Guinuwa 27:1 - Buki Kimaasabaina

¹ E gávana Pesto ilovina kakailova kana Itali. Tuwo ina tovayaviyayao ilovinaedi sina Paulo be nakae maniyedi yoowonidi sikaaiyaka, sikabidi sinavedi ina tovayaviyayao andedi adi tovakumgo tayamo nimana goi siyatoidi. Tovakumgoyana yoina Yuliyo go, tauyana tovayaviya boda tayamo goi ikaaiyaka, bodayana yoina Tokanayatanatoina ina kaiyóita.

Guinuwa 27:1 ပူးပေါင်းရင်းမြစ်များ

Aba Vatowo 50:20

Komi boi bego goyo koguinuwe yau yaigu go, Yaubada ina nuwonúwana bego dogoi dedevina isowóduwo. Dogoiyana moe tomota badabadaaidi ayavedi nakae bogina kogite.

Madiu 27:54

E kina go tovayaviya adi tovakumgo taiyao sikaaiyaka Yeisu simataakavate go, nikuniku be nakae kaga liliuna sisowóduwo sigitedi, tuwo sikainaopa gagaina kadi, ‘Moitamo, ame Tauyana Yaubada Natuna.’

Luke 23:47

E tovayaviya adi tovakumgo igite kaga iisowóduwo, Yaubada ina togaga ana ikamooitamoe kana, ‘Moitamo. Amo korotoyana tutubeso nakae .’

Luke 7:2

E tayamo da . Pakoninayana moe ina kakaya nakae go, ikatówana gagaina nakae giyakainava bei ikámasa.

Guinuwa 10:1

E tayamo koroto asa Sesariya goi ikaaiyaka, korotoyana yoina Koniliasi. Koniliasiyana moe ana tovayaviyayao andedi (100) adi tovakumgo. Ame tovayaviyayadi boda tayamo yoina Italiya.

Guinuwa 10:22

‘Ima tomoya Koniliasi ietunema kama. Tauyana tovayaviyayao adi tovakumgo. Tauyana liliudi sikaodedevine. Anerose kimaasabaina Yaubada umana isowóduwo tauyana yaina ilatuwoko kana, “Koniliasi, Pita kududūwe ima im vada goi bei ina livala kunove”’, korotoyadi kaedi.

Guinuwa 16:10

E tutayana ikalayáusa, mainao kakatubayasi bego kana Mesadoniya unana ina kalayausayana goi bogina kanuwonúwana bego Yaubada iduduwema kana parovinsiyana goi Tomoya valena katalavaite tomota yaidi.

Guinuwa 18:2

Tayamo goi silogala. Ago makaitaga Roma sikalave sigalakunu sima Korinta goi sikaaiyaka unana boi Sisa Kiladiyasi ilovina bego Diyuu liliudi Roma sikalave. Sikaaiyaka, e Paulo ina igitedi.

Guinuwa 19:21

E ame dogoiyadi liliudi bogina sikavava, Baloma Kimaasabaina Paulo nuwona isanayato, e tauyana ilovina bego ina Mesadoniya parovinsi be Akeya parovinsi goi ivanibiníbita namlieta baige bei ina Yerusalema. Ina nuwonúwana kana, ‘Yau ana Yerusalema ikavava, itoboine ana nakae.’

Guinuwa 21:32

Vala inove, mainao ina tovayaviyayao madi tovakumgoyao ikabidi, silokoina sisou sina bodayadi goi. E kidi go bodayadi sigite tokalikumatanayana mana tovayaviyayao simamaima, tuwo Paulo ana lauwoyana siyato.

Guinuwa 22:26

E tovayaviya adi tovakumgoyana inove, tuwo ina ina tokalikumatana yaina italavaita idigo kana, ‘Ame kaga bego kuguinuwe? Amo korotoyana Roma ina lovina sinaena goi ikaaiyaka!’

Guinuwa 23:11

E vanuwo itomo go, sabamgo Paulo ikaaiyaka, Tomoya isowóduwo tauyana kikina goi iitaoya idigo kana, ‘Kwatepātu! Nakonakae Yerusalema goi bogina kutalavaitegu, e nakae goi itoboine bei kutalavaitegu!’

Guinuwa 23:17

E Paulo doiyanayana ina talavaita inove, tovayaviya adi tovakumgo tayamo iduduwe ima ilatuwoko idigo kana, ‘Ame tubuwauyana kunāve tokalikumatana yaina; latuwona bóbwara tayamo ilatuwoko.’

Guinuwa 24:23

Ago tovayaviya adi tovakumgo tayamo ilatuwuko idigo kana, ‘Paulo komatakavatedoko go, tauyana taagonaina vada sinaena. Neta senao latuwodi siwo sivaite, taabu kosanaabodēdi.’

Guinuwa 25:12

Tuta amo goi kina Pestoyana ina tonanamsayao taiyao sibóbwara. Ikavava, idigo kana, ‘Bogina kukawanoi bego Sisa am kotu iguinuwe, tauna bei kuna Sisa yaina am kotu manuna.’

Guinuwa 25:25

Go yau geya tayaamo goyo ababane iguinuwe bego ámasa itoboine. E tauyana toinina ikawanoi bego ina tokanayatanatoina goi kotu manuna. Tauna nakae yau alovina bego aetune ina.

Guinuwa 27:11

Go kina oga ana kapiteni be nakae toni oga idi nuwonúwana ituli. Kidi latuwodi kakailova. Tuwo tovakumgoyana silumakikine bego itagona go, kakailova. Tauna tovakumgoyana Paulo ina livala geya inoveyeta.

Guinuwa 27:43

E kina go tovakumgoyana latuwona Paulo iyave. Tuwo ina tovayaviyayaoyadi isanabodedi, e idi nuwonúwana geya itoboinedita siguinuwe. Ago tomota ilovinaedi idigo kana, ‘Avatauwa komi neta aya koyagoi, e kovakūmgo kopēla kosōu négwasa goi kōna kokayalāga.

Guinuwa 27:6

Amoko goi kasou go, tovakumgoyana ilusala ava oga nakona bei ina Itali. Iilusala, tayamo ibabane, ogayana da Alekisandira idi oga. Tuwo tauyana ima ilatuwokoima idigo kana, ‘Komi kōna ogayana goi kosowōya.’ Tuwo moitamo kasowoya. Ikavava, aiyuwoina kakailova kalokoina.

Guinuwa 28:1

Mama dedevina kakayalaga, e kidi toni kasa sima silatuwokoima kadi, ‘Simla ame yoina Melite.’

Guinuwa 28:16

E kaketoiya kana Roma goi kasowóduwo. Kasowóduwo, tovayaviyayao adi tovakumgo itagona bego Paulo toinina ana vada goi ikaaiyaka go, tovayaviya tayamo ikaaiyaka Pauloyana imataakavate.

Iberiu 13:24

Ima yabobona imi tovakumgoyao liliudi be nakae komi Yaubada ina kimasabayao madabokimi yaimi goi. Tauyadi tonumisa da Itali ameko goi idi yabobona sietune iwo yaimi.