Guinuwa 2:46 - Buki Kimaasabaina

⁴⁶ Maliyalina tamo tamo sina Yaubada ina Vada Kimaasabaina goi nuwodi tayamo sisaakululu be nakae idi vada goi aba nuwokavata aikanina siguuinuwe go, madi uyáwana be madi kasala avadi sikaiguyauye tomota liliudi yaidi goi, e taiyao sikakáika.

Guinuwa 2:46 ပူးပေါင်းရင်းမြစ်များ

Madiu 6:22

Matami moe wowomi ana rampa nakae. Tauna neta matami sidedevina, moe nakae komi tokaiguyau, e itoboinemi tomota idi mou kogitedokoidi bego kovaitedi. Neta nakae, e wowomiyadi madabokina mavada bei ivakayaodeidi.

Luke 11:41

Taabu konuuwonūwana toluyemi manudi, go sem atemi goi kokaiguyau bēso tokai yaidi, e bei atemi madabokina maavadaina.

Luke 24:30

Niga áika goi taiyao siitusobu, Yeisu ikabi, manuna ikauyagu Yaubada yaina. Ikavava, ikivisi ikaiguyauye tauyadi yaidi goi.

Luke 24:53

Ago tuta liliuna sinonoina Vada Kimaasabaina goi Yaubada siyaapaliye.

Guinuwa 16:34

Sisayoyoidi ikavava, tomatakavatayana imedi ina vada goi sisiu go, avadi ivinidi sikáika. Tauyana mana bodayauwo Yaubada bogina sinumise, tauna siuyáwana gagaina.

Guinuwa 2:42

E tuta liliuna sikaasaledi vamoleyanayao idi vatulúkwana goi be nakae abivekoveko goi, aba nuwokavata aikanina goi be nakae awanoi goi.

Guinuwa 20:7

E wiki ana maliyalina vakuumgoina goi bogina katugúguna be aba nuwokavata aikanina kaguinuwe go, Paulo ivaatétala kai taiyao. Ego ina nuwonúwana bego itomo kakailova, tauna ina vatétala ikimamanave ana kadókana bunatoina.

Guinuwa 3:1

E tuta tayamo awanoi ana tuta sina Vada Kimaasabaina ana kali sinaena goi bego sisiu.

Guinuwa 5:21

Tuwo anerose ina livala sinove, nobuyana nava matagougouna tauyadi sitaoya sina Vada Kimaasabaina ana kali goi tomota sivatuulukoidi Yeisu manuna. E kidi Tonúwala Toolagaina ma senao Sadusi bogina sitaligógana sima Vada Kimaasabaina goi kotu manuna. Tuwo kotu ana tolovinayao moe idi tomoyamoyayao sikatuvagogudi sima baige Vada Kimaasabaina ana polisi maniyedi sietunedi sina deri goi bego vamoleyanayaoyadi sikabidi simedi.

Guinuwa 5:42

Tolovinayadi idi lovina geya sikabikaoneyeta, go sem maliyalina tamo tamo sina Vada Kimaasabaina ana kali sinaena goi be nakae vada tamo tamo goi sivaatulúkwana be .

Roma 12:8

Neta ida kaiguyau moe kipáiwala, e takipāiwala. Neta ida kaiguyau moe nimalovalova, tanimalovalōva. Neta kita tovakumgo, mada poisógana taavakūmgo. Neta ida kaiguyau moe nuwokapisi, mada uyáwana tanuwokapīsi.

1 Korinta 10:16

Oine keigaina manuna Yaubada yaina takauyagu go, tutayana keigayana goi tanim moe nakae nakae. Takivisivisi go, tutayana berediyana takáika, moe nakae Guyau wowona tasiuko, e taeboda tayamo Tauyana taiyao ae?

2 Korinta 1:12

Moitamo itoboinema kakawanoi yaimi bego kokawanoi manuma. Ima uyawana gagágasa goi nukotoma geya isabutukoidita go, ima uyawana gagagasayana moe ame: Bego Yaubada pasina ima sinapu da poyapoya yaidi moe mooitamoina be maavadaina go, moe gagaina toina komi yaimi goi. Go ima sinapuyadi geya kada poyapoya ana nanamsa goi geya, go sem Yaubada ina kanuwóiya yaima goi.

2 Korinta 11:3

Ego amatoita nakona imi kasala mooitamoina be maavadaina Guyau yaina goi moteta bei nuwomi ivasulaigidi nakae boi nimatu ina nuwotulu goi Ivi bogina ivasulaigi.

Epeso 6:5

Komi kokabikaone.

Kolose 3:22

Komi paakonimi, kaga liliuna manudi imi tomoyamoya poyapoya goi kokabikaaonēdi. Geya kada matadi kaka goi kokabikaaonēdi geya. Moe nakae tauyadi yapali ana tolusalayao. Go sem mami kasala mooitamoina atemi goi kokaabikāwana go, mami matoita wowooinina ida Tomoya yaina goi.