Guinuwa 25:11 - Buki Kimaasabaina

¹¹ Neta moitamo goyo tayamo aguinuwe go, goyoyana pasina itoboinegu akámasa, e dedevina, ámasa geya asiyaeyeta. Ago idi bobwarayadi siwoowokoigu geya aguinuwedita, tauna geya vatau tayaamo itoboine Diyuuyadi nimadi goi iyatoigu. Tauna akawanoi bego yau ana goi guna kotu Sisa inove!’

Guinuwa 25:11 ပူးပေါင်းရင်းမြစ်များ

Guinuwa 16:37

E kina go Pauloyana idigo kana, ‘Roma ina lovina sinaena goi kai kakaaiyaka, tauna itoboinema bego mainao siekotuyema baige sidabima go, geya siekotuyemeta geya, go sem boda matadi goi sidabibesoima gagaina. Ikavava, deri goi sivatupuwema kasiu. Go manakae? Ame tuta bego sitaligeigauma, e sietunegauma kana ae? Geya toina! Go sem toinidi sīma baige sivakedēma kasowóduwo.’

Guinuwa 18:14

E Paulo bego ibóbwara go, Galiyoyana ilatuwokoidi idigo kana, ‘Komi Diyuu, neta ame korotoyana ibágala o goyo tamo gagaina iguinuwe, bei yaimi goi amesayágana, e niyami anove.

Guinuwa 22:25

E tovayaviyayao búyala sikabi sime Paulo nimana siyowóidi. Ikavava, bego sidabi go, tovayaviya adi tovakumgo tayamo Paulo kikina iitaoya, tuwo kina Paulo ilatuwoko idigo kana, ‘ ina lovina itagona bego kodabigu gea geya?’

Guinuwa 25:10

Go kina Pauloyana idigo kana, ‘Moe nakae geya! Yau ame Sisa ina kaba takínona goi bogina aataoya! Ameko goi itoboinegu guna takínona ababane unana yau . Aiyuwoina geya tayaamo goyo aguinuwe Diyuuyadi yaidi goi! Moe kom nakae bogina kuyagoidoko.

Guinuwa 25:12

Tuta amo goi kina Pestoyana ina tonanamsayao taiyao sibóbwara. Ikavava, idigo kana, ‘Bogina kukawanoi bego Sisa am kotu iguinuwe, tauna bei kuna Sisa yaina am kotu manuna.’

Guinuwa 25:21

Ago Paulo ikawanoi bego kamatakavate ana kadókana tokanayatanatoina Sisa itoboine ilovina. E tutayana ikawanoi, yau alovina bego ameko simatakavate ana kadókana itoboinegu aetune ina Sisa yaina.’

Guinuwa 25:25

Go yau geya tayaamo goyo ababane iguinuwe bego ámasa itoboine. E tauyana toinina ikawanoi bego ina tokanayatanatoina goi kotu manuna. Tauna nakae yau alovina bego aetune ina.

Guinuwa 26:32

E kina go Agiripayana idigo kana, ‘Pesto, amo korotoyana neta geya ikawanoita bego ina goi, e itoboine ana talígava ibabane.’

Guinuwa 28:19

Nakae latuwodi go, kidi Diyuu geya latuwodi da Roma sitaligeigu, tauna idi nuwonúwana sitalavaite. E moeko goi baige akawanoi bego guna kotu inove go, geya bego ida bodao awowokoidi Sisa yaina geya, go sem bego kidi idi wowókana alawoiwoiye.

1 Tesalonáika 2:15

Diyuuyadi boi ida Tomoya Yeisu be nakae Yaubada ina sikauumatedi. Aiyuwoina siyogedegedema. Ikavava, sivatapiyema kasiya. Yaubada geya iuyaonedita unana tomota liliudi sivakaleyedi ame nakae: