Guinuwa 19:10 - Buki Kimaasabaina

¹⁰ E amo nakae ina sinapu tala aiyuwo sinaedi, tauna tomota liliudi Esiya goi sikaaiyaka Tomoya valena sinove, tomotayadi moe Diyuu be nakae .

Guinuwa 19:10 ပူးပေါင်းရင်းမြစ်များ

Guinuwa 13:12

Tuwo tolovinayana igite kaga liliuna isowóduwo Elimasi yaina, e inumisa unana Banabasi be Saulo idi vatulúkwana Tomoya manuna ikainaopa.

Guinuwa 16:6

E Paulo ma senao sina Parugiya be Galetiya adi dadava sisiu asaidi goi siváupa. Tutayana sisowóduwo, bego sina Esiya ana dadava go, isanabodedi.

Guinuwa 18:11

E tuwo tauyana tala tayamo be tukówana ainima tayamo ikaaiyaka Yaubada ina Vala ivaatulúkwana da Korinta yaidi.

Guinuwa 18:4

E Pauloyana , itaamyabidi bego sinumisa.

Guinuwa 19:20

Moe nakae Tomoya valena tuwaina isagayaakodoko go, boda siinumisa valayana myana silotowo.

Guinuwa 19:22

E tuwo Paulo ana tovaitayao adi taiyuwo ietunedi sivakumgo sina Mesadoniya; tovaitayadi moe Timoti be Erasto. Ietunedi go, kina tuta kaakupina tuwaina Esiya ana dadava goi ikaaiyaka.

Guinuwa 19:8

E tukówana aito sinaedi goi Paulo ina sinapu ame nakae: isowóduwo.

Guinuwa 2:9

Kita da Paritiya, da Mediya, da Elam, da Mesopotémia, da Yudiya, da Kapadosiya, da Pontosi, da Esiya,

Guinuwa 20:18

E sima ilatuwokoidi idigo kana, ‘Komi bogina kooyagoi guna sinapu nakonakae boi tutayana akaiyakemi, nakae boi agimisiu Esiya ana dadava goi go, ima ame tuta. Guna sinapuyadi ame nakae:

Guinuwa 20:31

Tauna koyauyāusa. Konuwāisi boi tala aito goi maliyalina be sabamgo, tuta liliuna ma mataiugu akatusiinapumi.

Guinuwa 6:9

E nakae iguuinuwe go, maniyedi sitaoya, Stiveni taiyao sikaumakimaki. Tauyadi idi kaba tugúguna yoina Taaligeima goi sisaakululu. Kidi maniyedi da Sairini, maniyedi da Alekisandira, da Silisiya be nakae da Esiya.

Roma 1:16

Moitamo, guna nuwonúwana bego Vala Dedevinayana atalavaite yaimi. Valayana manuna geya aomaemaeta. Valayana moe Yaubada ina togaga tonumisa liliuda ada yava manuna! Yavayana moe mainao kita manuda namlieta komi Totuyoyowo manumi.

Roma 10:12

Bogina koyagoi. Kita tavavasa; enao tayamo goi madabokida ada yava tababane. Ida Tomoya tayamo; e Tauyana tomota liliuuda ida Tomoya. Tauyana Toesaesa; bei liliuda neta taduduwe, e yaida goi ikaiguyau gagaina.

Roma 10:18

Nakona maniyedi sitamogemoge unana Valayana geya sinoveyeta. Go manakae? Yau abobóbwara bego kidi Isileli tubunao Valayana geya sinoveyeta? Geya! Moitamo, bogina sinove. Same goi nakae igini kana, ‘Idi talavaita ina poyapoya ame ana madabokina goi tomota sinove. O tadigo kada, “Idi livala bogina inúnuwo ina asa liliuudi goi.”’ Same 19:4

Galetiya 3:28

Tomota liliuda tavavasa be nakae geya tayaamo aliupa ikaaiyaka bego ilivisida ta boda be ta boda. Aliupayadi nakae Diyuu be Totuyoyowo, kidi be kidi taliigavidi, koroto be vevina. Ame aliupayadi bogina sikavava unana madabokida ida spwagógana Guyau Yeisu taiyao pasina bogina taeboda tayamo.

Kolose 3:11

Yawoida vauyadi goi geya tayaamo tavilei ikaaiyaka geya. Nakae Giriki o kaga liliuna itobukukuyuidi be nakae liliuda yaida goi ikaaiyaka.

2 Timoti 1:15

Bogina kuyagoi bego tonumisa badabadaidi Esiya goi situgavilegu nakae sikalavegu. Yaidi goi adi taiyuwo moe Pugelo be Eramogene.

1 Pita 1:1

Komi Yaubada ina kinavayao bogina kosapa kona Pontosi goi, Galetiya goi, Kapadosiya goi, Esiya goi be Bituniya goi kogala ogaoga nakae, Komi ami kinavayana nakae Yaubada Tamada boi bogina igimilovina. Ami kinavayana ame nakae: kokabikaone be nakae Tauyana ikaikaina goi iseulimi. Yau tayamo ami leta ame agini iwo. Yaubada ina kanuwóiya be ina tuboina bei ivaituwedi yaimi goi.

Nuwogau 1:11

Niyanayana idigo kana, ‘Kaga kuugitedi buki bilibilina goi kuginīdi. Ikavava, kuetunēdi sina Tomoya ana totugugunayao ame asayadi goi: Epeso, Simona, Pegamasi, Tuwatira, Sadesi, Piladelipiya, Laodiseya.’

Nuwogau 1:4

Yau Iyoni buki ame agini iwo komi Tomoya ana totugugunayao asa ainima aiyuwo Esiya ana dadava goi yaimi. Yaubada, Baloma ainima aiyuwo, be nakae Yeisu Guyau idi kanuwóiya be idi tuboina bei sivinimi. Yaubadayana Tokaiyako vata: Ame ikaaiyaka, boi nimatu ikaaiyaka go, tuta simamaima nakae bei ikaaiyaka. Balomayadi ainima aiyuwo Yaubada kebana esaaesaina matana goi sikaaiyaka.