Guinuwa 23:6 - Buki Kimaasabaina

⁶ E Paulo igite toekotuyao moe boda aiyuwo, tayamo moe . Tauna kotu sinaena iduduwo idigo kana, ‘Segowo, yau Parisi tayamo. Tamagu nakae Parisi. Kai Parisi kalotuta tokámasa adi taoyamna manuna. Moe pasina tauna kotu ame ababane.’

Guinuwa 23:6 ပူးပေါင်းရင်းမြစ်များ

Madiu 10:16

Tuwaina Yeisu kana, ‘Konovēgu. Komi sipi nakae aetunemi kona guna kaleyayao yaidi goi; tauyadi weiniya woliwoli sasasaidi nakae. Tauna mami nuwosinapu moteta nakae go, imi sinapu maavadaidi bunabuna nakae.

Madiu 22:23

Amo maliyalinayana goi maniyedi sima Yeisu yaina. Tauyadi sidigodigo tokámasa geya sitaoyamneta. E sima bego Yeisu sikatutao sidigo kadi,

Madiu 3:7

E Iyoniyana ikandobala badabadaidi igitedi simamaima; latuwodi adi sayóyova go, ilatuwokoidi idigo kana, ‘Komi siyasiyaimi moteta nakae! Manakae? Konuwonúwana bego sayóyova kaka goi itoboinemi Yaubada ina egamogamogu imamaima yaina kosiya ae? Sayóyova kaka geya ivaitemita! Mainao imi goyo goi kotugavīla!

Guinuwa 22:3

‘Yau boi tubudao ivinidi, e ana kabikáwana akibobosidoko. Ago magu salau akasalegu Yaubada yaina nakae komi imi sinapu ame tuta.

Guinuwa 22:30

E vanuwo itomo, tokalikumatana latuwona iyagoi ava goyo kidi Diyuu sinuwonúwana Paulo iguinuwe. Tuwo Tonúwala Gagaidi be nakae madabokina ilovinaedi sima situgúguna. Ago ina tovayaviyayao ilovinaedi sina Paulo sitaligei go, sikabi sime tauyadi matadi goi sivataoe. Tuwo moitamo sina Pauloyana sikabi sime.

Guinuwa 22:5

Toolagaina be nakae tomoyamoyayao madabokidi itoboinedi ame guna sinapuyana sikamoitamoe. Tauyadi leta siginidi, sedao Diyuu Damasiko goi adi leta, e sivinigu moe guna tagona ana Kenaoyana ana tosabokuliyao amoko goi ayoisidi. Tuwo letayadi akabidi ikavava, ana Damasiko bego tosabokuliyadi ayoisidi nimadi ayowóidi amedi ameko Yerusalema goi, e bei adi liuna sibabane.

Guinuwa 23:1

E Paulo itaoya, kotu ana tolovinao ipotekavateedokoidi go, idigo kana, ‘Segowo, yau nuwogu geya isabutukoeta; nakae yawoigu madabokiina goi aaketoiya nakae Yaubada latuwona.’

Guinuwa 23:15

Tauna ame tuta komi be nakae kotu ana tolovinao kōna tovayaviyayao adi tokalikumatana kolatuwōko Paulo ikabi ive komi yaimi goi go, tauyana kokatubau kami, “Latuwoma bego Paulo ina bágala kalusaledoko.” E kai sem bei bogina kakatubayasi, e bei enao goi iwowoiwo kakaumate.’

Guinuwa 23:20

E tubuwauyana idigo kana, ‘Kidi Diyuu madabokidi bogina sitagona kówasa bei sikawanoi yaim bego itomo aiyuwoina Paulo kukabi kunave Diyuu idi kotu manuna go, idi pola moe sidigodigo bego latuwodi tauyana ina bágala silusaledoko.

Guinuwa 23:7

E Parisi be Sadusi Paulo ina bóbwara sinove, silivisi unana aumakimaki taoyamna manuna isowóduwo yaidi goi.

Guinuwa 24:15

Aiyuwoina dogoi tayamo alootutae, e ame korotoyadi nakae silootutae. Dogoiyana moe Yaubada bei tokámasa ikaitaoedi, be nakae tokapipilova.

Guinuwa 24:21

Geya tayaamo goyo itoboinedi sitalavaite, go sem dogoi tayamo toito itoboinedi sitalavaite. Moe boi aataoya yaidi goi bóbwara tayamo moitamo aduduwo kagu, “Tokámasa adi taoyamna manuna, tauna guna kotu ame tuta matami goi.”’

Guinuwa 28:20

Moe pasina tauna aduduwemi koma agitemi. Latuwogu komi koyagoi nimagu siyowóidi kita ida lotuta taoyamna pasina.’

Pilipai 3:5

Guna numisayana unana ame nakae: Guna bíbina mlina maliyalina ainima aito bogina ababanedi, e sakavaigu sikupo, yau bíbina goi akibobosi.

Kolose 1:5

Imi numisayana be imi matakoiyana unadi moe imi lotuta go, imi lotutayana bego ami vaiwówana yábana goi Yaubada imataakavate nava bei ivinimi. Moe boi livala mooitamoina goi bogina konove; livalayana moe .

Iberiu 6:19

Ida lotutayana vailówana nakae, toogagaina be nakae yábana goi.