Guinuwa 28:4 - Buki Kimaasabaina

⁴ E toni kasa sikandobala motetayana sigite Paulo nimana goi isaisaina. Tuwo taudiva sibobóbwara kadi, ‘Amo korotoyana woi tokaumata tayamo. Moitamo négwasa goi geya ikamaseta go, tuwo ida yaubada Tokivavasa geya itagoneyeta tauyana bego ma yawoina ikaaiyaka.’

Guinuwa 28:4 ပူးပေါင်းရင်းမြစ်များ

Aba Vatowo 3:1

E moteta tonuwosinapu gagaina. Nakae woiwoi madabokidi Yaubada iwoodugudi ikalisavedi. Tauyana ima vavina ilatuwoko idigo kana, ‘Iyaa! Moitamo Yaubada idigodigo bego alova keuwoidi madabokiidi tánuwo sinaena taabu kookanīdi, ae?’

Madiu 23:35

Tauna tokibobwatayao liliudi ikaikaidi adi dau poyapoya ame goi moe komi imi puwoya. Tauna adi katumapu bei kobabane. Amo tokibóbwata Ebeli ina kámasa ima Berekiya natuna Sakaraiya ina kámasa. Sakaraiyayana boi nimatu Vada Kimaasabaina be aba kasala go, nauyayanaidi goi tubumiyao sikaumate.

Madiu 27:25

Tuwo boda madabokidi sidigo kadi, ‘Tauyana ikaikaina kai nimama goi be nakae natumao nimadi goi bei ikaaiyaka.’

Luke 13:2

Go kina Yeisu idigo kana, ‘Manakae? Konuwonúwana bego amo da Galiliyadi amo nakae sivailai, tauna tauyadi toogoyoidi toina Yaubada matana goi namlieta da Galili madabokidi ae?

Luke 13:4

Aiyuwoina tomota eitin (18) boi Siloam Yerusalema sinaena goi sikaaiyaka go, vada maanawena isou ikaumatedi. Manakae? Konuwonúwana bego kidi idi goyo ivakaigaga Yaubada matana goi namlieta kidi Yerusalema ana tokaiyakoyao madabokidi, tauna moe nakae eitiniyadi (18) sivailai ae?

Iyoni 7:24

Taabu tomota adi kaigigita goi kotaakinōidi bego toogoyoidi, go sem mami kivavasa goi kootakīnona.’

Guinuwa 28:2

Ago toni kasayadi kai simataogeogema dedevina toina. Nakae siuyaonema be nakae ima yeu sidimili. Idi mataogaogayana moitamo dedevina. Amo tutayana ikuwokúwana, e gogou kakámasa.

Guinuwa 28:3

E Paulo ina alova ipátuma. Ikavava, alovayadi imedi go, tutayana yeu goi iyatoidi, idimili, e moteta mana boláusa yeu yaviyavina pasina alovayadi sinaedi goi isowóduwo. Isowóduwo, Paulo nimana ikakavate.

Guinuwa 28:5

Go Pauloyana nimana ikatusapisapi, e motetayana isou ina yeu goi go, kina mana dedevina, geya tayaamo kaga isowóduwo yaina.

Nuwogau 21:8

E kidi go atedi taameyaidi, kidi idi numisa silawoiwoiye, kidi aba kalagíwala siguuinuwedi, kidi tokaumata, tomasisi goyogoyo, toroerata, tomeméyava, tobowou, yaubada polapola adi tosakululu be nakae topola liliudi. E ame tauyadi bei sina yeu sabeninimina gagaina toina nakae poiseni mokauna dadavina, moe ámasa aiyuwoina.’