Guinuwa 13:2 - Buki Kimaasabaina

² E tauyadi sisaakululu Tomoya yaina be nakae sidiiyakímwana go, ilatuwokoidi idigo kana, ‘Banabasi be Saulo kokimasabedi yau guna paisewa manuna; paisewayana bogina akawoidi.’

Guinuwa 13:2 ပူးပေါင်းရင်းမြစ်များ

Madiu 17:21

Ego dimoni amo nakae bóbwara kaka goi geya isiyeta, go sem awanoi goi be goi bei isowóduwo.]’

Madiu 6:16

E tutayana kodiiyakímwana, maisimi taabu kobuwoowonīdi kidi todedevidi polapola idi sinapu nakae. Maisidi sibuwowonidi bego tomota siyagoidi tauyadi . U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Madiu 9:38

Tauna toni tánuwo yaina goi kokawanōi bego topaisewa ietunedi sima sidibayoya.’

Luke 10:1

E moe guinuwayadi sikavava, Tomoya ina yaidi goi seventitu (72) ikinavedi ina paisewa manuna. Adi taiyuwo adi taiyuwo ietunedi bei sivakumgo sina asa liliudi goi tomota sikatubayasidi Tauyana ina sowóduwo manuna.

Luke 2:37

Vavinayana ma koobuina ikaaiyaka aaa, e ana tala eiti poa (84) bogina ibabane. Tuta liliuna Vada Kimaasabaina goi ikaaiyaka, mana diyakímwana be mana kawanoi itaaimámina Yaubada yaina.

Guinuwa 10:19

E kina go Pita nava ina kalayausayana inuwoleléuye go, idigo kana, ‘Pita! Koroto adi taito bogina sima siluusalem.

Guinuwa 10:30

Koniliasiyana idigo kana, ‘Boi konavasiye lavilavina guna vada goi akaawanoi go, koroto tayamo ana kwama naamalina isowóduwo matagu goi itaoya.

Guinuwa 13:3

Tuwo . Ikavava, sietunedi sina.

Guinuwa 13:4

Tauna Baloma Kimaasabaina Saulo be Banabasi ietunedi sisou siiwo sina Selúsiya. Amoko goi oga sisowoya sikailova sina simla Saipiro.

Guinuwa 14:26

E amoko goi sikailova sina Selúsiya goi sivaiu, e sisou siyava sina Antiyoki goi. Amoko goi boi kidi tonumisayao sikasaledi Yaubada yaina bei ikanuwoiyedi paisewayana bogina silukavave manuna.

Guinuwa 20:28

Boi Yaubada bogina toinina ikaikaina goi tomota ikabidi ana totugugunayao. Ago Baloma Kimaasabaina bogina ivayokoimi tomatakavatayao Yaubada ana totugugunayaoyadi yaidi, e bei komatakavatedi. Tauna komi toinimi komatakavatēmi be nakae tonumisayadi nakae komatakavatēdi.

Guinuwa 22:21

Go Tauyana idigo kana, “Yau avamoleyem kuna aduwanau yaidi, tauna, to kūna.”’

Guinuwa 4:36

E Livai tubuna tayamo guma Saipiro yoina Iyosepa go, vamoleyanayao siduduwe Banabasi. Moe ana kaigavila kada, ‘Tokipáiwala.’

Guinuwa 6:4

E kai go bei kakasalema awanoi be Yeisu Valena Dedevina ana vatulúkwana yaidi goi.’

Guinuwa 8:29

E Baloma Kimaasabaina Pilipo ilatuwoko idigo kana, ‘Pilipo, kubāla kūna sariyota kikina kuuketōiya.’

Guinuwa 9:15

E kina Tomoyayana ilatuwoko idigo kana, ‘Kutāoya kūna unana ame tauyana bogina akinave yau guna kitom bei aepaisewe. Nava bei ina yaidi goi italavaitegu.

Roma 1:1

E komi segowo goi, Yau Paulo leta ame agini iwo yaimi. Yau Tauyana goi ima manuna.’

Roma 15:16

Ivinigu bego yau manuna bego Totuyoyowoyadi neta sinumisa, kidi yau guna vininabeso nakae Yaubada iuyaonedi unana Baloma Kimaasabaina bogina ikimasabedi Yaubadayana umana.

1 Korinta 12:11

E moe dogoiyadi liliudi Baloma Kimaasabaina tayamo iguuinuwedi. Nakae kita tamo tamo yaida goi ikaiguyaauyedi nakonakae latuwona.

1 Korinta 7:5

Komi nainaimi, geya tuwaina toinimi masisi goi kovagagalēmi, go sem neta komi koroto ma monemiyao kotagona, e tuta kaakupina masisi kototo bego kokasalemi awanoi manuna. Ago tutayana ikavava, aiyuwoina komasisīmna, govila bei Kaleya ivakakonemi unana imi vikaiya geya itoboinemita kototo, tauna Kaleya ivakakonemi.

2 Korinta 11:27

guna poisógana be guna valitulítuwo goi, sabamgo badabadaidi geya amasisita, magu loga be maegu isayasaya, tuta badabadaina geya avagumo, gogou akámasa unana guna kwama geya sibadebadeta.

2 Korinta 6:5

o ama láuwo goi, o ima tuta deri goi, o ama vakaleya goi, o ima poisógana gagaina goi, o nakae geya kamasiisi dókana, o ima loga goi. Go madabokidi goi mama togaga.

Galetiya 1:15

E boi yau nava sinagu gamona sinaena Yaubada ina kanuwóiya goi igimikimasabegu be nakae ivayokoigu Yeisu ana totalavaita. Go tutayana ilovina

Epeso 3:7

Yaubada ikawoigu yau aetovaita Vala Dedevinayana manuna. Guna kawoiyana moe ina kanuwóiya ivinibesoigu. Moe nakae ina togaga ipaaisewa yau yaigu goi.

Kolose 4:17

Ago Arikipo kolatuwōko kami, ‘Paisewa Tomoya bogina iivinim kunuwāisi kulukavave.’

1 Timoti 2:7

Kiyakiyayayana manuna Yaubada bogina ivayokoigu yau Yeisu ina totalavaita be ina adi tovatulúkwana. Ame abóbwara moitamo; geya apoleta. Go ida numisa ana vatulúkwana be Yaubada ana Nanamsa Mooitamoina avatulukoidi.

2 Timoti 1:11

Valayana manuna Yaubada ikawoigu bego yau valayana ana totalavaita, Yeisu ina vamoléyana be nakae valayana ana tovatulúkwana.

2 Timoti 2:2

Boi vatulúkwana tomota badabadaidi matadi goi avatuulukoim, e moe vatulukwanayadi goi tomota kuvatuulukōidi bei itoboinedi ituli ta tomota sivatulukoidi.

2 Timoti 4:11

Go Luke kina aneta ikaaiyaka ameko yau taiyao. Tutayana bei kuma, mainao kūna Maki kwābi taiyao kōma. Tauyana ma basabasaina yau yaigu paisewa manuna.

2 Timoti 4:5

E kom sem kaga liliuna goi toinim kukabikuunuīm. Mou kubaabanedi im paisewa pasina goi kuutogāga. Vala Dedevinayana ana totalavaita ana paisewa kuguuinūwe. Kom Yaubada ina topaisewa, tuwo paisewayana boi bogina ivinim kuguuinūwe.

Iberiu 5:4

Geya vatau tayaamo itoboine paisewa wowooinina ame toinina ikabi, go sem moe Yaubada ina kinava goi. Moe nakae boi ikabi.