Guinuwa 13:10 - Buki Kimaasabaina

¹⁰ idigo kana, ‘Kom topola moitamo. Kom ina kenao mooitamoidi kubuugoyaidi!

Guinuwa 13:10 ပူးပေါင်းရင်းမြစ်များ

Aba Vatowo 18:19

Guna nuwonúwana geya avamouyeta. Tauyana bogina akatuveko bei natunao nakae tubunao ilovinaedi kana, “Yauwe ina kenao goi taaketōiya ame nakae: Nuwona takiboobosīdi be nakae takínona vavasa taguuinūwe. Neta nakae taguuinuwe, e Yauwe ina katótula bei isowóduwo komi be yau yaida.”’

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Madiu 13:38

E tanuwoyana moe poyapoya ana madabokina. E kidi go kutukutu dedevidi moe Yaubada ina bodayauwo ina kalibúbuna sinaena goi sikaaiyaka. E kidi go sisinétala moe Togoyoinayana ina bodao.

Madiu 15:19

Tomota nuwodi goi nuwogau goyogoyoidi, aumata, roerata, masisi goyogoyoina, vaináwana, totalavaita polapola be nakae tagíwaya sisowóduwo.

Madiu 23:13

E komi Yaubada ina Katukeda ana tovatulukwanayao be nakae Parisi, imi vatulúkwana goi tomota kosanaabodedi, e goi geya sisiuta. Moitamo. Komi geya latuwomi kosiu go, avatauwa neta latuwodi sisiu, komi kosanabodedi. Tauna komi tokibobwata polapola! Oo komi ami toovalugo ae? [

Madiu 3:7

E Iyoniyana ikandobala badabadaidi igitedi simamaima; latuwodi adi sayóyova go, ilatuwokoidi idigo kana, ‘Komi siyasiyaimi moteta nakae! Manakae? Konuwonúwana bego sayóyova kaka goi itoboinemi Yaubada ina egamogamogu imamaima yaina kosiya ae? Sayóyova kaka geya ivaitemita! Mainao imi goyo goi kotugavīla!

Luke 11:39

E Tomoyayana idigo kana, ‘Komi Parisi moitamo! Komi keiga be noko nakae. Toluyedi koonikidi go, sinaedi báila ivakayaodeidi, bailayana moe matakónana be guinuwa goyogoyoidi.

Luke 11:52

Komi Yaubada ina Katukeda ana tolumavivitayao, nanamsa Yaubada manuna moe vada nakae go, ana ki bogina kokabi. Komi itoboinemi vadayana kokatupáeve, e tomota kovatulukoidi. Ago komi geya latuwomi kosiu go, avatauwa neta latuwodi sisiu nanamsayana siyagoi, komi kosanabodedi. Oo ami toovalugo ae?’

Iyoni 1:23

Iya idigo kana, ‘Yaubada ina tokabivalavala Aiseya boi nimatu italavaitegu idigo kana, “Yau toduduwo niyagu gagaina yoyowo goi aaduduwo kagu, ‘ ina kenao kokitotomōi!’”’ Aiseya 40:3

Iyoni 8:44

Komi tamami umana. Imi nuwonúwana moe bego tamami ina yalagau koguuinuwe. Amo tauyana aba vatowo goi ima ame tuta tokaumata. Tamamiyana Nanamsa Mooitamoina goi geya itaoeta, tauna tauyana yaina goi Nanamsa Moitamoinayana geya ikaiyaketa. Tutayana pola iivatoi, toinina aderina goi ivatoi. Tauyana topola be nakae pola tamana.

Guinuwa 20:30

Aiyuwoina ayagoi koroto maniyedi yaimi bei sitaoya idi vatulukwana polapola goi Yeisu ina tovatotowanayao sisobaledi bei sivasulaigidi.

2 Korinta 11:3

Ego amatoita nakona imi kasala mooitamoina be maavadaina Guyau yaina goi moteta bei nuwomi ivasulaigidi nakae boi nimatu ina nuwotulu goi Ivi bogina ivasulaigi.

Galetiya 1:7

Go moe valayana geya kada mooitamoina geya! Go tomota maniyedi nukotomi sikiwoowonidi be nakae sipooikíkina Guyau Valena Dedevina sisobale.

Epeso 4:14

Moe bego geya tuwaina kita ida numisa gogómana giyaidi nakae, e bei tomota idi vatulukwana polapola tamo tamo aivaya nakae geya ikaugavigaviledeta o yágira nakae geya ilayoyonideta. Amo tomotayadi madi nuwosinapu goyogoyoina idi bágala goi siyúpuna bego sikatubauda go, geya tuwaina.

2 Pita 2:15

Enao mooitamoina bogina sikalave go, sisuláiga unana Bosori natuna Balam ina kenao sisabookuliye. Tauyana esaesa guinuwa kapipiilovaidi goi nuwona ikabi.

1 Iyoni 3:8

Go avatauwa neta sinapu goyo siguuinuwe, tauyadi ina bodao unana poyapoya ana madágina goi go, ima ame tuta Totagiwayayana toogoyoina. Yaubada Natuna ima poyapoya ame goi unana ame: Bego Totagíwaya ina guinuwa ikausaolidi, e sikavava.