Guinuwa 4:27 - Buki Kimaasabaina

²⁷ Ame moitamo. Ame Devida iginigini bogina imalatomota ame nakae: Ame asayana goi bogina kuukinave am Vadámana sivakaleye.

Guinuwa 4:27 ပူးပေါင်းရင်းမြစ်များ

Madiu 14:1

Amo tutayana da Galili adi tolovina ina guinuwa valena inove.

Madiu 14:3

Kina go Erodiyana ina nuwonúwana nakae Iyoni ina kámasa pasina. Iyoniyana ina kámasa ame nakae: Boi Erodiyana ina lovina goi ina tovayaviyayao sina Iyoni siyoisi, nimana aena siyowóidi, e deri goi sivaisiu siyana Pilipo monena Erodiyasi manuna.

Madiu 14:6

E tuwo ina bíbina ana maliyalina isowóduwo, e boda sima áika manuna. Aikayana goi Erodiyasi natuna vavina isiu ima boda matadi goi iláusa go, ina lausayana Erodi ivauyaone.

Madiu 21:28

E aiyuwoina Yeisu ibobwaramna idigo kana, ‘E tétala ame konōve go, manuna konuwolelēu: Koroto tayamo natunao koroto adi taiyuwo go, ina ina botomoya ilatuwoko idigo kana, “Natugu, kutāoya, ame tuta kūna tanuina goi kupaisēwa.”

Madiu 23:37

Oiyoi komi da Yerusalema e! Boi Yaubada ina tokabivalavala kokaumatedi, nakae ina lobutu ana tolokoina ietunedi siwo yaimi goi go, komi gurewa goi kokaumatedi. Tuta liliuna latuwogu bego natumiyao alamgogoidi nakae kamkam bovavina natunao panepanena goi ilamgogoidi go, komi kokatae.

Madiu 27:2

Silosinapu ikavava, Yeisu nimana siyowóidi, sinave gávana Pailato nimana goi siyato.

Maki 10:33

Idigo kana, ‘Konovēgu. Ame tuta tatukotuko Yerusalema manuna go, maeko goi tomota tayamo bei itaoya nimadi goi siyato.

Maki 15:31

Tonúwala Gagaidi be Yaubada ina Katukeda ana tovatulukwanayao nakae taudiva sikaoseve sidigo kadi, ‘Bego ituli ta tomota iyavedi go, geya itoboineyeta toinina iyave.

Luke 1:35

Go aneroseyana idigo kana, ‘Baloma Kimaasabaina bei iwokoim o tadigo kada “Tokanayatanatoina ina togaga gaota nakae bei iumaim kukéuwama.” Moe pasina tauna natum kuveenatuni bei sivayoko , Yaubada Natuna.

Luke 22:63

Kidi go Vada Kimaasabaina ana polisi Yeisu siyause go, sikaiwotete ame nakae:

Luke 23:1

Tuwo moitamo sinave Pailato yaina goi ana kotu manuna.

Luke 4:18

‘Yauwe Balomaina yaigu goi ikaaiyaka unana ikawoigu bei toosobudi yaidi goi atalavaite. Ietunegu bei kidi yoowonidi yaidi goi adi talígava be tokebo yaidi adi kidedevina atalavaitedi, bei tokaiyakomou ataligeidi,

Luke 9:22

Gagaidi be nakae Yaubada ina Katukeda ana tovatulukwanayao bei sikatae namlieta sikaumate go, maliyalina aitonina goi Yaubada bei ikaitáoe.’

Iyoni 1:11

Tauyana ima toinina ina kasa Yudiya goi go, toinina ina bodao, moe kidi , geya siuyaoneyeta, go sem sikatae.

Iyoni 10:36

tauna kaga unana komi kowowokoigu kodigo kami, “Kom kudigoopopóita”, tutayana kagu, “Yau Yaubada Natuna”? Yau Tamagu ikimasabegu nakae ietunegu ama poyapoya ame goi.

Iyoni 18:28

E polisiyadi Yeisu siyoisi, Kaiyapasi ina vada esaaesaina goi sinave gávana Pailato ina vada goi. Ego moe nobuyana nava matagougouna. Ago Diyuuyadi vada goi geya sisiuta geya, govila bei kidi sikibaibailidi, e bei geya itoboinedita Basitáwana Aikanina sikáika.

Iyoni 18:29

E sima go, Pailato isowóduwo ima tauyadi yaidi idigo kana, ‘Kolatuwokōigu koroto ame ava lovina ikapipilave?’

Iyoni 19:34

go sem tovayaviya tayamo gita goi Yeisu silalumina iginubasi. Iginubasi, mainao ikaika bwae taiyao sidau.

Guinuwa 4:30

Ago nimam kubisisōbu tauyadi madi vísiya kukidedevinēdi, tauna Yeisu, Tauyana im kitom Totumasaba, yoina goi aba kinana kainaaopaidi sisowóduwo.’

Iberiu 7:26

Moitamo! Itoboine toina kita mada Tonúwala Toolagaina amo nakae. Tonuwalayana moe Yeisu. Tauyana kimaasabaina Yaubada umana, geya ana pikwanamo, kaasalaina Yaubada yaina, geya tayaamo goyo ikibaibaili, tomota toogoyoida yaida goi Yaubada bogina ivatumasabe go, ikilagasi yábana goi.