Guinuwa 26:9 - Buki Kimaasabaina

⁹ E moitamo yau Parisi tayamo, tauna anumisa bego nava Yaubada bei tokámasa ikaitaoedi go, tuwo boi mainao anuwonúwana guma Nasareta manuna geya itoboineyeta. Tuwo yau toinigu anuwonúwana itoboinegu magu salau apoikiki Yeisu guma Nasareta ana tosabokuliyao avakaleyedi.

Guinuwa 26:9 ပူးပေါင်းရင်းမြစ်များ

Iyoni 15:21

go sem moe dogoiyadi bei siguinuwedi yaimi goi unana yau yoigu ikaaiyaka yaimi. Idi guinuwayadi unana guna Toetuna geya siyagoiyeta, tauna nakae siguinuwe.

Guinuwa 21:13

Tuwo Paulo ikatumapuma idigo kana, ‘Yau moitamo bogina taagonaigu bego Yerusalema goi siyowóigu go, geya kada yówana kaka geya, go sem yau bogina taagonaigu bei sikaumategu ida Tomoya Yeisu yoina pasina! Go moe kaga koguuinuwe? Imi táiya pasina nuwogu kogiemou. Tauna táiya tuwo.’

Guinuwa 22:3

‘Yau boi tubudao ivinidi, e ana kabikáwana akibobosidoko. Ago magu salau akasalegu Yaubada yaina nakae komi imi sinapu ame tuta.

Guinuwa 22:4

Moe pasina ana tosabokuliyao avakaleyedi, nakae maniyedi guna lovina goi sikaumatedi. Guna vakaleyayana goi koroto be nakae vevina, ayoisidi be ayowóidi go, deri goi avaisiudi.

Guinuwa 22:8

“Tomoya, kom avatau?” Yau kaegu. Tauyana idigo kana, “Yau guma Nasareta kuvakaaleyegu.”

Guinuwa 24:5

Ame korotoyana kagite tobugoyo tayamo tomota liliuda yaida. Nakae ivanibiníbita asa liliudi goi livisi iguuinuwe Diyuu liliudi yaidi poyapoya ana madabokina goi. Ago tauyana kidi Nasareta taviileidi adi tovakumgo.

Guinuwa 3:17

Go segowo, ame tuta bogina ayagoi komi mami tomoyamoyayao Yeisu kotamogemogeye, tauna amo nakae koguinuwe Tauyana yaina.

Guinuwa 3:6

Go kina Pita idigo kana, ‘Yau guma Nasareta yoina goi kutāoya be kuketōiya!’

Guinuwa 9:1

E kina go Saulo nava Tomoya ina Toolagaina yaina

Guinuwa 9:16

Moitamo. Taabu kunuuwonūwana tauyana manuna. Yau toinigu bei avatuluko manakaena gedageda badabadaidi bei ibabanedi yau agu talavaita pasina. Tauna kūna.’

Roma 10:2

Ataalavaita tauyadi manudi bego madi salau sipooisógana Yaubada manuna go, idi poisoganayana goi geya idi nanamsamo.

Pilipai 3:6

Yaubada ina Katukedayana manuna magu salau apoisógana. Nakae apoikíkina bego Yeisu ana totugugunayao amtulidi! Yaubada ina Katukedayana ana lovina adi kibóbwata manuna yau geya guna pikwanamo. Nakona konuwonúwana amo guinuwayadi dedevidi go, geya.

1 Timoti 1:13

Boi Tauyana ataagiwoi be ina tonumisayao ayogedeegededi be nakae Tauyana avakaaleyedi. Tauna itoboinegu liuna ababane go, Tauyana geya ikatumapuguta, go sem inuwokapisiyegu unana tutayana dogoiyadi aguinuwedi, geya anumiseyeta be nakae atamogemogeye, tauna inuwokapisiyegu.