Guinuwa 17:6 - Buki Kimaasabaina

⁶ go, geya sibabanedita. Tuwo Yasoniyana be nakae senao nuumisaidi maniyedi siyoisidi sinavedi asa ana tolovinao matadi goi siduduwo kadi, ‘Korotoyadi asa liliudi píkwana adi toyomátula, e bogina sima ameko goi nakae siguinuwe.

Guinuwa 17:6 ပူးပေါင်းရင်းမြစ်များ

Madiu 24:14

Ago guna tonumisayao bei sina poyapoya ana madabokina goi sitalavaita liliudi sinove. Amo tutayana goi tuta ana kaba lukavava bei ima.

Luke 23:5

E bodayadi sikaugeogéona sidigo kadi, ‘Geya! Tauyana ina Yudiya madabokina goi ivaatulúkwana, e boda idumwamwainidi. Ivatowo Galili goi ima ameko goi.’

Guinuwa 1:15

Moe tutayana goi Pita senao nuumisaidi adi badabada tayamo andedi tuwenti (120) nakae situgúguna go, nauyayanaidi goi Pitayana itaoya ilatuwokoidi idigo kana,

Guinuwa 17:10

E kidi go Paulo be Sailasi sediyao nuumisaidi mainao silovina sabamgo goi adi taiyuwokova sietunedi sina asa Bereya. Tuwo moitamo nakae siguinuwe. Tuwo sima Bereya goi sisiu sina Diyuu idi kaba tugúguna goi sisiu.

Guinuwa 17:14

E tuwo mainao Paulo senao nuumisaidi sikabi siiwo sina mamaya goi. Ago Sailasi be Timoti Bereya goi sikaaiyaka.

Guinuwa 17:5

Go kidi Diyuu maniyedi sivakipikipi. Tuwo sina aba maketi goi maniyedi koroto toogoyoidi be nakae suumoyaidi sitaligogoidi sina asa goi tomota sidumwamwainidi, e Paulo be Sailasi pasidi tomota asa simgae. Tuwo sima Yasoni ina vada goi Paulo be Sailasi silusaledi. Vada ana niboda sikauguyali isou, e sisiu bego siyoisidi sikaiwoduwedi sinavedi asa ana tolovinao yaidi kotu manuna

Guinuwa 24:5

Ame korotoyana kagite tobugoyo tayamo tomota liliuda yaida. Nakae ivanibiníbita asa liliudi goi livisi iguuinuwe Diyuu liliudi yaidi poyapoya ana madabokina goi. Ago tauyana kidi Nasareta taviileidi adi tovakumgo.

Guinuwa 28:22

Go kai latuwoma ina bodao taviileidi manudi im nuwonúwana kutalavaite, kanove. Valedi bogina kanove bego asa liliudi goi tomota sikaogoyoedi’, tauyadi kaedi.