Guinuwa 2:22 - Buki Kimaasabaina

²² Pita nava ibobóbwara idigo kana, ‘Komi , guna livala ame konovēdi: Yeisu guma Nasareta goi Yaubada guinuwa toogagaidi be aba kinana kainaaopaidi iguinuwedi yaimi. Aba kinanayadi goi ivatulukoimi bego Yeisu bogina ikinave. Moe bogina koyagoi.

Guinuwa 2:22 ပူးပေါင်းရင်းမြစ်များ

Madiu 12:28

Go yau Yaubada Balomaina ina togaga goi dimoni avataapiyedi, tauna bogina imaiyaba yaimi.

Madiu 2:23

Dadavayana goi sina asa tayamo yoina Nasareta; amoko goi silokasa. Moeko goi itoboine tokabivalavala idi livala boi sitalavaaitedi simalatomota. Sidigodigo bego Tauyana siduduwe guma Nasareta.

Madiu 9:8

E amo guinuwayana boda sigite, madi matoita wowooinina Yaubada ina togaga ana sikamoitamoe unana tomota togaga iivinidi.

Luke 11:20

E yau Yaubada ina togaga goi dimoni avataapiyedi, tauna bogina imaiyaba yaimi.

Luke 18:37

E tomotayadi sidigo kadi, ‘Yeisu guma Nasareta ivaatabale.’

Luke 24:18

E koroto tayamo yoina Keliyopasi idigo kana, ‘Manakae? Kom amta Yerusalema goi kueogaoga go, geya kuyagoiyeta maliyalina mlida goi kaga siisowóduwo ae?’

Iyoni 1:45

Pilipo ina Nataniela ibabane idigo kana, ‘Siyagu, Guyau manuna boi nimatu kidi Mosese Yaubada ina Katukeda goi igini be nakae Yaubada ina tokabivalavalayao idi buki goi sigini, e Tauyana bogina kababane! Moe Yeisu, Iyosepa natuna, guma Nasareta.’

Iyoni 10:37

Neta yau Tamagu ina guinuwa geya aguinuwedita, taabu konuumisēgu.

Iyoni 11:47

E tauna kidi Gagaidi be Parisi idi tomoyamoyayao sikatuvagogu idi kotu gagaina manuna. Sima situgúguna sidigo kadi, ‘Amo korotoyana aba kinana badabadaidi iguuinuwedi. Tauna bei kita manakaeda?

Iyoni 12:17

E boda boi Yeisu sigite tutayana Lasalo tokámasa yaidi goi ikaitáoe namlieta ina goi iduduwe ima, e ina guinuwayana nava sitaalavaite.

Iyoni 15:24

Boi guna guinuwa yaidi goi aguuinuwedi go, geya vatau tayaamo nakae iguinuwedi. Ago neta yaidi goi geya aguinuwedita, geya idi goyomo. Ego ame bogina madi goyo unana guna guinuwayadi bogina sigitedi go, yau ma Tamagu sikaolilivema. Taabu ame manuna kokaaliwōisa.

Iyoni 19:19

E Pailatoyana ilovina Yeisu ana píkwana aisika paaevaina tayamo goi sigini, kerose goi situpatuko. E ana pikwanayana kana, ‘Yeisu guma Nasareta, Diyuu adi Tokalibúbuna.’

Iyoni 3:2

Ame tauyana sabamgo goi ima yaina idigo kana, ‘Tovatulúkwana Toolagaim, kayagoi bego kom tovatulúkwana tayamo Yaubada goi kuma. Moitamo. Neta Yaubada kom taiyao geya, e aba kinana kuguuinuwedi geya itoboinemta kuguinuwedi.’

Iyoni 4:48

Go iya Yeisu idigo kana, ‘Neta aba kinana kainaaopaidi geya kogitedita, e bei geya konuumisegu.’

Iyoni 5:36

Go yau manugu tayamo talavaita ikaaiyaka; talavaitayana itogaga namlieta Iyoni ina talavaita. Moitamo. Talavaitayana moe guinuwa Tamagu iivinigu aguinuwedi, e guinuwayadi moitamo aguuinuwedi. Ame guinuwayadi sitalavaitegu bego Tamada ietunegu ama.

Iyoni 6:14

E kidi go tomotayadi sigite Yeisu aba kinana iguuinuwe, tuwo sidigo kadi, ‘Amo Tauyana moitamo Yaubada ina tatuuyaosi bego ima poyapoya ame goi.’

Iyoni 6:27

Taabu kopooisōgana awoinu kaavavaina manuna, go sem yawana vata awoinuna manuna kopooisōgana! Moe awoinuyana bei ivinimi. Bogina koyagoi. Tamada Yaubada bogina ivayoko iya ana katumapu, tauna itoboine nakae iguuinuwe.’

Iyoni 7:31

E boda badabadaidi sidigo kadi, ‘Nakona koroto amo ae? Unana geya vatau tayaamo itoboine aba kinana ana badabada iguinuwedi nakae amo korotoyana bogina iguuinuwedi!’ Nakae sibóbwara unana Yeisu sinumise.

Iyoni 9:33

Neta amo Tauyana Yaubada goi geya imaita, geya tayaamo kaga itoboine iguinuwe.’

Guinuwa 13:16

E moitamo Paulo itaoya, nimana ikatulagasi, tomota isanabodedi situgau. E situgau go, idigo kana, ‘Komi konovēgu.

Guinuwa 14:27

E sisowóduwo Antiyoki goi Tomoya ana totugugunayao sikaunokunokudi sima go, kidi Paulo be Banabasi sitalavaite kaga liliuna boi Yaubada nimadi goi iguuinuwedi be nakae manakaena Totuyoyowo idi kenao ikatupáeve bei itoboinedi sinumisa.

Guinuwa 2:19

Aba kainaopa yábana osasaina goi bei amadagidi. Aba kainaopayadi moe níyala bei ikamamaníwana be nakae tukówana matana ivakayakaya ikaika nakae. Aiyuwoina aba kinana poyapoya goi bei amadagidi. Aba kinanayadi moe ikaika, yeu sabeninimina be aubowo gagaina. Moe dogoiyadi sikavava, namlieta baige gagaina nakae dedevina bei isowóduwo.

Guinuwa 2:43

E Yeisu ina vamoleyanayaoyadi nimadi goi Yaubada aba kinana kainaaopaidi badabadaidi iguuinuwedi, e tomota liliudi sigitedi, madi matoita Yaubada siwoowoine.

Guinuwa 21:28

siduduwo sidigo kadi, ‘Komi , ame korotoyana tomota liliudi asa liliudi goi ivatulukoidi bego kita ida bodao, Yaubada ina Katukeda be nakae ida Vada Kimaasabaina sikataedi! Gwa kogīte! Totuyoyowo ida Vada Kimaasabaina ina kali goi isiuyedi, tauna ikibaibaili! Kōma kovaitēma tayoisi!’

Guinuwa 22:8

“Tomoya, kom avatau?” Yau kaegu. Tauyana idigo kana, “Yau guma Nasareta kuvakaaleyegu.”

Guinuwa 24:5

Ame korotoyana kagite tobugoyo tayamo tomota liliuda yaida. Nakae ivanibiníbita asa liliudi goi livisi iguuinuwe Diyuu liliudi yaidi poyapoya ana madabokina goi. Ago tauyana kidi Nasareta taviileidi adi tovakumgo.

Guinuwa 26:26

Tolovina Agiripa itoboine ikamoitamoegu. Tauyana nakae magu katepatu aavadigo; ame dogoiyadi bogina iyagoidi. Ayagoidoko dogoiyadi geya itamogemogeyedita. Geya itoboineyeta itamogemogeyedi. Tomota liliudi matadi goi sisowóduwo!

Guinuwa 26:9

E moitamo yau Parisi tayamo, tauna anumisa bego nava Yaubada bei tokámasa ikaitaoedi go, tuwo boi mainao anuwonúwana guma Nasareta manuna geya itoboineyeta. Tuwo yau toinigu anuwonúwana itoboinegu magu salau apoikiki Yeisu guma Nasareta ana tosabokuliyao avakaleyedi.

Guinuwa 3:12

E Pita igitedi, tuwo ilatuwokoidi idigo kana, ‘Komi , ame guinuwayana bogina kogite ae? Kaga kokainaopae? Kaga kopootekoima? Manakae? Konuwonúwana bego kai toinima ima togaga goi o ima sinapu yábana sinapuna goi ame tauyana kakidedevine iketoiya ae?

Guinuwa 3:6

Go kina Pita idigo kana, ‘Yau guma Nasareta yoina goi kutāoya be kuketōiya!’

Guinuwa 4:10

Komi be nakae guma Nasareta boi komi kerose goi kotupatuko go, Yaubada tokámasa yaidi goi bogina ikaitáoe. Ame Tauyana yoina goi topem idedevina. Tauna ame korotoyana matami goi iitaoya Yeisu yoina ina togaga pasina.

Guinuwa 5:35

Sikaiwoduwedi ikavava, e Diyuu adi tolovinayao ilatuwokoidi idigo kana, ‘Segowo Isileli tubunao, ami dodōkana kaga nakona bei koguinuwe amo korotoyadi yaidi.

Guinuwa 6:14

Moitamo. Tauyana kanove idigodigo bego amo Yeisuyana guma Nasareta vada ame bei itauwe go, ida sinapu Mosese ivinida bei ikaigaviledi.’

2 Korinta 12:12

Yaubada nimana goi magu mesayágana vamoléyana ana kiyakiyaya aguinuwedi yaimi goi bei komi koyagoi yau moitamo Guyau ina vamoléyana tayamo. Kiyakiyayayadi moe aba kinana kainaaopaidi be nakae .