Guinuwa 26:29 - Buki Kimaasabaina

²⁹ E kina go Pauloyana idigo kana, ‘Yau guna kawanoi Yaubada yaina bego bóbwara kaakupina goi o bóbwara maanawena goi kom kunumisa. Ago kom amta geya, go sem bego komi madabokimi ame tuta kotaiyaakekegu konumisa yau nakae go, latuwogu yówana ame nakae geya kobabanedita.’

Guinuwa 26:29 ပူးပေါင်းရင်းမြစ်များ

Tateta 16:3

sidigo kadi, ‘Neta boi Itipita goi gagaidi kakakáika gamoma! Neta amoko goi kakámasa dedevina. Moitamo. Komi komema yoyowo goi bego ame bodayama madabokima loga goi kokimatema.’

Iyoni 5:34

E tomota idi talavaita geya auyaonedita, go sem komi kouyaonedi, tauna Iyoni ina livala manugu alatuuwokoimi bego komi konumise bei ami yava kobabane.

Guinuwa 12:6

E Pita ikaaiyaka, ikaaiyaka aaa, e ina tuta takínona bogina ima. Tuwo itomo Erodi bego Pita ikaiwoduwe ana takínona manuna. Ego amo sabamgoyana tovayaviya adi taiyuwo nauyayanaidi goi Pita iimasisi, tayamo kakataina, tayamo kekelina. Seni aiyuwo sisiko tauyana nimana ina kidi nimadi. Ikaaiyaka go, iimasisi ikanamatáiya. Ago kidi go ituli ta tovayaviyayao adi taiyuwo deri totomna goi sikaaiyaka, deriyana siruugwausi.

Guinuwa 21:33

Tuta amo goi tokalikumatana ima Paulo iyoisi go, ilovina bego ina tovayaviyayao sima seni aiyuwo sikabidi Paulo siyowo. Siyowo ikavava, tomota ilumadadedi kana, ‘Tauyana avatau? Ava goyo iguinuwe?’

Guinuwa 25:14

E nava tabu sikaaiyaka go, Pestoyana ina Agiripa ilatuwoko Paulo ana kotu manuna idigo kana, ‘Tayamo koroto deri ana tokaiyaka boi kina Pilikisi nava iilovina deri goi ikalave.

Roma 10:1

Segowo, ategu goi latuwogu toina guna bodao adi yava bei sibabane, e moe manuna nakae akaawanoi Yaubada yaina.

1 Korinta 4:8

Komi moitamo ae? Kada go komi bogina kokayaoda! Kada go komi bogina koesaesa! Kada go komi bogina kokalibúbuna go, kai geyaa! O neta moitamo komi kokaalibúbuna! Bego kai komi taiyao takalibúbuna!

1 Korinta 7:7

E latuwogu bego tomota liliudi geya sinaita yau nakae go, ayagoi madabokimi geya itoboinemita yau nakae, go sem tomota tamo tamo adi kaiguyau Yaubada iivinidi ituli ituli, maniyedi sinai, maniyedi geya sinaita.

2 Korinta 11:1

O neta guna livala yaaluwoidi nakae tuta giyaina goi komesayágana! Guna kaleyayao idi bóbwara yaaluwoidi goi bogina komesayágana, tauna ame tuta latuwogu yau guna bóbwara goi komesayágana.

Epeso 6:20

Valayana manuna yau ana katumapu deri goi akaaiyaka. Aiyuwoina kokaawanōi bego guna kaiwoduwoyana goi magu katepatu abóbwara nakae itoboinegu.

Kolose 1:28

Tauyana kai kataalavaite tutayana tomota liliumi kakatusinapumi be nakae mama nanamsa gagaina kavatulukoimi. Ima talavaitayana bego itoboinema tomota liliumi kavagitakoimi komi maatuwoimi Guyau matana goi.