Guinuwa 26:18 - Buki Kimaasabaina

¹⁸ Kutalavaitegu, e bei mamaníwana situgavile go, mavada simeko. Aiyuwoina Kaleya ina lovina sikalave go, Yaubada simeko. Moeko idi goyo adi nuwotao bei sibabane go, Yaubada ina bodao sisiukoidi, moe idi numisa yau yaigu goi Yaubada ikimasabedi kina ina bodao”, Tomoyayana kaena.

Guinuwa 26:18 ပူးပေါင်းရင်းမြစ်များ

Madiu 4:10

Go kina Yeisuyana idigo kana, ‘Kaleya, kom kusīya! Gínina Kimaasabaina idigo kana, “Moe Yauwe ida Yaubada yaina tasaakulūlu be anetava yaina tataaimāmina.”’ Atukeda 6:13

Madiu 4:16

Tomotayadi kokonótuya goi sikaaiyaka moe nakae amasa vata kikina goi go, mavada gagaaina bogina sigite. Mavadayana moe Yaubada ina yava ikaiwoduwe yaidi.’ Aiseya 9:1-2

Luke 1:77

be nakae ina bodao kuvatulukoidi idi goyo ana nuwotao goi ida Yaubada iyavedi

Luke 1:79

e bei tauyadi kokonótuya goi be nakae ámasa kikina goi itapasigidi. Aiyuwoina tuboina ana kenao goi bei ivakededa.’

Luke 24:45

Tuta amo goi nukotodi ikipolaledi, e itoboinedi Gínina Kimaasabaina siyagoi.

Luke 24:47

Aiyuwoina sigini bego Guyauyana yoina goi ina tosabokuliyao bei sitalavaita tomota liliudi yaidi goi bego situgavila, e bei Yaubada idi goyo inuwotaoidi. Ago ameko Yerusalema goi bei sivatowo sina asa liliudi goi sitalavaite.

Luke 4:18

‘Yauwe Balomaina yaigu goi ikaaiyaka unana ikawoigu bei toosobudi yaidi goi atalavaite. Ietunegu bei kidi yoowonidi yaidi goi adi talígava be tokebo yaidi adi kidedevina atalavaitedi, bei tokaiyakomou ataligeidi,

Iyoni 17:17

Im livala moe . Nanamsa Moitamoinayana goi tauyadi kukimasabēdi toinim umam.

Iyoni 3:19

E takinonayana unana ame: Mavadayana bogina ima poyapoya ame goi go, tomota nuwodi geya ikabiyeta, go sem mamaníwana nuwodi ikabi. Idi nuwokabiyana moe idi guinuwa goyogoyoidi pasidi.

Iyoni 4:10

Go iya Yeisuyana idigo kana, ‘Neta Yaubada ina yabobona kuuyagoi be nakae yau bwae manuna akaawanoi kuyagoigu, e itoboine kom bwae maa yawoina kukawanoiye, bei avinim.’

Iyoni 4:14

go, avatauwa neta bwae yau avinidi sinimnim, e maedi geya siyapayápasa, go sem tauyadi nuwodi goi bei ikaubobóbwala be nakae idau vata, e bei yawoidi vata sibabane.’

Iyoni 8:12

E niga aiyuwoina Yeisu Vada Kimaasabaina ina kali goi tomota ilatuwokoidi idigo kana, ‘ adi mavada. Avatauwa komi neta kosabokuuliyegu, mamaníwana goi geya koketoiyeta, go sem komi manumi mavadayana yawana vau ana kenao bei itapasigi.’

Iyoni 9:39

Tuwo Yeisu idigo kana, ‘Takínona manuna yau ama poyapoya ame goi bego kebokeboidi itoboinedi sigita go, tauyadi sigitagita matadi sikebo.’

Iyoni 9:5

Tutayana nava poyapoya goi akaaiyaka, e yau adi mavada.’

Guinuwa 10:43

Ame Tauyana boi nimatu Yaubada ina liliudi sikamoitamoe bego Tauyana yoina goi avatauwa neta sinumise, e adi goyo adi nuwotao bei sibabane.’

Guinuwa 13:47

Moitamo, itoboinema kana kidi Totuyoyowo yaidi. Tomoya nakae bogina ilovinaema idigo kana, “Avayokoim kidi Totuyoyowo adi mavada, bei yava valena kunave da poyapoya liliudi kuvatulukoidi.”’ Aiseya 49:6

Guinuwa 15:9

Ivatulukoida bego kina matana goi kita Diyuu be kidi Totuyoyowoyadi tavavasa ame nakae: Atedi inikidi idi numisa pasina boi nakae kita ida numisa pasina ateda inikidi.

Guinuwa 2:38

E kina go Pitayana idigo kana, ‘Kotugavīla namlieta komi tamo tamo kotagōna bego Yeisu , e bei imi goyo inuwotaoidi be nakae Yaubada Baloma Kimaasabaina ivinibesoimi.

Guinuwa 20:21

Komi Diyuu be nakae komi yaimi atalavaita kagu, “Kotugavīla go, Yaubada konōko be nakae ida Tomoya Yeisu konumīse.”

Guinuwa 20:32

Tuwo ame tuta Yaubada nimana goi ayatoimi be nakae ina kanuwóiya valena ivainuugonemi goi. Valayana goi imi numisa bei itogaga be nakae ami katumapu bei kobabane. Moe tomota liliudi, tauyadi Yaubada bogina ikimasabedi ina bodao, taiyao.

Guinuwa 26:19

Tauna guna tolovina Agiripa, Tomoyayana niyana yábana goi ima nakae ilatuwokoigu geya akapipilaveyeta,

Guinuwa 26:23

Ame nuwonuwonayadi aba kaumakimaki: Neta kina itoboine bei mamayuyu ibabane be ikámasa. Aiyuwoina neta Tauyana itoboine tokámasa yaidi goi igimitaoyamna go, ina taoyamnayana goi mavada valena bei italavaite Diyuu yaidi be nakae Totuyoyowo yaidi.’

Guinuwa 3:19

Tauna kotugavīla go, Yaubada komēko, e bei imi goyo itakukudi.

Guinuwa 5:31

Ame Tauyana kina Yaubada ikilagasi tutayana ikailagasi wowoina basekoina kakataina goi itusobu go, ivayoko Yáwana ana Tokaimatana be nakae Toyava, e bei kita Isileli tubunao itoboineda tatugavila go, Yaubada ida goyoyadi inuwotaoidi.

Roma 8:17

E kita natunao, tauna kaga Yaubada boi ikaatotule tomoeeyalina tasiuko Guyau taiyao.

1 Korinta 1:30

E Yaubada ina guinuwa pasina kita Yeisu taiyao taspwagógana. Guyauyana ada nanamsa Yaubada goi ima. Tauna kita nuwona ana tokibobwatayao, ina kimasabayao be nakae taatetaida.

2 Korinta 4:4

Amo tauyadi geya sinumiseta. Poyapoya ame ina yaubada nuwodi ivapatudi, e mavada Vala Dedevina goi geya sigiteyeta. Vala Dedevinayana ame manuna: , Tauyana Yaubada ana tapata.

2 Korinta 4:6

unana Yaubada kina idigo kana, ‘Mamaníwana goi mavada bei itapasigi.’ Tauna moe Tauyana nakae nuwoma itapasigidi, e bei itoboinema ina togaga ana káeyana kayagoi; aeyanayana Yeisu maisina goi itapasígina.

2 Korinta 6:14

Taabu tauyadi geya sinuumiseta taiyao koospwagōgana. Moe moitamo. Manakae? Kibóbwata be apipilova itoboinedi sispwagógana? Geya. Manakae? Mavada itoboine mamaníwana taiyao sikabivekoveko? Geya.

Galetiya 2:20

E geya tuwaina yau yawoigu aloovinae go, Guyau yaigu goi ikaaiyaka yawoiguyana iloovinae. E yawoigu ame tuta sakavaigu goi akaaiyaka moe guna numisa Yaubada Natuna yaina goi akaaiyaka unana Tauyana imatakoiyegu, tuwo toinina ikasale ámasa goi, yau guna katumapu.

Galetiya 3:14

Itateteda bego Yaubada ina kaipakuyana boi ikaatotule Eberamo yaina kidi Totuyoyowo nakae bei sibabane idi Yeisu taiyao pasina. Moe bego Baloma Kimaasabaina boi Yaubada ikaatotule kita ida numisa goi tababane.

Galetiya 3:2

Dogoi tayamo toito latuwogu kolatuwokoigu bei ayagoi. Dogoiyana ame: ana talavaita konove konumise pasina kobabane? Valayana ana numisa pasina ae?

Epeso 1:11

Ida spwagógana Tauyana taiyao pasina Yaubada ikabida kita ina kaiguyau unana boi moe igimilovina bei iguinuwe nakae toinina ina nuwonúwana. Kaga liliuna neta Tauyana iilovina bego iguinuwedi, bei iguinuwedi ina nuwonúwana ana losinapu nakae.

Epeso 1:14

Balomayana aba kinana tayamo yaida goi bego nava ada vaiwówana madabokina Yaubada bei ivinida. Yaida goi ikaaiyaka ana kadókana bei kita ina kaiguyauyada itateteda Tauyana ina togaga ana káeyana ana yapali manuna.

Epeso 1:18

unana nukotomi bogina ikimavadedi. Tauyana bei koyagoidoko, e bei koyagoi kaga kita, Yaubada ina kimasabayao bogina iduuduweda, itoboineda talotutae. Aiyuwoina bei koyagoi ina kaiguyau dedevina toina moe kita ina kimasabayao.

Epeso 1:7

Kita ida spwagógana Tauyana taiyao pasina ikaikaina goi ada tateta tababane o tadigo kada, ‘Ina kanuwóiya gagaina toina goi ida kapipilova inuwotaoidi.’

Epeso 2:8

Moitamo. Yaubada ina kanuwóiya goi bogina iyaveda numisa pasina go, yavayana unana moe geya kita toinida ida guinuwa goi geya. Moe Yaubada ina yabobona goi.

Epeso 4:18

Idi nuwonuwanayadi bogina sikamamaníwana be nakae yawana vau Yaubada goi imamaima yaidi goi bogina ituyoyowo unana idi dabakasa pasina Yaubada sitamogemogeye.

Epeso 5:11

Mamaníwana ana guinuwa taabu kosiiukōidi. Amo guinuwayadi geya basabasaidimo. Tauna taabu kosiiukōidi, go sem kokamamaetalīdi.

Epeso 5:14

Moe moitamo. Mavada kaga liliuna ikaiwoduwedi. Tauna tonumisa sidigo kadi, ‘Tomasisi e! Im masisi goi kutāoya! Nakae tokámasa yaidi goi kutaoyāmna go, itapasigim.’

Epeso 5:8

Boi mainao komi mamaníwana nakae go, ame tuta imi ida Tomoya taiyao pasina komi mavada nakae. Komi mavada natunao nakae kooketōiya.

Epeso 6:12

Unana ida yaviya geya kada sakava o ikaika yaidi goi geya, go sem ida yaviyayana moe sinitu yaidi, yaidi, mamaníwana ame ana tokalikayao yaidi be nakae totogaga goyogoyoidi yábana goi sikaaiyaka yaidi.

2 Timoti 2:26

be nakae ma nukotodi itoboinedi ina síkwana goi sisiya. Tauyadi boi bogina iyowóidi bego ina nuwonúwana siguuinuwe.

Iberiu 10:10

Ina nuwonuwanayana pasina, tauna sivatayamo wowona ana kasala goi ikimasabeda Yaubada umana.

Iberiu 10:14

Moitamo. Ida Tonúwala Tolagainayana ina núwala ana paisewa bogina ikavava. Tayamo vininabeso goi kita bogina ikimasabevataeda toinina umana ikimatuweda.

Iberiu 11:6

E, neta geya ida numisamo Yaubada yaina, geya itoboinedeta Tauyana tavauyaone. Neta latuwoda tanoko, itoboineda mainao tanumisa bego ikaaiyaka be nakae ana tolusalayao adi vaiwówana ivinidi.

Iberiu 9:15

Moe pasina tauna Yeisu moe Yaubada ina ina kanasiuna vau manuna, e bei kita, Yaubada bogina iduuduweda bego ina bodao, itoboineda bei ada vaiwowana vata ikaatotule tababane. Go Guyauyana Yaubada ina togúdala ina kanasiuna vau manuna ame nakae: Tauyana ikámasa bei ida goyo boi taguuinuwedi tutayana Yaubada ina kanasíuna vakuumgoina goi takaaiyaka yaidi goi itateteda.

Yemesa 2:5

Konovēgu, guna kaloyao! Tookaidiyadi da poyapoya matadi goi sitokai go, kina Yaubada ikinavedi idi numisa pasina siguyau be nakae ikalibubudi nakae boi ikaatotule Tauyana ana tomatakoiyao yaidi ae?

1 Pita 1:4

Ida lotutayana moe kaga Yaubada boi bogina ikatootuledi bei ivinida. Dogoiyadi moe geya sidaureta geya, go sem sikaiyako vata. Goyo geya itoboineyeta ikibaibailidi. Nakae geya sisaosáwala geya. Yábana goi Yaubada iyatoidi, imatakaavatedi kita manuda.

1 Pita 2:25

Moitamo, ida dedevinayana itoboine. Komi boi nakae enao dedevina goi koosuláiga, go sem ame tuta bogina kokaluvilamna koma yawoida ana Tomatakavata nakae ana Tolokáyasa yaina goi. Tauna komi paakonimi kokatetaagonēmi imi tomoyamoyayao yaidi goi.

1 Pita 2:9

E komi sem Yaubada ina boda kiinavaimi; komi ina tonuwalayao mami lovina be boda kimaasabaimi Tauyana umana; komi Yaubada toinina ina , e bei itoboinemi Tauyana ina guinuwa kaausaraidi kotalavaitedi. Boi komi mamaníwana goi kokaaiyaka go, iduduwemi koma ina mavada kaausaraina goi kokaaiyaka.

1 Iyoni 1:9

Neta ida goyo tatalaseeyanedi Yaubada yaina, e Tauyana be tokivavasa tauna ida goyo inuwotaoidi nakae ida guinuwa goyogoyoidi madabokidi bolotodi yaidi goi inikida.

1 Iyoni 2:12

Komi natugowo, Yaubada imi goyo bogina inuwotaoidi Yeisu ina guinuwa pasina, tauna livala ame agini iwo yaimi.

1 Iyoni 3:8

Go avatauwa neta sinapu goyo siguuinuwe, tauyadi ina bodao unana poyapoya ana madágina goi go, ima ame tuta Totagiwayayana toogoyoina. Yaubada Natuna ima poyapoya ame goi unana ame: Bego Totagíwaya ina guinuwa ikausaolidi, e sikavava.

1 Iyoni 5:19

Bogina tayagoi liliudi Togoyoinayana nimana goi sikaaiyaka go, kita Yaubada ina bodao.

Yuda 1:1

Komi Yaubada Tamada ina kinavayao bogina imatakoiyemi be nakae iyoisikavatemi ana kadókana ikaluvilamna ikabimi, Yau Yuda, be nakae Yemesa ana gómana toina, ame ami leta agini iwo yaimi.

Nuwogau 21:27

Go tomota ma baailidi, tomota kaga aba kalagíwala siguuinuwedi be topola nakae asayana goi geya sisiusiu. Avatauwa neta yoidi Lamiyana ina buki yawana vata manuna goi bogina sikaaiyaka, e aditava madi tagona sisiu.