Guinuwa 17:23 - Buki Kimaasabaina

²³ Moe moitamo. Tutayana imi kasa goi aaketoiya, imi kaba sakululu adovaatusidi go, tayamo nakae ababane mana gínina idigo kana, “Ame yaubada tayamo geya tayagoiyeta ina kaba kasala.” Tauna yaubadayana yaina mami tamogemoge kosaakululu, e ame tauyana yau ataalavaite yaimi.

Guinuwa 17:23 ပူးပေါင်းရင်းမြစ်များ

Madiu 15:9

Idi vatulúkwana moe tomota idi nuwonúwana, tauna idi sakululu yau yaigu, moe sakululu besobeso.”’ Aiseya 29:13

Iyoni 17:25

Tamagu e, kom . Da poyapoya geya siyagoimta. Go yau sem ayaagoim be nakae ame tauyadi siiyagoi bego kom kuetunegu ama.

Iyoni 17:3

E ame yawana vatayana: Bego tomota siyaagoim kom amta Yaubada mooitamoim be nakae siyagoigu yau Yeisu kom kuvamoleyegu ama.

Iyoni 8:54

Iya Yeisuyana idigo kana, ‘Neta yau toinigu guna togaga ana akamoitamoe, guna kamoitamoyana moe dogoi besobeso. Go yau Tamagu guna togaga ana káeyana ikamoitamoe. Mae Tauyana manuna komi kami, “Tauyana ima Yaubada.”

Guinuwa 17:30

E tuwo boi mainao Yaubadayana kotamogemogeye, tuwo imi goyo geya ikatumapudita, go sem ina upa bogina iyato bego da poyapoya mana kivavasa itakinodokoidi. Ago koroto tayamo boi bogina ivayoko ina totakínona. Manakaeda tayagoi bego ame moitamo? Aba kamoitamo iguinuwe tomota liliuda yaida moe korotoyana tokámasa yaidi goi ikaitáoe. Korotoyana ikinave bego tomota liliudi itakinoidi. Tauna ame tuta Yaubada ilovina bego tomota madabokida asa liliudi goi tatugavīla go, Tauyana anetava tanumīse.’

Roma 1:28

Kidi Yaubada sidovatusi go, silovina bego Tauyana ana nanamsa moe geya basabasainamo yawoidi manudi, tuwo sikatae, e tauna nakae Tauyana itagonedi toinidi nuwodi goyogoyoidi yaidi goi be kaga geya itoboineyeta yaidi, e tuwo siguuinuwedi.

1 Korinta 1:21

Ame moitamo. Yaubada mana nanamsa gagaina ina nuwonúwana iguinuwe, e da poyapoya geya itoboinedita toinidi idi nanamsa goi Yaubada siyagoi, tauna yaidi goi kerose valena ana taiyakeka geya ana yagoinamo. Go Yaubada mana uyáwana ilovina bego valayana kataalavaite goi kita ana tonumisayao iyaveda.

1 Korinta 8:5

Nakona tomota maniyedi sinuwonúwana bego yaubada badabadaidi yábana be poyapoya goi sikaaiyaka. Nakae idi yaubada badabadaidi be idi tomoya badabadaidi yaidi goi sisakululu go, kita ina tonumisayao moe geya takabikaoneyeta geya,

Epeso 2:12

amo tutayana tamo tamo boi nimatu iguuinuwedi Isileli tubunao yaidi goi go, komi geya. Tauna ina katótula kidi manudi komi geya. Komi poyapoya ame goi geya imi lotutamo yava manuna be nakae Yaubada mooitamoina komi yaimi goi geya.

2 Tesalonáika 2:4

Kaga liliuna tomota sivaayokoidi yaubadao o ava kaba sakululu, e tauyana bei ivakaaleyedi go, toinina ikilagasi dogoiyadi liliudi yaidi. Tauna bei isiu Yaubada ina Vada Kimaasabaina goi itusobu go, toinina italavaite bego kina anetava Yaubada toina.

1 Timoti 1:17

E Tokalibubuna vata geya ikamaseta nakae geya tagiteyeta. Tauyana anetava Yaubada. Ame Tauyana aba wowoina be aba taimámina ame tuta be nakae tuta simamaima. E nakae!

1 Iyoni 5:20

E nakae taayagoi Yaubada Natuna bogina ima be nakae nanamsa bogina ivinida bego Tauyana mooitamoina taayagoi be nakae Tauyana taiyao bogina taspwagógana. Tauyana moe Natuna Yeisu . Ame Tauyana Yaubada mooitamoina be nakae yawoida vata unana.