Guinuwa 23:11 - Buki Kimaasabaina

¹¹ E vanuwo itomo go, sabamgo Paulo ikaaiyaka, Tomoya isowóduwo tauyana kikina goi iitaoya idigo kana, ‘Kwatepātu! Nakonakae Yerusalema goi bogina kutalavaitegu, e nakae goi itoboine bei kutalavaitegu!’

Guinuwa 23:11 ပူးပေါင်းရင်းမြစ်များ

Madiu 14:27

E mainao Yeisu idigo kana, ‘Kokatepātu! . Taabu koomatōita!’

Madiu 28:20

Lovina liliuna bogina avinimi kovatulukōidi sikabikaonedi. Go konōve. Yau komi taiyao tuta liliuna, ame tuta go, nakae tuta ana kaba lukavava.’

Madiu 9:2

Go topem tayamo liyaliyaka goi iimasisi, e boda sikavale sime Yeisu yaina. Sime go, Yeisu idi numisa igite, tuwo topemyana ilatuwoko idigo kana, ‘Natugu, kwatepātu. Yau adigo kom im goyo adi nuwotao bogina kubabane.’

Luke 16:28

Segowo adi tainima amoko goi nava sikaaiyaka. Lasalo kuetūne ina tauyadi yaidi bego ikatumatalidi, govila bei kidi nakae simekoigu aba gedageda ame goi.”

Iyoni 14:18

Giyakainava bei akalavemi go, komi geya kada gumalau nakae geya. Bei akaluvilamna amekoimi.

Iyoni 16:33

Ame dogoiyadi bogina alatuwokoimi bego yau goi tuboina kobabane. Poyapoya ame goi mou bei kobabanedi go, kokatepātu! Ame poyapoyayana ana togaga yau bogina atogagasave.’

Guinuwa 18:9

E Paulo ikaaiyaka go, sabamgo tayamo nukotona goi . Ina kalayausayana goi Tomoya isowóduwo, tauyana ilatuwoko idigo kana, ‘Paulo, taabu kuumatōita, go sem nava kubobōbwara unana yau guna bodao badabadaidi ame asayana goi sikaaiyaka. Tauna geya vatau tayaamo itoboine iyogedegedem unana yau akaaiyaka yaim. Tauna taabu kuutugāu, go sem nava Vala Dedevina kutaalavāite.’

Guinuwa 19:21

E ame dogoiyadi liliudi bogina sikavava, Baloma Kimaasabaina Paulo nuwona isanayato, e tauyana ilovina bego ina Mesadoniya parovinsi be Akeya parovinsi goi ivanibiníbita namlieta baige bei ina Yerusalema. Ina nuwonúwana kana, ‘Yau ana Yerusalema ikavava, itoboine ana nakae.’

Guinuwa 2:25

Ámasa geya itoboineyeta Yeisu iyoisikavate. Moe ana kamoitamo Devida ina gínina goi tababane. Tauyana italavaite idigo kana, “Yauwe kakataigu goi ituwanuwo, e bei geya atameyeta. Moe pasina tuta liliuna Tauyana agitegite yaigu goi ikaaiyaka.

Guinuwa 20:22

Go konovēgu. yau nukotogu ikaliyatayatako. Tauna ame tuta ana Yerusalema go, geya ayagoiyeta amoko goi kaga bei ababane,

Guinuwa 22:15

Moitamo. Kom bei Tokibobwatayana ana totalavaita; e kaga liliuna bogina kuugitedi be nakae bogina kuunovedi bei kutalavaitedi tomota liliudi yaidi.

Guinuwa 22:18

Guna kalayausayana goi Tauyana agite ilatuwokoigu idigo kana, “Da Yerusalema im talavaita yau manugu bei geya sikabikaoneyeta, tauna kutāoya woilīm Yerusalema kwalāve.”

1 Korinta 9:1

Manakae? Magu tagona aguuinuwe nakae latuwogu gea geya? U, magu tagona. Manakae? Yau tayamo gea geya? U, nakae. Manakae? Ida Tomoya Yeisu bogina agite gea geya? U, bogina agite. Manakae? Yau guna paisewa ida Tomoya yaina pasina Tauyana konumise gea geya? U, nakae.

Pilipai 1:13

Tauna bogina imavada deri ana tomatakavatayao liliudi be nakae tomota liliudi yaidi ameko bego guna yówana moe guna taiyao pasina.

2 Timoti 4:17

E kina go ida Tomoyayana iitaoya yau taiyao, ikitogagegu bego Vala Dedevina atalavaitesave, e tobuna goi iyavegu.