Guinuwa 24:14 - Buki Kimaasabaina

¹⁴ E ame akamoitamoe yaim bego yau boi siiginidi anuumisedi.

Guinuwa 24:14 ပူးပေါင်းရင်းမြစ်များ

Tateta 3:15

Tuwaina Yaubada idigo kana, ‘Isileli tubunao kulatuwokōidi ame nakae: Kam, “Yauwe, Tauyana tubudao Eberamo, Aisake be Yakobo idi Yaubada, ietunegu ama yaimi.” E ame yoiguyana ikaiyako vata. Nakae ame youyana goi malamalágata tamo tamo bei sinuwokavategu.

Madiu 10:32

Tauna avatauwa neta tomota matadi goi sikamoitamoegu, yau nakae Tamada guma yábana matana goi bei akamoitamoedi.

Madiu 22:40

Yaubada ina Katukeda madabokina be nakae idi gínina madabokidi unadi moe ame lovinayadi aiyuwo.’

Madiu 7:12

E tauna nakonakae latuwomi bego tomota siguinuwe yaimi, e komi nakae tauyadi yaidi kogimiguinūwe. Ame adi vatulúkwana adi masi.’

Luke 1:70

Moe nakae boi nimatu Yauwe ina kimaasabaidi sopadi goi bogina ikatótula.

Luke 16:16

Tauyana ima ina sowóduwo italavaite. Amo tutayana go, ima ame Yaubada ina kalibúbuna ina sowóduwo Valena Dedevina atalavaite bei boda liliudi atamyabidi sisiu.

Luke 16:29

Go kina Eberamoyana idigo kana, “Geya. Buki kidi Mosese be nakae Yaubada ina tokabivalavalayao liliudi boi siiginidi nava sikaaiyaka yaidi. Idi livalayadi, tuwo semowo itoboinedi siinovedi be sikabikaaonedi.”

Luke 24:27

Tuwo Mosese ina buki goi be nakae tokabivalavala liliudi idi buki goi ivatowo go, kaga liliuna toinina manuna goi ilumavivisi yaidi.

Luke 24:44

E ilatuwokoidi idigo kana, ‘Ame yau guna livala boi nava yaimi goi akaaiyaka alatuwokoimi kagu, “Kaga liliuna goi be tokabivalavala idi buki goi be Same goi siiginidi yau manugu itoboine simalatomota.”’

Iyoni 1:45

Pilipo ina Nataniela ibabane idigo kana, ‘Siyagu, Guyau manuna boi nimatu kidi Mosese Yaubada ina Katukeda goi igini be nakae Yaubada ina tokabivalavalayao idi buki goi sigini, e Tauyana bogina kababane! Moe Yeisu, Iyosepa natuna, guma Nasareta.’

Guinuwa 10:43

Ame Tauyana boi nimatu Yaubada ina liliudi sikamoitamoe bego Tauyana yoina goi avatauwa neta sinumise, e adi goyo adi nuwotao bei sibabane.’

Guinuwa 13:15

E aba tugugunayana ana tolovinayao sitaoya, goi be tokabivalavala idi buki goi sikatuyaividi. Ikavava, livala sietune ina Paulo be Banabasi yaidi sidigo kadi, ‘Semao, neta livala kipaaiwolina latuwomi tomota kolatuwokoidi, e dedevina; kotaoya tomota yaidi goi kobóbwara.’

Guinuwa 15:5

Go maniyedi nuumisaidi idi boda yaidi goi sitaoya, sidigo kadi, ‘Itoboine Totuyoyowo nuumisaidi sakavaidi takupoidi be nakae talovinaedi boi Mosese iivinida sikabikaone.’

Guinuwa 19:23

E moe tutayana mou gagaina isowóduwo ana tosabokuliyao manudi.

Guinuwa 19:9

Ego Diyuu maniyedi sidaabakasa be nakae sikatae. Idi sinapu ame nakae: Tomota matadi goi Tomoya ina Kenao sikaogoyoe. Tuwo tutayana nakae siguuinuwe, e Paulo itavileiyedi go, tovatotowanayao ikabidi inavedi Turano ina kaba vatulúkwana goi. Amoko goi maliyalina tamo tamo Yeisu valena manuna ikaugeogéona.

Guinuwa 22:14

Tauyana kana, “Tubudao idi Yaubada bogina ikinavem bei ina nuwonúwana kuyagoi, kugite be nakae ina livala kunove.

Guinuwa 24:22

E kina go Pilikisiyana Yeisu ina Kenao ana sinapu bogina iyagoidoko go, tuwo geya itakinoidita, go sem Paulo ana kotu ana tuta iupavile. Ivalilivedimo idigo kana, ‘Tutayana tovayaviya adi tokalikumatana Lusiya Yerusalema goi isou ima, baige ami kotu bei alovinae.’

Guinuwa 24:5

Ame korotoyana kagite tobugoyo tayamo tomota liliuda yaida. Nakae ivanibiníbita asa liliudi goi livisi iguuinuwe Diyuu liliudi yaidi poyapoya ana madabokina goi. Ago tauyana kidi Nasareta taviileidi adi tovakumgo.

Guinuwa 25:8

Tuwo kina Paulo idi wowokanayadi ilawoiwoiyedi idigo kana, ‘Moe nakae geya. Geya tayaamo kai Diyuu ima lovina ina lovina akapipilave geya.’

Guinuwa 26:22

Tauna amo tutayana go, ima ame tuta vaita Yaubada goi ababane. Moe pasina ame tuta aataoya ataalavaita tomota liliumi yaimi, toosobumi be nakae toolagaimi. Go geya tayaamo livala vau atalavaite geya, go sem kaga nakae boi Yaubada ina be nakae Mosese boi nimatu sitaalavaite bei isowóduwo, e yau nakae ataalavaite.

Guinuwa 26:27

Tolovina Agiripa, kom kunumisa bego Yaubada ina tokabivalavalayao sitalavaita Guyauyana manuna ae? Ayagoi kom kunumisedi.’

Guinuwa 26:4

E tauna Diyuu madabokidi bogina siyagoigu bego guna tuta gómana yawoigu ima ame tuta yawoigu nakae. Moe yawoiguyana ana kaba vatowo goi guna bodao yaidi akaaiyaka go, niga Yerusalema goi akaaiyaka.

Guinuwa 26:6

Go ame tuta kom matam goi aataoya Diyuu siekotuyegu unana alotuta bego kaga Yaubada boi ikaatotule tokámasa adi taoyamna manuna tubudao yaidi goi, bei iguinuwe.

Guinuwa 28:22

Go kai latuwoma ina bodao taviileidi manudi im nuwonúwana kutalavaite, kanove. Valedi bogina kanove bego asa liliudi goi tomota sikaogoyoedi’, tauyadi kaedi.

Guinuwa 28:23

E tuwo idi upa siyato. Niga maliyalinayana ima, e Diyuuyadi badabadaidi sima Paulo ana vada goi ivatulukoidi. Nobuyana giyaina ina lavilavi goi .

Guinuwa 3:13

Moe nakae geya, go sem Yeisu yoina goi ame topemyana togaga ibabane. Ame nakae: Eberamo, Aisake, Yakobo be nakae tubudao idi Yaubada ina kitom moe Yeisu. E ina togaga ana Yeisuyana goi ivagitakoe. Go ame Yeisuyana komi boi bogina Pailato nimana goi koyato be nakae Pailatoyana matana goi kolawoiwoiye go, bogina itagona Yeisu italigei!

Guinuwa 5:30

Komi boi Yeisu kerose goi kotupatuko ikaaiyaka ana kadókana ikámasa go, ámasa goi tubudao idi Yaubada ikaitaoemnei.

Guinuwa 7:32

“Yau tubumowo Eberamo, Aisake be Yakobo idi Yaubada.” Tateta 3:6 E Moseseyana mana matoita wowona simalitatátava, tauna geya ina katepatumo, tuwo geya itoboineyeta taliboiboiyana igite.

Guinuwa 9:2

ikawanoi bego leta iginidi, Diyuu idi tugúguna tamo tamo Damasiko goi adi tovakumgoyao adi leta. Letayadi goi adi tovakumgoyao ilatuwokoidi Saulo sitagone bego itoboine ava goi siiketoiya, iyoisidi iyowóidi imedi Yerusalema goi takínona manuna. Tuwo moitamo Tonuwalayana itagona.

Roma 1:9

Guna kauyaguyana itoboine. Yaubada iyaagoigu manakaegu tuta liliuna guna kawanoi goi anuwaaisimi! Tauyana yaina ma kategu madabokina be magu taimámina apaaisewa Natuna Valena Dedevina ana talavaita manuna.

Roma 3:21

E ame tuta goi Yaubada ina kibóbwata ina kanasíuna manuna ikaiwoduwe yaida. Go geya kada kita ina Katukedayana taguuinuwe goi ikaiwoduwe geya. (Go ina kibobwatayana boi Mosese be nakae Yaubada ina liliudi idi buki goi sitalavaite).

1 Korinta 11:19

Moitamo. Komi kami, ‘Ta boda ta boda yaima itoboine.’ Moe livisiyana bego avatauwa yaimi goi neta Yaubada iuyaonemi itoboineda takinanedi!

Galetiya 5:20

yaubada polapola adi sakululu, méyava o bowou, vakaleya, aumakimaki, vakipikipi, egamogamogu, tomota aditava idi yala manudi sipoisógana, livisi, tavilei,

2 Timoti 1:3

Nuwogu geya isabutukoeta tutayana ataaimámina Yaubada yaina nakae boi nimatu tubugowo sitaaimámina. Ame Yaubadayana yaina akaauyagu tutayana sabamgo be maliyalina guna kawanoi goi anuwokaavatem.

Taito 3:10

Avatau neta liivisina, kwatumatāli isayata. Go neta geya, e sivayuwoina kwatumatāli isayata. Go neta nava geya inovemta, tuwo kulivisīye.

1 Pita 1:11

Tokabivalavalayadi atedi goi boi Balomaina ikaaiyaka igimitalavaita yaidi Guyauyana manakaena ina gedageda bei ilotowoidi go, namlieta Yaubada ina togaga ana káeyana ivagitakoedi Tauyana yaina. Ago tokabivalavalayadi silumadádana, latuwodi bego siyagoi ava tuta dogoiyadi bei sisowóduwo o ava kaba kinana goi itoboinedi siyagoi dogoiyadi bei sisowóduwo.

Nuwogau 19:10

Tuwo aneroseyana aena goi aegu avatugúyala be yaina asakululu go, ilatuwokoigu idigo kana, ‘Moe nakae geya! Yau goi ima go, Balomayana nakae tokabivalavala nukotodi isanayatoidi valayana sitalavaite. Tauna kom be yau vala tayamo ana totalavaitayao tavavasa.’