Guinuwa 17:18 - Buki Kimaasabaina

¹⁸ E maniyedi tonanamsa nakae aba maketiyana goi sikaaiyaka. Tonanamsayadi moe boda aiyuwo, tayamo yoina Epikuriyo, tayamo yoina Sitoiko. E tonanamsayadi sikaumakimaki Paulo taiyao. Ago Paulo ina bóbwara sinovedi, maniyedi sidigo kadi, ‘Iyaa! Ame tauyana tokautaotáwana tayamo. Kaga latuwona nakona bego idigedi?’ Maniyedi sitainasi; sinuwonúwana bego Yeisu be nakae ina taoyamna moe yaubada aiyuwo italavaitedi, tauna sidigo kadi, ‘Ana taiyakeka ituli ta yaubadava adi taiyuwo italavaitedi.’

Guinuwa 17:18 ပူးပေါင်းရင်းမြစ်များ

Maki 9:14

Pita, Yemesa be Iyoni Yeisu taiyao sisou sina sediyao yaidi go, sikandobala boda gagaina sigitedi ina tovatotowanayaoyadi sitaoyakobudi go, Yaubada ina Katukeda ana tovatulukwanayao tovatotówana taiyao sikaumaakimaki.

Luke 11:53

Yeisu ina bóbwara ilukavave, itaoya vadayana goi isowóduwo amo dadavayana ikalave go, kidi Yaubada ina Katukeda ana tovatulukwanayao be Parisi sivatowo Yeisu sivakaleye makimaki be lumadádana goi dogoi badabadaidi manudi sivakakone.

Guinuwa 26:23

Ame nuwonuwonayadi aba kaumakimaki: Neta kina itoboine bei mamayuyu ibabane be ikámasa. Aiyuwoina neta Tauyana itoboine tokámasa yaidi goi igimitaoyamna go, ina taoyamnayana goi mavada valena bei italavaite Diyuu yaidi be nakae Totuyoyowo yaidi.’

Guinuwa 4:2

unana sikawowoteya. Idi kawowoteyayana unana Pita be Iyoni tomota sivatuulukoidi be nakae sitaalavaita yaidi sidigo kadi, ‘ ina taoyamna pasina tokámasa bei sitaoyamna.’ Tauna sikawowoteya, e Pitayana be Iyoniyana sikamatanakoidi.

Guinuwa 5:42

Tolovinayadi idi lovina geya sikabikaoneyeta, go sem maliyalina tamo tamo sina Vada Kimaasabaina ana kali sinaena goi be nakae vada tamo tamo goi sivaatulúkwana be .

Guinuwa 6:9

E nakae iguuinuwe go, maniyedi sitaoya, Stiveni taiyao sikaumakimaki. Tauyadi idi kaba tugúguna yoina Taaligeima goi sisaakululu. Kidi maniyedi da Sairini, maniyedi da Alekisandira, da Silisiya be nakae da Esiya.

Roma 1:22

Tauyadi toinidi sipásima bego madi nanamsa go, kidi siyaluwo.

1 Korinta 3:18

Taabu toinimi kokatuubaūmi kami, ‘Kai ame tuta tonanamsa da poyapoya matadi goi.’ Moe nanamsayana kokalāve go, kotagōna tomota sivayokoimi komi kudukudupatumi bego nanamsa toina kobabane.

1 Korinta 4:10

Ame nakae: Kai bego yaaluwoima manuna go, komi bego mami nanamsa Guyauyana manuna. Kai bego neenetaima. Ego komi bego toogagaimi. Komi bego mami wowoina. Ego kai geya ama wowoinamo.

Kolose 2:8

Ami dodōkana, govila bei tomota idi nanamsa polapola geya basabasaidimo goi nukotomi sikobaledi. Amo nanamsayadi tomota goi sima be nakae yábana osasaina ana tolovinao goi sima go, moe geya ina nuwonúwana geya.