Guinuwa 3:6 - Buki Kimaasabaina

⁶ Go kina Pita idigo kana, ‘Yau guma Nasareta yoina goi kutāoya be kuketōiya!’

Guinuwa 3:6 ပူးပေါင်းရင်းမြစ်များ

Madiu 10:9

Imi vanibitayana goi nima kaka kōna. Esaesa ma saisairina taabu kokabikābi.

Madiu 7:22

Amo maliyalinayana goi maniyena tomota bei silatuwokoigu kadi, “Ima Tomoya, kai yoim goi badabadaidi kaguuinuwedi.”

Maki 14:8

Vavina ame kaga nakae itoboine bogina iguinuwe yau yaigu. Pútuma dabagu goi isiwoi mana wowoina sakavaigu igimikatubayasi guna valiwoga manuna.

Maki 16:17

E guna tonumisayadi aba kinana toogagaidi bei siguinuwedi ame nakae: Yoigu goi bei dimoni sivatapiyedi, e tomota goi sisowóduwo. Bei itoboinedi ta kaníyana ta kaníyana goi sibobóbwara.

Iyoni 19:19

E Pailatoyana ilovina Yeisu ana píkwana aisika paaevaina tayamo goi sigini, kerose goi situpatuko. E ana pikwanayana kana, ‘Yeisu guma Nasareta, Diyuu adi Tokalibúbuna.’

Guinuwa 16:18

E moe nakae maliyalina tamo tamo iguuinuwe. E Pauloyana bogina ikawowoteya gagaina. Tuwo itugavila go, dimoniyana ilatuwoko idigo kana, ‘Yeisu yoina goi alovinaem, tauyana goi kusowōduwo kusīya!’ E amo tutayana goi mainao isowóduwo.

Guinuwa 2:22

Pita nava ibobóbwara idigo kana, ‘Komi , guna livala ame konovēdi: Yeisu guma Nasareta goi Yaubada guinuwa toogagaidi be aba kinana kainaaopaidi iguinuwedi yaimi. Aba kinanayadi goi ivatulukoimi bego Yeisu bogina ikinave. Moe bogina koyagoi.

Guinuwa 2:36

Tauna komi Isileli tubunao madabokimi koyagoidōko bego ame Yeisuyana kerose goi kotupatuko, Yaubada bogina ivayoko kina Tomoya be nakae .’

Guinuwa 3:16

Numisa Yeisu yoina goi pasina, tauna ame topemyana kogitegite be nakae kooyagoi, e Yeisu yoina ina togaga ikitogage. Go numisa Yeisu goi tababane, e moe numisayana koroto ame bogina ikidedevinedoko go, bogina kogite.

Guinuwa 3:5

E tauyana igitedi inuwonúwana kana, ‘Nakona bei kaga sivinigu.’

Guinuwa 3:7

Pita ibisisobu korotoyana nimakakataina iyoisi, imalolasa itaoya go, mainao tauyana aeyapayapana be aekituna sitogaga.

Guinuwa 4:10

Komi be nakae guma Nasareta boi komi kerose goi kotupatuko go, Yaubada tokámasa yaidi goi bogina ikaitáoe. Ame Tauyana yoina goi topem idedevina. Tauna ame korotoyana matami goi iitaoya Yeisu yoina ina togaga pasina.

Guinuwa 4:7

Situgúguna go, Iyoni, Pita be nakae boi topemyana sikabidi nauyayanaidi goi siyatoidi ikavava, silumadadedi sidigo kadi, ‘Komi ava togaga goi o avatau yoina goi moe korotoyana kokidedevine?’

Guinuwa 9:34

Tuwo Pita ina Aineyayana ilatuwoko idigo kana, ‘Aineya, Yeisu ikidedevinem! Tauna kutāoya go, im baseko kununūmi.’ Tuwo mainao itaoya.

1 Korinta 4:11

Boi nimatu go, ima ame tuta maama loga, maema siyapayápasa, ama kwama sigoyo bogina, tomota siilauima, geya ima vadamo.

2 Korinta 6:10

E nakona mama nuwomou go, tuta liliuna kaauyáwana. E nakona katokai go, esaesa mooitamoina kakaiguyauye tomota badabadaidi yaidi. E nakona poyapoya ame goi kai geya konamamo go, yábana konanina liliudi sikaaiyaka yaima.

2 Korinta 8:12

Kaga neta ada toboine goi tavininabeso, neta mada katetagona tavininabeso, Yaubada bei iuyaone. Tauna Tauyana latuwona nakonakae yoiyada, e moe tavinibeso.

2 Korinta 8:9

Imi vininabeso itoboine. Ida Tomoya ada kaba gita. Ina kanuwóiya bogina tayagoi bego Tauyana boi mainao toesaesa go, kita manuda ietokai bego kita amo Tauyana ina tokaiyana goi bei taesaesa.

Yemesa 2:5

Konovēgu, guna kaloyao! Tookaidiyadi da poyapoya matadi goi sitokai go, kina Yaubada ikinavedi idi numisa pasina siguyau be nakae ikalibubudi nakae boi ikaatotule Tauyana ana tomatakoiyao yaidi ae?

1 Pita 4:10

Kita tamo tamo Yaubada ina kaiguyau ituli ituli bogina ivinida, tauna aiguyauyadi liliudi koyatakoidi bego sedao tavaitedi.