guinuwa kukiseeyeseye. Kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’

Luke 12:33

Kōna konami kokaigimonēdi go, maisadi kokabīdi tookaidi yaidi kokaiguyauyēdi. Moe nakae mani ana saisaira kowoodugudi go, saisairayadi geya sidaureta, tauna imi esaesa ikaiyako vata. O tadigo kada, “Yábana esaesaina kobabanedi go, geya ikavaveta.” Amoko goi tovaináwana geya itoboineyeta ima ivainao be manumánuwo geya itoboinedita sikaigoyai.

Luke 16:9

Ame yau alatuuwokoimi konōve: Da poyapoya idi esaesa goi tomota kovasiyanēdi bego tutayana kokámasa, aba kaiyaka vaatayaina goi bei siuyaonemi.

Luke 22:35

Go madabokidi ilatuwokoidi idigo kana, ‘Boi tutayana nima kaka aetunemi, komi mani saisairina geya, wasare geya, sendoro aiyuwoina geya go, geya tayaamo kaga kokiseyeseye ae?’ ‘Geya tayaamo kaga’, tauyadi kaedi.

Guinuwa 2:45

Idi poyapoya maniyena be nakae konadi maniyedi sikaigimonedi go, maisadi sikabidi, avatauwa neta geya konadimo, yaidi goi sikaiguyauyedi.

Guinuwa 4:37

E tauyana ina poyapoya ikaigimone go, maisana ikabi ime vamoleyanayao ivinidi bego sikaiguyauye.

2 Korinta 8:14

Tuta ame goi komi mami esaesa itoboinemi amo tauyadi idi kaiyakomou manuna kovaitedi. Moe bego tutayana komi kokaiyako mou, kidi madi esaesa itoboinedi sivaitemi, e bei komi be kidi kovavasa.

1 Tesalonáika 4:12

Neta yawoimi moe nakae, e tauyadi geya sinumiseta imi sinapu sigite, bei siwowoinemi be nakae geya tayaamo kaga kokiseyeseye geya.

1 Timoti 6:19

Moeko goi idi esaesa toina bei sivaituwedi, e bei adi katumapu tuta imamaima goi sibabane; atumapuyana moe yawoidi toina.

Yemesa 1:27

Yaubada Tamada ana taimámina maavadaina go, geya ana pikwanamo matana goi ame nakae: Gumalau be kóbuya idi kaiyakomou goi sivaaitedi go, toinidi simatakaavatedi bego poyapoya sinapuna geya ikibaibailidita.