Guinuwa 26:3 - Buki Kimaasabaina

³ unana kom tonanamsa toina kita Diyuu ida sinapu be nakae ida kaumakimaki manudi. Tauna akawanoi makimaki yaim bego mam mesayágana go, kunovēgu.

Guinuwa 26:3 ပူးပေါင်းရင်းမြစ်များ

Guinuwa 21:21

E valem bogina sinove bego woi Diyuu madabokidi Totuyoyowo yaidi goi sikaaiyaka kom kuvatulukoidi itoboinedi Yaubada ina Katukeda boi Mosese ivinivini sikapipilave. Aiyuwoina kadi, “Paulo idigodigo bego Diyuu natudiyao sakavaidi taabu siikupōidi be nakae ida sinapu taabu sisabookulīye.”

Guinuwa 24:10

Ago gavanayana ikaukede bego Paulo ibóbwara. Tuwo Paulo itaoya, Tetulo ina bóbwara ikatumapu idigo kana, ‘Gávana, ayagoi tala maanawena goi kom kai Diyuu ama totakínona, tauna maagu uyáwana kom matam goi aataoya kidi idi wowókana yau yaigu bei alawoiwoiyedi.

Guinuwa 24:4

E geya itoboineguta bego tuta maanawena ayoisim go, akawanoi makimaki yaim bego mam mesayágana tuta kaakupina goi ima nuwonúwana kunovedoko.

Guinuwa 25:26

Moe dedevina kwalave go, manakaegu bei tauyana ina goyo ida tomoya ana leta goi atalavaite? Geya tayaamo kaga itoboinegu agini. Moe pasina tauna tauyana akabi ame matami goi bego kodovatusiye go, latuwogu toina kom Tolovina Agiripa matam goi itaoya bei kudovatusi, e bei tutayana imi dovatusiyana ikavava, imi vaita goi itoboinegu ayagoi manakaegu ida tomoya ana letayana agini.

Guinuwa 26:2

‘Tolovina Agiripa, kom matam goi ame bei Diyuu idi wowókana liliudi alawoiwoiyedi. Tauna anuwonúwana guna dedevina bogina ababane

Guinuwa 26:26

Tolovina Agiripa itoboine ikamoitamoegu. Tauyana nakae magu katepatu aavadigo; ame dogoiyadi bogina iyagoidi. Ayagoidoko dogoiyadi geya itamogemogeyedita. Geya itoboineyeta itamogemogeyedi. Tomota liliudi matadi goi sisowóduwo!

Guinuwa 26:7

Atotulayana manuna ada yawou aiyuwo maliyalina be sabamgo goi Yaubada yaina sitaimámina go, siilotuta bego sibabane. Ame lotutayana manuna Diyuu siwowokoigu, guna Tolovina.

Guinuwa 28:17

E maliyalina aito sikavava, koroto gagaidi yaidi goi iduduwedi sima. E tauyadi sima go, ilatuwokoidi idigo kana, ‘Segowo, yau boi Yerusalema goi geya tayaamo goyo aguinuwe ida bodao yaidi goi be nakae tubudao idi sinapu geya tayaamo akapipilave go, to tuwo Diyuu siyoisibesoigu, e sinavegu da Roma nimadi goi siyatoigu, yau deri ana tokaiyaka.

Guinuwa 6:14

Moitamo. Tauyana kanove idigodigo bego amo Yeisuyana guma Nasareta vada ame bei itauwe go, ida sinapu Mosese ivinida bei ikaigaviledi.’

1 Korinta 13:2

Nakona yau Yaubada ina tayamo. O nakona nuwonúwana nikuunikudi be nanamsa madabokidi ayagoidi. O nakona guna numisa gagaina, nakae itoboinegu koya alovinaedi bego sina masigava. Go neta matakoi ategu goi geya, e yau geya basabasaigumo.