Guinuwa 15:2 - Buki Kimaasabaina

² E idi livala Paulo be Banabasi sinove, tuwo korotoyadi taiyao sikaumakimaki gagaina be nakae sivabobolagu. Tauna be nakae ana totugugunayao adi tomoyamoyayao taiyao. Nakona idi vatetalayana goi bei silovina.

Guinuwa 15:2 ပူးပေါင်းရင်းမြစ်များ

Tateta 18:23

Neta moe nakae kuguinuwe be nakae Yaubada ilatuwokoim kuguinuwe, bei itoboinem kutogaga go, ame tomotayadi liliudi itoboinedi madi tuboina sikaluvila sina idi yoyou.’

Guinuwa 10:23

Tauna Pita iuyaonedi sisiu vada sinaena taiyao sikaaiyaka go, irugwausidi. E vanuwo itomo, Pita itaoya, korotoyadi be nakae sediyao nuumisaidi maniyedi Yopa goi sikaaiyaka taiyao sina. Sinonoina, enao goi simasisi.

Guinuwa 11:12

E ilatuwokoigu idigo kana, “Korotoyadi taiyao kōna go, taabu kunaanayūwo.” E ana go, segowo ame adi tainima tayamo nakae taiyao kana Totuyoyowo ina vada goi kasiu.

Guinuwa 11:30

Nakae siguinuwe go, idi vininabesoyana silamgogo ikavava, Banabasi be Saulo nimadi goi siyato. Tauyadi sinave Yerusalema goi tomoyamoyayao nuumisaidi sivinidi, sikaiguyauye.

Guinuwa 15:25

Tauna dogoiyana manuna bogina katugúguna. Kai nuwoma tayamo goi kalovina kama, “Itoboine neta koroto maniyedi takinavedi ida kaloyao Banabasi be Paulo taiyao taetunedi sina yaidi.”

Guinuwa 15:27

Nakae kalovina, tauna koroto adi taiyuwo bogina kakinavedi kaetunedi siwo; korotoyadi moe Yudasa be Sailasi. Tauyadi bei silatuwokoimi nakae kaga leta ame goi kagini.

Guinuwa 15:4

E situko sina Yerusalema goi kidi Tomoya ana totugugunayao, ina vamoleyanayao be nakae ana totugugunayao ana tomoyamoyayao siuyaonedi. Ikavava, Paulo kidi sitalavaita kaga liliuna boi Yaubada nimadi goi iguuinuwedi.

Guinuwa 16:4

E Paulo ma senao Lustira sikalave go, sina asa tamo tamo goi Totuyoyowo nuumisaidi sivatulukoidi lovinayadi manudi sidigo kadi, ‘Ame lovinayadi kokabikaonēdi.’ Lovinayadi boi Tomoya ina be ana totugugunayao adi tomoyamoyayao Yerusalema goi bogina sitalavaitedi.

Guinuwa 21:18

E itomo Paulo kai taiyao kana Yemesa kagite. Ago Tomoya ana tomoyamoyayao liliudi nakae bogina sikaaiyaka.

1 Korinta 1:1

Komi Yaubada ana totugugunayao Korinta goi, Yaubada toinina umana bogina ikimasabemi tutayana kospwagógana taiyao. Nakae Yaubada ina duduwo goi komi ina kimasabayao. Yau Paulo, boi tayamo Yaubada ina nuwonúwana goi. E siyada Sositeni taiyao leta ame kaetune iwo komi Korinta goi yaimi be nakae komi liliumi asa liliudi goi neta ida Tomoya Yeisu Guyau yaina kosaakululu. Guyauyana moe komi be nakae kai ida Tomoya.

2 Korinta 11:5

Go itoboine yau guna bóbwara goi komesayágana. Moitamo. Amo korotoyadi bego Guyau ina toosakidi go, yau guna nuwonúwana geya sikalisaveguta geya.

Galetiya 2:5

Ago idi nuwonúwana goi geya kada go giyaiina katagona geya. Moe bego Vala Dedevina ana vatulúkwana mooitamoina ikaaiyaka moitamo komi imi numisa ana dedevina manuna.

Yuda 1:3

Guna kaloyao, latuwogu toina bego ami leta ame goi alatuwokoimi kita tonumisa ada yava tayamo manuna go, geya itoboineguta unana tayamo mou isowóduwo yaimi, tauna itoboine bei leta ame goi akatununuwosimi bego ida numisa ana vatulúkwana kaka kovaboodebode. Ame vatulukwanayana boi Yaubada bogina sivatayamo ivatulukoida kita ina kimasabayao, tauna taabu takaatusāvi o takaaigavīle.