Guinuwa 22:5 - Buki Kimaasabaina

⁵ Toolagaina be nakae tomoyamoyayao madabokidi itoboinedi ame guna sinapuyana sikamoitamoe. Tauyadi leta siginidi, sedao Diyuu Damasiko goi adi leta, e sivinigu moe guna tagona ana Kenaoyana ana tosabokuliyao amoko goi ayoisidi. Tuwo letayadi akabidi ikavava, ana Damasiko bego tosabokuliyadi ayoisidi nimadi ayowóidi amedi ameko Yerusalema goi, e bei adi liuna sibabane.

Guinuwa 22:5 ပူးပေါင်းရင်းမြစ်များ

Luke 22:66

Tutayana vanuwo itomo, Diyuu idi tomoyamoyayao, moe Tonúwala Gagaidi be nakae Yaubada ina Katukeda ana tovatulukwanayao siitugúguna go, Yeisu sime idi kotu goi silumadade

Guinuwa 1:15

Moe tutayana goi Pita senao nuumisaidi adi badabada tayamo andedi tuwenti (120) nakae situgúguna go, nauyayanaidi goi Pitayana itaoya ilatuwokoidi idigo kana,

Guinuwa 13:26

Segowo, komi Eberamo tubunao be nakae komi Totuyoyowo Yaubada ana totaimaminayao, yava ame valenayana Yaubada bogina ietune ima kita yaida.

Guinuwa 2:29

Segowo, alatuwokodokoimi bego ame livalayadi geya tubuda Devida manuna geya. Boi Devidayana ikámasa, wowona sikabi sivaliwoge, e ame tuta ina nava ikaaiyaka, nakae itoboineda tagite.

Guinuwa 22:1

‘Tamagowo be nakae segowo, konovēgu bei imi wowókana alawoiwoiye.’

Guinuwa 23:1

E Paulo itaoya, kotu ana tolovinao ipotekavateedokoidi go, idigo kana, ‘Segowo, yau nuwogu geya isabutukoeta; nakae yawoigu madabokiina goi aaketoiya nakae Yaubada latuwona.’

Guinuwa 23:6

E Paulo igite toekotuyao moe boda aiyuwo, tayamo moe . Tauna kotu sinaena iduduwo idigo kana, ‘Segowo, yau Parisi tayamo. Tamagu nakae Parisi. Kai Parisi kalotuta tokámasa adi taoyamna manuna. Moe pasina tauna kotu ame ababane.’

Guinuwa 26:10

Tuwo moitamo moe nakae Yerusalema goi aguinuwe. Gagaidi agu lovina sivinigu, ana Yaubada ina kimasabayao badabadaidi ayoisidi amedi deri goi avaisiudi sikaaiyaka go, tutayana tauyadi sikaumatedi, e guinuwayana yau akamoitamoe.

Guinuwa 26:11

Tuta liliuna yau ana idi kaba tugúguna tamo tamo goi tauyadi ayoisidi aliunedi. Tutayana aliunedi, apoikíkina akaugeogeonedi bego Yeisu sitagiwoi. Ago guna egamogamogu yaidi goi ivakaigaga toina, tauna avatapiyedi ana ituli ta kasa be ta kasa goi avakaleyedi.

Guinuwa 26:12

Nakae aguuinuwe go, tuta tayamo Tonúwala Gagaidi sitagonegu be nakae agu lovina sivinigu. Tuwo yau ana Damasiko goi bego Yeisu ina tosabokuliyao ayoisidi.

Guinuwa 28:17

E maliyalina aito sikavava, koroto gagaidi yaidi goi iduduwedi sima. E tauyadi sima go, ilatuwokoidi idigo kana, ‘Segowo, yau boi Yerusalema goi geya tayaamo goyo aguinuwe ida bodao yaidi goi be nakae tubudao idi sinapu geya tayaamo akapipilave go, to tuwo Diyuu siyoisibesoigu, e sinavegu da Roma nimadi goi siyatoigu, yau deri ana tokaiyaka.

Guinuwa 28:21

‘Kai geya tayaamo leta da Yudiya goi ima ilatuwokoima kom manum. Aiyuwoina geya tayaamo siyada ima kom italavaitem o ikaogoyoem geya.

Guinuwa 3:17

Go segowo, ame tuta bogina ayagoi komi mami tomoyamoyayao Yeisu kotamogemogeye, tauna amo nakae koguinuwe Tauyana yaina.

Guinuwa 4:5

E vanuwo itomo, Diyuu adi tolovinayao, idi tomoyamoyayao be nakae Yaubada ina Katukeda ana tovatulukwanayao Yerusalema goi situgúguna.

Guinuwa 5:21

Tuwo anerose ina livala sinove, nobuyana nava matagougouna tauyadi sitaoya sina Vada Kimaasabaina ana kali goi tomota sivatuulukoidi Yeisu manuna. E kidi Tonúwala Toolagaina ma senao Sadusi bogina sitaligógana sima Vada Kimaasabaina goi kotu manuna. Tuwo kotu ana tolovinayao moe idi tomoyamoyayao sikatuvagogudi sima baige Vada Kimaasabaina ana polisi maniyedi sietunedi sina deri goi bego vamoleyanayaoyadi sikabidi simedi.

Guinuwa 9:14

Tauyana mana lovina Tonúwala Gagaidi goi ima ameko bego avatauwa neta siiduduwo yaim, bei iyoisidi iyowóidi deri goi ivaisiudi.’

Galetiya 1:13

Ame moitamo. Geya tayaamo tuta tomota itoboinedi sivatulukoigu. Guna sinapu bogina konove bego boi tutayana kai ima tapwaroro ina lovina ayoisikaavatedi. Amo tutayana magu salau Yeisu ana totugugunayao Yaubada italiigogoidi ayogedegededokoidi be nakae apooikíkina bei amtulidi.

Pilipai 3:6

Yaubada ina Katukedayana manuna magu salau apoisógana. Nakae apoikíkina bego Yeisu ana totugugunayao amtulidi! Yaubada ina Katukedayana ana lovina adi kibóbwata manuna yau geya guna pikwanamo. Nakona konuwonúwana amo guinuwayadi dedevidi go, geya.

1 Timoti 4:14

Boi Baloma Kimaasabaina im kaiguyau ivinim tutayana tomoyamoya nimadi sikailagasidi dabam goi Yaubada ina nuwonúwana kom manum sikabivalevale. E moe aiguyauyana taabu kukaligaagaīye.