Guinuwa 14:26 - Buki Kimaasabaina

²⁶ E amoko goi sikailova sina Selúsiya goi sivaiu, e sisou siyava sina Antiyoki goi. Amoko goi boi kidi tonumisayao sikasaledi Yaubada yaina bei ikanuwoiyedi paisewayana bogina silukavave manuna.

Guinuwa 14:26 ပူးပေါင်းရင်းမြစ်များ

Guinuwa 11:19

E tutayana Diyuu Yerusalema goi Stiveni sikaumate, e mou gagaina isowóduwo Diyuu nuumisaidi yaidi. Tuwo sitaoya, sivagisapasapa; maniyedi sina Poinike dadavina, maniyedi sina simla Saipiro go, maniyedi sina asa Antiyoki. Ago sivanibiníbita Yeisu valena sitaalavaite kidi Diyuu aditava yaidi.

Guinuwa 11:20

Ego tovagisapasapayadi maniyedi Saipiro korotoidi go, maniyedi Sairini korotoidi. Ame tauyadi sina asa Antiyoki goi Diyuu yaidi goi sitaalavaita go, aiyuwoina kidi Totuyoyowo nakae yaidi goi Tomoya Yeisu Valena Dedevina sitaalavaite.

Guinuwa 11:23

Banabasiyana koroto dedevina, mana numisa gagaina be nakae Baloma Kimaasabaina ivakayaaodei. Tauna tutayana ina amoko goi, igite Yaubada ikanuwoiyedi, e iuyáwana be nakae tonumisayadi iliwoledi bego atedi madabokina goi sitaoyakavata Tomoya yaina. Tuwo boda gagaina tuwaina sinumisa, Tomoya ina bodao sisiukoidi.

Guinuwa 11:26

Ibabane ikavava, ime Antiyoki goi. Tuwo tala tayamo goi adi taiyuwo sikaaiyaka Tomoya ana totugugunayao taiyao situgúguna go, boda gagaina sivatuulukoidi. Ego ame tutayana kidi da Antiyoki Yeisu ina bogina sigimivayoudi Keristiyani.

Guinuwa 11:27

E amo tutayana goi maniyedi sitaoya, Yerusalema goi sisou sina Antiyoki.

Guinuwa 14:19

E Diyuu Antiyoki be nakae Ikoniyam goi sima da Lustira nuwodi sitalaidi. Tuwo sima Paulo siyoisi go, gurewa sikabidi silaui. Ikavava, sibiu sinave asa moetala goi sikalave. Sinuwonúwana kadi, ‘Bogina ikámasa.’ Go geya!

Guinuwa 14:21

Amo asayana goi Vala Dedevina sitalavaite, e tomota badabadaidi sinumisa simalatovatotówana. Sitalavaite ikavava, e sikaluvilamna sina Lustira, Ikoniyam be Antiyoki.

Guinuwa 14:23

E tauyadi Tomoya ana totugugunayao idi tugúguna tamo tamo adi tomoyamoyayao sikinavedi. Ikavava, madi be madi kawanoi tomoyamoyayadi sikasaledi idi Tomoya siinumise yaina.

Guinuwa 15:22

Tuwo Yemesa ibóbwara ikavava, e kidi Tomoya ina vamoleyanayao be nakae ana totugugunayao madi tomoyamoyayao liliudi silovina sidigo kadi, ‘Itoboine neta koroto yaida goi takinavedi bei taetunedi Paulo be Banabasi taiyao sina Antiyoki.’ Tuwo koroto adi taiyuwo sikinavedi, korotoyadi yoidi Yudasa, tauyana youyuwoina moe Basabasi, be Sailasi. Korotoyadi tovakumgo Tomoya ina tonumisayao yaidi. Sikinavedi ikavava, Paulo be Banabasi taiyao sietunedi sina Antiyoki.

Guinuwa 15:30

Tauna nakae tauyadi sietunedi sisou sina Antiyoki goi Tomoya ana tonumisayao sikaunokunokudi sima, e letayana sivinidi.

Guinuwa 15:40

E kina go Pauloyana itaoya, Sailasi ikinave go, kidi sediyao nuumisaidi Antiyoki goi sikasaledi Tomoya yaina bei ikanuwoiyedi idi paisewa manudi.

Guinuwa 20:32

Tuwo ame tuta Yaubada nimana goi ayatoimi be nakae ina kanuwóiya valena ivainuugonemi goi. Valayana goi imi numisa bei itogaga be nakae ami katumapu bei kobabane. Moe tomota liliudi, tauyadi Yaubada bogina ikimasabedi ina bodao, taiyao.

Roma 15:19

aba kinana kainaaopaidi adi togaga goi be nakae Yaubada Balomaina ina togaga goi. Tauna Yerusalema goi ina Ilurikoni parovinsi goi Guyau Valena Dedevina bogina atalavaiteyabe sinove.

2 Korinta 1:12

Moitamo itoboinema kakawanoi yaimi bego kokawanoi manuma. Ima uyawana gagágasa goi nukotoma geya isabutukoidita go, ima uyawana gagagasayana moe ame: Bego Yaubada pasina ima sinapu da poyapoya yaidi moe mooitamoina be maavadaina go, moe gagaina toina komi yaimi goi. Go ima sinapuyadi geya kada poyapoya ana nanamsa goi geya, go sem Yaubada ina kanuwóiya yaima goi.

Galetiya 2:11

E niga tutayana Kepasi imekoima Antiyoki goi kai taiyao kakaaiyaka go, ina sinapu agite bogina ibágala. Tauna akamamaetali.

Kolose 1:25

Totugugunayami manumi yau bogina amalatovaita, nakae Yaubada bogina ikawoigu komi ami dedevina manuna bego ina Vala madabokina tomota liliudi yaidi goi atalavaite.

Kolose 1:28

Tauyana kai kataalavaite tutayana tomota liliumi kakatusinapumi be nakae mama nanamsa gagaina kavatulukoimi. Ima talavaitayana bego itoboinema tomota liliumi kavagitakoimi komi maatuwoimi Guyau matana goi.

Kolose 4:17

Ago Arikipo kolatuwōko kami, ‘Paisewa Tomoya bogina iivinim kunuwāisi kulukavave.’

2 Timoti 4:2

Yaubada ina livala kutaalavāite mam katubayasi tuta ana toboine goi o nakona tuta geya ana toboinemo goi. Aiyuwoina mam mesayágana gagaina be mam vatulúkwana tomota idi goyo kukamamaetalīdi be tomota kubowōidi be kukipaiwolēdi.