Guinuwa 17:32 - Buki Kimaasabaina

³² E tutayana Paulo ina livala sinove bego korotoyana tokámasa yaidi goi itaoyamna, maniyedi sikaiwotete go, maniyedi sidigo kadi, ‘Latuwoma bego niga tuta tayamo moe dogoiyana manuna kubobwaramna kanovem.’

Guinuwa 17:32 ပူးပေါင်းရင်းမြစ်များ

Aba Vatowo 19:14

E Loti vada goi isowóduwo ina natunao adi kamatakwanayao ibabanedi, e ilatuwokoidi idigo kana, ‘Kotāoya! Giyakainava bei Yauwe asa ame madabokina imtulidi. Tauna woilīmi kosīya!’ Go korotoyadi sinuwonúwana kadi, ‘Loti nakona ivaponuponu.’

Luke 14:18

Ago madabokidikova sivatowo sivakibala. Tayamo kana, “Yau tánuwo makaitaga agimone, itoboine ana agite. Akawanoi yaim kutagonēgu aikayana goi geya awoita.”

Luke 22:63

Kidi go Vada Kimaasabaina ana polisi Yeisu siyause go, sikaiwotete ame nakae:

Luke 23:11

E kina Erodiyana mana tovayaviyayao Yeisu sikaiwotete be sivaponuponuye. Nakae tolovina ana kwama dedevina sikabi, Yeisu sivalosi bego yaina goi sisakululu polapola. Ikavava, Erodi ina lovina goi sietunemnei ina Pailato yaina goi.

Luke 23:36

E tovayaviya nakae Tauyana sikaiwotete ame nakae: Sima bwaena yuyuyuna sitagone inim go,

Guinuwa 13:41

Tauyadi Yaubada ina livala sitalavaite sidigo kadi, “Komi kokaiwootetegu, konovēgu! Tayamo guinuwa gagaaina imi tuta goi bei aguinuwe komi yaimi. Guinuwayana bei igoyo toina. Nakona tomota sigimilatuwokoimi bei aguinuwe go, komi bei geya konumiseyeta bego dogoiyana aguinuwe. Tauna guna guinuwayana pasina kokaināopa namlieta kovailāi!”’ Abekuki 1:5

Guinuwa 17:18

E maniyedi tonanamsa nakae aba maketiyana goi sikaaiyaka. Tonanamsayadi moe boda aiyuwo, tayamo yoina Epikuriyo, tayamo yoina Sitoiko. E tonanamsayadi sikaumakimaki Paulo taiyao. Ago Paulo ina bóbwara sinovedi, maniyedi sidigo kadi, ‘Iyaa! Ame tauyana tokautaotáwana tayamo. Kaga latuwona nakona bego idigedi?’ Maniyedi sitainasi; sinuwonúwana bego Yeisu be nakae ina taoyamna moe yaubada aiyuwo italavaitedi, tauna sidigo kadi, ‘Ana taiyakeka ituli ta yaubadava adi taiyuwo italavaitedi.’

Guinuwa 17:33

Idi bobwarayana Paulo inove, tuwo bodayadi yaidi goi itaoya isowóduwo.

Guinuwa 2:13

Ego maniyena tomota sivaponupoonuyedi kadi, ‘Oine vau sinim ginagina, e siyaluwo!’

Guinuwa 24:25

E tutayana Paulo ivatétala kibóbwata, tomota toinidi idi kabikúnuwo be nakae Yaubada ina takínona ana tuta ina sowóduwo manudi, Pilikisiyana bogina imatoita, tauna idigo kana, ‘Ame tuta kom kūna. Ava tuta itoboinegu, bei aduduwemneim kuma kuvatetalamna.’

Guinuwa 25:19

E kidi Paulo taiyao sikaumakimaki go, idi kaumakimakiyana moe toinidi idi tapwaroro ana lovina manudi be nakae koroto tayamo yoina manuna. Korotoyana ikámasa go, Paulo igéona bego tauyana maa yawoina.

Guinuwa 26:8

Komi Diyuu manakae imi nuwonúwana bego Yaubada geya itoboineyeta tokámasa ikaitaoedi?

1 Korinta 1:23

E kai sem tupaatukoina kataalavaite. Tauna kidi Diyuuyadi vala sinove go, sikalagiwole. Kidi go Totuyoyowoyadi vala sinove go, kadi, ‘Geya ana yagoinamo.’

1 Korinta 15:12

E kataalavaite yaimi bego tokámasa yaidi goi Yaubada ikaitáoe, tauna kaga unana maniyemi yaimi kodigo kami, ‘Kita tomota ida kámasa goi bei geya tataoyamneta’?

1 Korinta 4:10

Ame nakae: Kai bego yaaluwoima manuna go, komi bego mami nanamsa Guyauyana manuna. Kai bego neenetaima. Ego komi bego toogagaimi. Komi bego mami wowoina. Ego kai geya ama wowoinamo.

2 Korinta 6:2

Moitamo. Yaubadayana idigo kana, ‘Tuta ana toboine goi anovem, e akatumapu; nakae am yava ana maliyalina goi ao avaitem.’ Aiseya 49:8 Konōve! Ame tuta moe tuta ana toboineyana. Konōve! Ame moe ami yava ana maliyalinayana.

Iberiu 11:36

E maniyedi aiwoteta be dábina silotowoidi. E tuwaina maniyedi seni goi nimadi siyowóidi be nakae deri goi sivaisiudi.

Iberiu 13:13

Tauna ida tunagu goi tasowōduwo, e Tauyana moetala goi tanōko ada yava manuna go, mada tagona aba omayamaya talotōwo Tauyana nakae.