Guinuwa 3:1 - Buki Kimaasabaina

¹ E tuta tayamo awanoi ana tuta sina Vada Kimaasabaina ana kali sinaena goi bego sisiu.

Guinuwa 3:1 ပူးပေါင်းရင်းမြစ်များ

Tateta 29:39

Lami tayamo nobuyana goi sikasale yau yaigu go, lami aiyuwoina lavilavi.

Madiu 17:1

Maliyalina ainima tayamo mlidi ikabidi, aditava sina koya maanawena goi situko.

Madiu 26:37

Tuwo moitamo katusobu go, Pita be Sebedi natunao adi taiyuwo ikabidi taiyao sina. Sinonoina go, Yeisu nuwona imou be nakae atena igeda.

Madiu 27:45

E bogina dine, asa madabokina ikamamaníwana go, amamaniwanayana ikaaiyaka ana kadókana lavilavi.

Luke 1:10

Kidi go boda madabokina moetala goi sikaaiyaka, insensi ana kasala ana tuta goi liliudi sikaawanoi.

Luke 18:10

‘Koroto adi taiyuwo situko sina Vada Kimaasabaina bei sikawanoi Yaubada yaina. Tayamo moe .

Luke 22:8

Tuwo Yeisu ina tovatotowanayao adi taiyuwo ilatuwokoidi idigo kana, ‘Ami taiyuwo kōna go, ida Basitáwana Aikanina kokatubayāsi bego takáika.’

Luke 24:53

Ago tuta liliuna sinonoina Vada Kimaasabaina goi Yaubada siyaapaliye.

Iyoni 21:7

E yau Yeisu ina kalo Pita alatuwoko kagu, ‘Saimoni Pita, mae doyava moe ida Tomoya!’ E tuwo guna livalayana inove, ana kwama ikabi ipaiwae. Tauyana mana kwama giyaina goi ipaaisewa. Tuwo ana kwama ipaiwae ikavava, isou ina bwae goi isina iyava ina.

Guinuwa 10:3

E tuta tayamo bogina lavilavi nukotona goi tayamo igitedoko ima idigo kana, ‘Koniliasi!’

Guinuwa 10:30

Koniliasiyana idigo kana, ‘Boi konavasiye lavilavina guna vada goi akaawanoi go, koroto tayamo ana kwama naamalina isowóduwo matagu goi itaoya.

Guinuwa 2:46

Maliyalina tamo tamo sina Yaubada ina Vada Kimaasabaina goi nuwodi tayamo sisaakululu be nakae idi vada goi aba nuwokavata aikanina siguuinuwe go, madi uyáwana be madi kasala avadi sikaiguyauye tomota liliudi yaidi goi, e taiyao sikakáika.

Guinuwa 3:3

E korotoyana ikaaiyaka ikandobala, Pita be Iyoni iigitedi bego Vada Kimasabainayana sisiu, tuwo ikawanoi yaidi mani manuna.

Guinuwa 3:4

E Pita Iyoni taiyao sidumaakavate go, Pita idigo kana, ‘Kugitēma!’

Guinuwa 4:13

E tolovinayadi bogina sigitedi Pita be Iyoni madi katepatu be nakae siyagoi bego korotoyadi asa ana tokaiyakoyao be nakae tapwaroro goi geya sisikuruta gagaina, tauna nukotodi siwówana. Aiyuwoina sinuwopeye boi Yeisu taiyao sikaaiyaka.

Guinuwa 5:25

E sinuwonúwana go, koroto tayamo ima ilatuwokoidi kana, ‘Konōve, korotoyadi boi koyooisidi deri goi kovaisiudi agitedi Vada Kimaasabaina ana kali sinaena goi siitaoya tomota sivatuulukoidi.’

Guinuwa 8:14

E tauyadi vamoleyanayao Yerusalema goi nava sikaaiyaka go, vala sinove bego maniyedi da Samériya Yaubada ina vala bogina sinumise, tuwo sietunedi sina asayana goi.

Galetiya 2:9

Tuwo kidi Yemesa, , tauyadi siduuduwedi tovakumgo toolagaidi, Yaubada ina kanuwóiya paisewa manuna sikinane bogina ivinigu. Tuwo ima paisewa sikamoitamoe, e mama nuwovavasa Banabasi be yau siseikaniyema bego kai kana Totuyoyowo yaidi Vala Dedevina katalavaite go, kidi itoboine sina tauyadi sakavaidi kuuponidi yaidi sitalavaite.