Guinuwa 11:30 - Buki Kimaasabaina

³⁰ Nakae siguinuwe go, idi vininabesoyana silamgogo ikavava, Banabasi be Saulo nimadi goi siyato. Tauyadi sinave Yerusalema goi tomoyamoyayao nuumisaidi sivinidi, sikaiguyauye.

Guinuwa 11:30 ပူးပေါင်းရင်းမြစ်များ

Guinuwa 12:1

E amo tutayana tolovina ina tovayaviyayao ilatuwokoidi sina Tomoya ana totugugunayao maniyedi siyoisidi bei siyogedegededi.

Guinuwa 12:25

E kidi go Banabasi be Saulo idi paisewa Yerusalema goi bogina ikavava, tuwo sikaluvila sina Antiyoki go, Iyoni taiyao. Tauyana youyuwoina moe Maki.

Guinuwa 14:23

E tauyadi Tomoya ana totugugunayao idi tugúguna tamo tamo adi tomoyamoyayao sikinavedi. Ikavava, madi be madi kawanoi tomoyamoyayadi sikasaledi idi Tomoya siinumise yaina.

Guinuwa 15:2

E idi livala Paulo be Banabasi sinove, tuwo korotoyadi taiyao sikaumakimaki gagaina be nakae sivabobolagu. Tauna be nakae ana totugugunayao adi tomoyamoyayao taiyao. Nakona idi vatetalayana goi bei silovina.

Guinuwa 15:23

Ego leta tayamo sigini bego Yudasa be nakae Sailasi itoboinedi sinave. Letayana ame nakae kadi, ‘Kai Tomoya ina vamoleyanayao be nakae sedao adi tomoyamoyayao leta ame kagini kaetune iwo komi semao Totuyoyowo nuumisaimi Antiyoki goi be Siriya goi be nakae Silisiya goi yaimi. Uyama.

Guinuwa 15:4

E situko sina Yerusalema goi kidi Tomoya ana totugugunayao, ina vamoleyanayao be nakae ana totugugunayao ana tomoyamoyayao siuyaonedi. Ikavava, Paulo kidi sitalavaita kaga liliuna boi Yaubada nimadi goi iguuinuwedi.

Guinuwa 15:6

Tuwo Tomoya ina vamoleyanayao be nakae ana totugugunayao adi tomoyamoyayao situgúguna bei ame nuwonuwanayana sibobore.

Guinuwa 16:4

E Paulo ma senao Lustira sikalave go, sina asa tamo tamo goi Totuyoyowo nuumisaidi sivatulukoidi lovinayadi manudi sidigo kadi, ‘Ame lovinayadi kokabikaonēdi.’ Lovinayadi boi Tomoya ina be ana totugugunayao adi tomoyamoyayao Yerusalema goi bogina sitalavaitedi.

Guinuwa 20:17

E tuwo kavaiu Mileto goi, e Pauloyana livala ietune ina Epeso goi Tomoya ana totugugunayao adi tomoyamoyayao iduduwedi sima.

Guinuwa 21:18

E itomo Paulo kai taiyao kana Yemesa kagite. Ago Tomoya ana tomoyamoyayao liliudi nakae bogina sikaaiyaka.

Guinuwa 4:36

E Livai tubuna tayamo guma Saipiro yoina Iyosepa go, vamoleyanayao siduduwe Banabasi. Moe ana kaigavila kada, ‘Tokipáiwala.’

1 Timoti 4:14

Boi Baloma Kimaasabaina im kaiguyau ivinim tutayana tomoyamoya nimadi sikailagasidi dabam goi Yaubada ina nuwonúwana kom manum sikabivalevale. E moe aiguyauyana taabu kukaligaagaīye.

1 Timoti 5:17

Imi tugúguna ana tovakumgoyao neta sivakumgo dókana, kowowoinedokōidi be koemaisīdi. Ame moitamo toina neta madi poisógana Yaubada ina livala siliwolae be nakae sivatulúkwana.

1 Timoti 5:19

Neta tomota tayamo toito ami tovakumgo italavaite goyo iguinuwe, taabu kunovenōve, go sem neta tomota adi taiyuwo o adi taito tovakumgoyana ina goyo manuna sitalavaita, kunovēdi.

Taito 1:5

Ame pasina boi Kiriti goi atulavem: Bego kaga kaga boi Tomoya ana totugugunayao yaidi goi taavatowo, e kom kulukavave be nakae Tomoya ana totugugunayao idi tugúguna asa tamo tamo goi koroto kuvayokoidi kidi tugugunayadi adi tovakumgoyao nakae yau bogina alatuuwokoim.

Yemesa 5:14

Avatauwa komi neta kookatówana, Tomoya ana totugugunayao adi tovakumgoyao koduduwēdi sima, e pútuma sikabi, ida Tomoya yoina goi sikatukoisimi go, manumi sikawanoi Yaubada yaina.

1 Pita 5:1

Tauna komi tomoyamoya, yau tomoya tayamo komi nakae be giyakainava bei ikaiwoduwe ina kaluvilamna goi, e yau tupwana bogina aalotowo. Tuwo akatuliwolemi

2 Iyoni 1:1

Kom namoya kiinavaim ma natumowo, Yau imi tomoya ami leta ame agini iwo yaimi. Amatakoiyemi nakae Yaubada ana bogina ikaiwoduwe yaida. Go geya kada yau agutava geya, go sem avatauwa neta Nanamsayana bogina siiyagoi nakae simatakooiyemi.

3 Iyoni 1:1

Gaiyo, Yau im tomoya am leta ame agini iwo yaim. Guna kalo, Yaubada ana taayagoi, tauna amatakoiyem.