Guinuwa 21:18 - Buki Kimaasabaina

¹⁸ E itomo Paulo kai taiyao kana Yemesa kagite. Ago Tomoya ana tomoyamoyayao liliudi nakae bogina sikaaiyaka.

Guinuwa 21:18 ပူးပေါင်းရင်းမြစ်များ

Madiu 10:2

E kai yawou aiyuwo Yeisu ina yoima ame nakae: Mainao Saimoni, tauyana youyuwoina moe , ma siyana Anduru, Sebedi natunao Yemesa ma siyana ,

Guinuwa 11:30

Nakae siguinuwe go, idi vininabesoyana silamgogo ikavava, Banabasi be Saulo nimadi goi siyato. Tauyadi sinave Yerusalema goi tomoyamoyayao nuumisaidi sivinidi, sikaiguyauye.

Guinuwa 12:17

E tauyana nimana ikatulagasi, tomota isanabodedi situgau. E situgau go, ilatuwokoidi Yauwe manakaena deri goi ivakede isowóduwo. Aiyuwoina idigo kana, ‘Kōna ame dogoiyadi kotalavaitēdi Yemesa be sedao nuumisaidi yaidi.’ Ibóbwara ikavava, itaoya ikalavedi go, ina ituli ta kasa.

Guinuwa 15:13

E tutayana sibóbwara ikavava, Yemesa itaoya, idigo kana, ‘Segowo, konovēgu!

Guinuwa 15:2

E idi livala Paulo be Banabasi sinove, tuwo korotoyadi taiyao sikaumakimaki gagaina be nakae sivabobolagu. Tauna be nakae ana totugugunayao adi tomoyamoyayao taiyao. Nakona idi vatetalayana goi bei silovina.

Guinuwa 15:23

Ego leta tayamo sigini bego Yudasa be nakae Sailasi itoboinedi sinave. Letayana ame nakae kadi, ‘Kai Tomoya ina vamoleyanayao be nakae sedao adi tomoyamoyayao leta ame kagini kaetune iwo komi semao Totuyoyowo nuumisaimi Antiyoki goi be Siriya goi be nakae Silisiya goi yaimi. Uyama.

Guinuwa 15:6

Tuwo Tomoya ina vamoleyanayao be nakae ana totugugunayao adi tomoyamoyayao situgúguna bei ame nuwonuwanayana sibobore.

Guinuwa 20:17

E tuwo kavaiu Mileto goi, e Pauloyana livala ietune ina Epeso goi Tomoya ana totugugunayao adi tomoyamoyayao iduduwedi sima.

Guinuwa 24:11

Guna uyáwana unana kom itoboinem tomota kulumadadedi bei kuyagoi bego kaga ame bei alatuwokoim moe mooitamoina. Diyuu geya tayaamo goyo sigitegu aguinuwe unana geya tayaamo tuta Vada Kimaasabaina goi o idi kaba tugugunayao goi o asa sinaena goi akaumakimaki Diyuu taiyao o livisi aguinuwe Diyuu yaidi goi. Geya itoboineguta dogoiyadi aguinuwedi unana maliyalina ana badabada yawou aiyuwo kaka mlida, atuko ana Yerusalema goi bego asakululu Yaubada yaina, tauna moe tuta kaakupina bego dogoiyadi aguinuwedi.

Galetiya 1:19

Go guna kaiyakayana amoko goi Yeisu ina vamoleyanayaoyadi liliudi geya agitedita. Ida Tomoya siyana toina Yemesa anetava agite.

Galetiya 2:9

Tuwo kidi Yemesa, , tauyadi siduuduwedi tovakumgo toolagaidi, Yaubada ina kanuwóiya paisewa manuna sikinane bogina ivinigu. Tuwo ima paisewa sikamoitamoe, e mama nuwovavasa Banabasi be yau siseikaniyema bego kai kana Totuyoyowo yaidi Vala Dedevina katalavaite go, kidi itoboine sina tauyadi sakavaidi kuuponidi yaidi sitalavaite.

Yemesa 1:1

Komi Yaubada ina bodao yawou aiyuwo asa liliudi goi bogina kogala, Yau Yemesa, ida Yaubada be ida Tomoya , leta ame agini iwo yaimi. Uyagu!