Guinuwa 18:15 - Buki Kimaasabaina

¹⁵ Go moe komi bóbwara, you be nakae toinimi imi lovina manudi kokaumakimaki, tauna moe komi toinimi imi polava. Yau geya latuwogu bego moe dogoiyadi manudi atakínona.’

Guinuwa 18:15 ပူးပေါင်းရင်းမြစ်များ

Madiu 27:24

E Pailato bogina igite geya itoboineyeta ikaugeogéona Yeisu ina talígava manuna, go sem bodayadi giyakainava bei sivalauláuwo. Tuwo bwae ikabi bodayadi matadi goi nimana inikidi idigo kana, ‘Ame Tauyana ikaikaina moe yau geya guna puwoya geya. Yau nimagu bogina anikidi. Tauna Tauyana yawoina moe komi imi polava.’

Madiu 27:4

idigo kana, ‘Koroto tutubeso anuwotuluye, tauna bogina agoyo.’ E kidi kadi, ‘Im goyo moe geya kai ima puwoya geya. Moe kom im polava.’

Iyoni 18:31

E iya Pailatoyana idigo kana, ‘Komi konāve bei toinimi imi lovina goi kotakīno!’ Go kidi Diyuu adi tolovinayaoyadi sidigo kadi, ‘Tauyana itoboine ikámasa go, kai geya ima tagonamo bei tomota kakaumata, tauna kamekoim.’

Guinuwa 18:13

sidigo kadi, ‘Ame korotoyana ima ameko tomota itamyabidi sisaakululu Yaubada yaina go, moe sakululuyana geya kada Roma ina lovina nakae geya.’

Guinuwa 23:29

Tauyana manuna ame ababane: Diyuu idi wowókana moe aumakimaki idi lovina manudi. Go geya tayaamo goyo sitalavaite anove bei ame tauyana itoboine ikámasa o deri goi ikaiyaka geya.

Guinuwa 25:11

Neta moitamo goyo tayamo aguinuwe go, goyoyana pasina itoboinegu akámasa, e dedevina, ámasa geya asiyaeyeta. Ago idi bobwarayadi siwoowokoigu geya aguinuwedita, tauna geya vatau tayaamo itoboine Diyuuyadi nimadi goi iyatoigu. Tauna akawanoi bego yau ana goi guna kotu Sisa inove!’

Guinuwa 25:19

E kidi Paulo taiyao sikaumakimaki go, idi kaumakimakiyana moe toinidi idi tapwaroro ana lovina manudi be nakae koroto tayamo yoina manuna. Korotoyana ikámasa go, Paulo igéona bego tauyana maa yawoina.

Guinuwa 26:3

unana kom tonanamsa toina kita Diyuu ida sinapu be nakae ida kaumakimaki manudi. Tauna akawanoi makimaki yaim bego mam mesayágana go, kunovēgu.

1 Timoti 1:4

Kulovinaēdi taabu sikaasalēdi vatuta be tubudao adi liliu badabadaaidi yaidi goi. Dogoiyadi moe aumakimaki besobeso sivaaituwedi go, Yaubada ina paisewa moe numisa goi, e geya sivaituweyeta.

1 Timoti 6:4

e tauyadi toinidi sikilaagasidi. Sinuwonúwana siyagoidoko go, geya tayaamo kaga siyagoidoko, go sem siyala goyogoyo nuwonúwana adi géona besobeso be nakae aumakimaki livala manudi. Amo sinapuyadi goi vakipikipi, livisi, tagíwaya, wowókana goyogoyoidi

2 Timoti 2:23

E aumakimaki besobeso be aumakimaki kudukudupatudi kuvakiilisīdi unana kuyagoi aumakimakiyadi moe vakaleya idi kaba sowóduwo.

Taito 3:9

Go aumakimaki besobeso, tubudiyao yoidi manudi sililiu, livisi be nakae aumakimaki Yaubada ina Katukeda pasina, e geya tuwaina kunovēdi, go sem kuvakiilisīdi. Amo sinapuyadi goi geya tayaamo kaga dedevina isowóduwo be nakae geya basabasaidimo.