Guinuwa 14:15 - Buki Kimaasabaina

¹⁵ sidigo kadi, ‘Tawou, ame kaga koguuinuweko? Kai koroto; tomota komi nakae. Kita tavavasa! Kai Vala Dedevina kataalavaite yaimi. Komi imi yaubada polapolayao geya basabasaidimo kotugavilēdi go, Yaubada maa yawoina komēko. Unana Tauyana yábana, poyapoya, négwasa be nakae kaga liliuna sinaedi goi imadagidi.

Guinuwa 14:15 ပူးပေါင်းရင်းမြစ်များ

Aba Vatowo 1:1

Aba vatowo goi Yaubada kaga liliuuna iwodugudi, nakae yábana be poyapoya.

Aba Vatowo 41:16

E Iyosepayana idigo kana, ‘Guna tomoya, anamimi adi talígava moe yau toinigu geya itoboineguta. Go sem Yaubada itoboine. Moitamo im kanamimi ana talígava bei ilatuwokoigu namlieta baige alatuwokoim go, ana taligavayana bei am dedevina manuna.’

Tateta 20:11

Maliyalina ainima tayamo goi Yau Yauwe yábana be poyapoya be négwasa be nakae kaga liliuna sinaedi amadagidi go, maliyalina ainima aiyuwoina goi awaiwasi. Tauna maliyalina ainima aiyuwoina aba waiwasi Yau Yauwe bogina be nakae akimasabe umagu.

Iyona 2:8

Avatauwa neta siinumisa tokwalu geya basabasaidimo yaidi goi, e Yauwe ina geya sibabaneyeta.

Madiu 16:16

E Saimoni idigo kana, ‘Kom , Yaubada maa yawoina Natuna!’

Iyoni 5:26

Ame nakae: Tamana moe yawana vau ana tokaiguyau go, Natuna nakae bogina ivayoko bego Tauyana yawana vau ana tokaiguyau.

Iyoni 7:18

Avatau neta toinina ina nuwonúwana goi ibobóbwara, tauyana toinina ana taimámina manuna iitokuma. Go avatau neta ana toetuna ina taimámina manuna iitokuma, tauyana moitamo. Geya tayaamo sinapu goyo tauyana yaina goi ikaaiyaka geya.

Guinuwa 10:26

E kina go Pitayana igite, tuwo Koniliasi ibutáoe idigo kana, ‘Kutāoya! Yau tomota kom nakae. Geya itoboineyeta aem kuvatugúyala yaigu.’

Guinuwa 13:32

Kai nakae kataalavaite komi yaimi. Vala Dedevinayana moe kaga Yaubada boi ikaatotuli tubudao yaidi

Guinuwa 14:21

Amo asayana goi Vala Dedevina sitalavaite, e tomota badabadaidi sinumisa simalatovatotówana. Sitalavaite ikavava, e sikaluvilamna sina Lustira, Ikoniyam be Antiyoki.

Guinuwa 14:7

Amoko goi Vala Dedevina nava sitaalavaite.

Guinuwa 16:30

Ikavava, itaoya, ikabidi inavedi moetala goi idigo kana, ‘Guna tomoyamoyayao, kaga itoboinegu aguinuwe bego guna yava ababane?’

Guinuwa 27:10

idigo kana, ‘Tawou, kélava ame bogina agite neta ame asayana takalave go, takailova, e ida tupa bei igoyo toina. Kónana be nakae ida oga bei sitagau go, aiyuwoina maniyeda bei tavailai. Tauna, yau guna nuwonúwana bego taabu taakailōva.’

Guinuwa 27:21

Bogina tuta maanawena geya kakaiketa. Tuwo Paulo itaoya ilatuwokoima idigo kana, ‘Tawou, neta guna nuwonúwana boi mainao konove! Neta geya takailoveta go, neta Kiriti goi takaiyaka, e nakae ame mouyadi geya tababanedita be nakae geya tayaamo kaga itagau.

Guinuwa 27:25

Tauna segowo, kokatepātu! Moitamo. Anumisa Yaubada yaina bego kaga liliuna ina anerose iidigedi nakae bei sisowóduwo.

Guinuwa 4:24

E sediyaoyadi sinove, nuwodi tayamo goi sikawanoi Yaubada yaina sidigo kadi, ‘Toolagaim, yábana, poyapoya, négwasa be nakae kaga liliuna sinaedi sikaaiyaka kom adi tomadágina.

Guinuwa 7:26

Vanuwo itomo Moseseyana isowóduwo ina Isileli tubunao igitemneidi go, ikandobala Isileli tubunao adi taiyuwo igitedi sivalauláuwo. Sivalauláuwo go, kina ipooikíkina bego nukotodi igudalidi kana, “Tawou, komi boda tayamo, tauna kaga unana kovalauláuwo?” Tateta 2:13

1 Korinta 8:4

E tuwo imi lumadadanayana awoinu kaasalaina yaubada polapola yaidi ana káika manuna akatumapu. Nakae komi, kita bogina tayagoi bego yaubada polapola geya yawoidimo be nakae Yaubada tayamo toito ikaaiyaka. Moe bogina kobóbwara moitamo.

Epeso 4:17

E ame alatuwokoimi be nakae guna spwagógana ida Tomoya taiyao pasina akatumatalimi: Geya tuwaina kidi geya sinumiseta idi ketoiya nakae kooketoiya. Tauyadi idi nuwonúwana geya basabasainamo.

1 Tesalonáika 1:9

Bogina koyagoi. Ava kasa goi kana, e toni kasa toinidi sitalavaitema manakaema boi mama nuwotokai kasowóduwo yaimi be nakae sitalavaitemi komi manakaemi yaubada polapola bogina kotugaviledi go, Yaubada maa yawoina be mooitamoina konoko bego komi Tauyana ina , e kokasalemi Tauyana yaina.

1 Timoti 3:15

go, neta akaaimúmuna, latuwogu bego kuuyagoi ava sinapuva itoboine Yaubada ina vada sinaena goi. Ina vadayana moe kita Yaubada maa yawoina ana totugugunayao. Tauyada Yaubada ana ana lasáuna be nakae ana tovabodaboda.

Iberiu 3:12

Tauna nakae Baloma Kimaasabaina ina bobwarayana, segowo, e alatuwokoimi komi nakae mami nunūwata, govila bei tomota maniyemi yaimi goi atemi madi goyo, e imi numisa goi kosou bei Yaubada maa yawoina kokalave.

Yemesa 5:17

Tayamo aba gita yaida moe . Tauyana tomota kita nakae go, ikawanoi makimaki bego geya ikuwoneta, tauna tala aito be nakae tukówana sikisi goi geya ikuwoneta!

Nuwogau 14:7

Livalayana niyana gagaina goi itaalavaite idigo kana, ‘Mami matoita Yaubada ina togaga ana kokamoitamōe! Takínona ana tuta bogina ima be tomota liliudi da poyapoya itakinoidi. Tauna kotugavīla go, Tauyana ina togaga ana káeyana kokamoitamōe! Tauyana yábana, poyapoya, négwasa be nakae bwae liliudi imadagidi, tuwo yaina kosakulūlu!’

Nuwogau 19:10

Tuwo aneroseyana aena goi aegu avatugúyala be yaina asakululu go, ilatuwokoigu idigo kana, ‘Moe nakae geya! Yau goi ima go, Balomayana nakae tokabivalavala nukotodi isanayatoidi valayana sitalavaite. Tauna kom be yau vala tayamo ana totalavaitayao tavavasa.’

Nuwogau 19:19

Amo ikavava, woiwoiyana boi négwasa goi isinalaga be nakae poyapoya ana tolovinao madi tovayaviyayao agitedi bogina sitaligógana sima bei Tauyana osi poowouna goi iitulaga mana tovayaviyayao sivayaviyedi.

Nuwogau 22:9

Go tauyana idigo kana, ‘Moe nakae geya! Yau Yaubada ina pákwana nakae kom be semowo; komi tokabivalavala be nakae tomota liliudi buki ame ina livala ana tokabikawanayao. Tauna Yaubada anetava yaina kusakulūlu!’

Nuwogau 4:11

‘Ima Tomoya Yaubada, Kaga liliuna kom kumadagidi be nakae im nuwonúwana pasina sikaaiyaka. Tauna itoboinem bei taimámina, wowoina be nakae togaga kubabanedi.’