Guinuwa 23:20 - Buki Kimaasabaina

²⁰ E tubuwauyana idigo kana, ‘Kidi Diyuu madabokidi bogina sitagona kówasa bei sikawanoi yaim bego itomo aiyuwoina Paulo kukabi kunave Diyuu idi kotu manuna go, idi pola moe sidigodigo bego latuwodi tauyana ina bágala silusaledoko.

Guinuwa 23:20 ပူးပေါင်းရင်းမြစ်များ

Guinuwa 22:30

E vanuwo itomo, tokalikumatana latuwona iyagoi ava goyo kidi Diyuu sinuwonúwana Paulo iguinuwe. Tuwo Tonúwala Gagaidi be nakae madabokina ilovinaedi sima situgúguna. Ago ina tovayaviyayao ilovinaedi sina Paulo sitaligei go, sikabi sime tauyadi matadi goi sivataoe. Tuwo moitamo sina Pauloyana sikabi sime.

Guinuwa 23:1

E Paulo itaoya, kotu ana tolovinao ipotekavateedokoidi go, idigo kana, ‘Segowo, yau nuwogu geya isabutukoeta; nakae yawoigu madabokiina goi aaketoiya nakae Yaubada latuwona.’

Guinuwa 23:19

E tokalikumatanayana nimana iyosale tubuwau nimana iyoisi go, sibala sina masigava goi bego aditava itoboinedi sibóbwara. Sibala sina, ilumadade idigo kana, ‘Kaga latuwom bego kulatuwokoigu?’

Guinuwa 23:30

E tomota tayamo ima ilatuwokoigu Diyuu silosinapu bego tauyana sikaumate, tuwo mainao ame korotoyana aetune iwo yaim bego ina kotu kuguinuwe. Aiyuwoina ana towowokanayao alovinaedi siwo matam goi korotoyana ina goyo sitalavaitedi kunovedi. Ame tauna.’

Guinuwa 23:6

E Paulo igite toekotuyao moe boda aiyuwo, tayamo moe . Tauna kotu sinaena iduduwo idigo kana, ‘Segowo, yau Parisi tayamo. Tamagu nakae Parisi. Kai Parisi kalotuta tokámasa adi taoyamna manuna. Moe pasina tauna kotu ame ababane.’