Guinuwa 15:22 - Buki Kimaasabaina

²² Tuwo Yemesa ibóbwara ikavava, e kidi Tomoya ina vamoleyanayao be nakae ana totugugunayao madi tomoyamoyayao liliudi silovina sidigo kadi, ‘Itoboine neta koroto yaida goi takinavedi bei taetunedi Paulo be Banabasi taiyao sina Antiyoki.’ Tuwo koroto adi taiyuwo sikinavedi, korotoyadi yoidi Yudasa, tauyana youyuwoina moe Basabasi, be Sailasi. Korotoyadi tovakumgo Tomoya ina tonumisayao yaidi. Sikinavedi ikavava, Paulo be Banabasi taiyao sietunedi sina Antiyoki.

Guinuwa 15:22 ပူးပေါင်းရင်းမြစ်များ

Guinuwa 1:23

Pita ibóbwara ikavava, you aiyuwo sikailagasidi: Tayamo yoina Iyosepa, tauyana siduduwe Basabasi go, youyuwoina moe Yusto. Tayamo yoina Mataya.

Guinuwa 11:19

E tutayana Diyuu Yerusalema goi Stiveni sikaumate, e mou gagaina isowóduwo Diyuu nuumisaidi yaidi. Tuwo sitaoya, sivagisapasapa; maniyedi sina Poinike dadavina, maniyedi sina simla Saipiro go, maniyedi sina asa Antiyoki. Ago sivanibiníbita Yeisu valena sitaalavaite kidi Diyuu aditava yaidi.

Guinuwa 11:20

Ego tovagisapasapayadi maniyedi Saipiro korotoidi go, maniyedi Sairini korotoidi. Ame tauyadi sina asa Antiyoki goi Diyuu yaidi goi sitaalavaita go, aiyuwoina kidi Totuyoyowo nakae yaidi goi Tomoya Yeisu Valena Dedevina sitaalavaite.

Guinuwa 11:22

E Tomoya ana totugugunayao adi tovakumgoyao Yerusalema goi vala sinove bego Totuyoyowoyadi Antiyoki goi sikaaiyaka bogina sinumisa. Tuwo Banabasi sietune isou ina Antiyoki goi bego igite kaga isowóduwo.

Guinuwa 11:27

E amo tutayana goi maniyedi sitaoya, Yerusalema goi sisou sina Antiyoki.

Guinuwa 15:23

Ego leta tayamo sigini bego Yudasa be nakae Sailasi itoboinedi sinave. Letayana ame nakae kadi, ‘Kai Tomoya ina vamoleyanayao be nakae sedao adi tomoyamoyayao leta ame kagini kaetune iwo komi semao Totuyoyowo nuumisaimi Antiyoki goi be Siriya goi be nakae Silisiya goi yaimi. Uyama.

Guinuwa 15:25

Tauna dogoiyana manuna bogina katugúguna. Kai nuwoma tayamo goi kalovina kama, “Itoboine neta koroto maniyedi takinavedi ida kaloyao Banabasi be Paulo taiyao taetunedi sina yaidi.”

Guinuwa 15:27

Nakae kalovina, tauna koroto adi taiyuwo bogina kakinavedi kaetunedi siwo; korotoyadi moe Yudasa be Sailasi. Tauyadi bei silatuwokoimi nakae kaga leta ame goi kagini.

Guinuwa 15:3

Tauna Tomoya ana totugugunayao Antiyoki goi sivakinaredi ikavava, sina Yerusalema go, sinonoina Poinike ana dadava goi be nakae ana dadava goi sisiu sivanibiníbita Tomoya ana totugugunayao idi gúguna tamo tamo yaidi goi sivatetelidoko Totuyoyowo manakaedi Yeisu bogina sinumise. Tauna idi vatétala pasina sediyao nuumisaidi liliudi siuyáwana gagaina.

Guinuwa 15:30

Tauna nakae tauyadi sietunedi sisou sina Antiyoki goi Tomoya ana tonumisayao sikaunokunokudi sima, e letayana sivinidi.

Guinuwa 15:32

E kidi go Yudasa be Sailasi adi taiyuwo nakae Yaubada ina tokabivalavalayao. Tauna tauyadi idi livala maanawena goi tonumisayao atedi sivapatupatudi be nakae sikitogagedi.

Guinuwa 15:40

E kina go Pauloyana itaoya, Sailasi ikinave go, kidi sediyao nuumisaidi Antiyoki goi sikasaledi Tomoya yaina bei ikanuwoiyedi idi paisewa manudi.

Guinuwa 16:19

E vavinayana ana tomoyamoyayao sigite bego idi esaesa unana bogina ikavava, tuwo gamodi igoyo. Tuwo sina Paulo be Sailasi siyoisidi, sibiusalesaledi sinavedi moteo goi bei asa ana tolovinao sigitedi.

Guinuwa 16:25

E bunatoina goi Paulo be Sailasi sikaaiyaka, sikaawanoi be nakae Yaubada ana yapali siveesiyedi go, kidi deri ana tokaiyakoyao sitaiyaakekedi.

Guinuwa 16:29

E tomatakavatayana ina topaisewayao ilatuwokoidi idigo kana, ‘Rampa komēdi bei deri imavada!’ Tuwo moitamo nakae siguinuwe go, kina ilokoina isiu ima Paulo be Sailasi matadi goi mana matoita imalitatátava, e aena ivatugúyala.

Guinuwa 17:10

E kidi go Paulo be Sailasi sediyao nuumisaidi mainao silovina sabamgo goi adi taiyuwokova sietunedi sina asa Bereya. Tuwo moitamo nakae siguinuwe. Tuwo sima Bereya goi sisiu sina Diyuu idi kaba tugúguna goi sisiu.

Guinuwa 17:14

E tuwo mainao Paulo senao nuumisaidi sikabi siiwo sina mamaya goi. Ago Sailasi be Timoti Bereya goi sikaaiyaka.

Guinuwa 17:4

Tuwo Diyuu maniyedi itamyabidi sinumisa. Aiyuwoina vevina gagaidi badabadaidi be nakae , sinumisa, e Paulo be Sailasi sisiukoidi.

Guinuwa 18:5

E tutayana Sailasi be Timoti Mesadoniya parovinsi goi sisou sima Korinta, tauna Paulo itoboine ina paisewa ikalave go, toinina ikasale Yeisu ana talavaita yaina. Tauyana italavaita makimaki Diyuu yaidi idigo kana, ‘Yeisu kina moitamo .’

Guinuwa 8:14

E tauyadi vamoleyanayao Yerusalema goi nava sikaaiyaka go, vala sinove bego maniyedi da Samériya Yaubada ina vala bogina sinumise, tuwo sietunedi sina asayana goi.

2 Korinta 1:19

Bogina koyagoi. Yeisu ina sinapu kasabookuliye. Yaubada Natuna, moe Yeisu , boi yau, Silovano be Timoti taiyao katalavaite yaimi. Moe Tauyana geya ipoleta kana, ‘U, bei aguinuwe’ go, ina nuwonúwana kana, ‘Bei geya aguinuweta.’ Go sem Tauyana goi Yaubada ina katótula sisowóduwo nakae idige.

1 Tesalonáika 1:1

Komi ana totugugunayao Tesalonáika goi, Komi tauyami Tamada Yaubada be ida Tomoya Yeisu taiyao bogina kospwagógana, e ame ami leta yau Paulo, Silovano, be Timoti kagini kaetune iwo yaimi. Yaubada ina kanuwóiya be ina tuboina bei ivinimi.

2 Tesalonáika 1:1

Komi ana totugugunayao Tesalonáika goi, Komi Tamada Yaubada be ida Tomoya Yeisu taiyao bogina kospwagógana, e ame ami leta yau Paulo, Silovano be Timoti kaetune iwo yaimi.

1 Pita 5:12

Leta ame giyaina agini go, kina Silovano nimana goi ayato aetune iwo yaimi. Tauyana aayagoi siyami komi yaimi. Letayana goi bogina atemi avapatupatudi be nakae guna nuwonúwana atalavaite ame letayana moe Yaubada ina kanuwóiya mooitamoina. Anuwoiyayana goi koovadōkana!