Guinuwa 11:23 - Buki Kimaasabaina

^23-24 Banabasiyana koroto dedevina, mana numisa gagaina be nakae Baloma Kimaasabaina ivakayaaodei. Tauna tutayana ina amoko goi, igite Yaubada ikanuwoiyedi, e iuyáwana be nakae tonumisayadi iliwoledi bego atedi madabokina goi sitaoyakavata Tomoya yaina. Tuwo boda gagaina tuwaina sinumisa, Tomoya ina bodao sisiukoidi.

Guinuwa 11:23 ပူးပေါင်းရင်းမြစ်များ

Madiu 16:24

Tuwo kai Yeisu ina tovatotowanayao yaima goi idigo kana, ‘Avatauwa komi neta latuwomi bego kosabokuuliyegu, toinimi yawoimi kokaasalēdi be nakae toinimi imi kerose kokaavalēdi namlieta baige kōma kosabokuliyēgu.

Maki 2:5

Siyato go, Tauyana idi numisa igite, tuwo topemyana ilatuwoko idigo kana, ‘Natugu, yau adigo kom im goyo adi nuwotao bogina kubabane.’

Iyoni 15:4

Komi yaigu goi kokaaiyāka go, yau nakae yaimi goi akaaiyaka. Láwana geya itoboineyeta bei toinina ikéuwo, go sem neta búyala goi ikaaiyaka, itoboine ikéuwo. Komi nakae, geya itoboinemita toinimi goi kokéuwo, go sem neta yaigu goi kokaaiyaka, itoboinemi.

Guinuwa 13:43

E tomota liliudi idi tugugunayana goi sisáwala go, Diyuu badabadaidi be nakae Yaubada ana totaimaminayao maniyedi, tauyadi , sina Paulo be Banabasi sisabokuliyedi. Ago Paulo be Banabasi tuwaina sivatétala tauyadi taiyao go, sitaamyabidi kadi, ‘Yaubada ina kanuwoiyayana nava koyoisiikavāte.’

Guinuwa 14:22

Ame asayadi tamo tamo goi Yeisu ina tovatotowanayao sikitogagedi. Nakae atedi sivapatupatudi Yaubada ina yava ana kenao goi sitaoyakavata. Silatuwokoidi sidigo kadi, ‘Mou badabadaidi itoboineda tababanedi bei goi tasiu.’

Guinuwa 14:26

E amoko goi sikailova sina Selúsiya goi sivaiu, e sisou siyava sina Antiyoki goi. Amoko goi boi kidi tonumisayao sikasaledi Yaubada yaina bei ikanuwoiyedi paisewayana bogina silukavave manuna.

Guinuwa 15:40

E kina go Pauloyana itaoya, Sailasi ikinave go, kidi sediyao nuumisaidi Antiyoki goi sikasaledi Tomoya yaina bei ikanuwoiyedi idi paisewa manudi.

Guinuwa 20:24

Go tuwo, geya anuwonuwoneta bego yau yawoigu dogoi gagaina, go sem yawoigu atagone bego guna vavalákuna alukavave; vavalakunayana moe guna kawoi ida Tomoya Yeisu bogina ivinigu bego Yaubada ina kanuwóiya Valena Dedevina atalavaite.

Guinuwa 20:32

Tuwo ame tuta Yaubada nimana goi ayatoimi be nakae ina kanuwóiya valena ivainuugonemi goi. Valayana goi imi numisa bei itogaga be nakae ami katumapu bei kobabane. Moe tomota liliudi, tauyadi Yaubada bogina ikimasabedi ina bodao, taiyao.

Guinuwa 4:36

E Livai tubuna tayamo guma Saipiro yoina Iyosepa go, vamoleyanayao siduduwe Banabasi. Moe ana kaigavila kada, ‘Tokipáiwala.’

Roma 12:8

Neta ida kaiguyau moe kipáiwala, e takipāiwala. Neta ida kaiguyau moe nimalovalova, tanimalovalōva. Neta kita tovakumgo, mada poisógana taavakūmgo. Neta ida kaiguyau moe nuwokapisi, mada uyáwana tanuwokapīsi.

1 Korinta 15:58

E tauna segowo guna kaloyao, tatogāga be tataoyakavāta. Nakae tuta liliuna ida Tomoya ina paisewa tapooisogāne unana tayagoi ida paisewa ida Tomoya umana geya dogoi besobeso geya.

2 Korinta 1:17

E tauna moe bego aguinuwe go, niga geya itoboineguta. Go manakae? Guna yúpuna goi akatubaumi nakae tomota maniyedi bogina siwowokoigu? Geya akatubaumita! O nakona konuwonúwana tutayana ayúpuna, sakava ina sinapu goi toinigu mainao ayúpuna kagu, ‘U, bei ao.’ Go, guna nuwonúwana moitamo moe kagu, ‘Geya awoita.’ Moe nakae geya aguinuweyeta.

2 Korinta 6:1

E Tauyana taiyao kaapaisewa, tauna nakae kakawanoi makimaki ina kanuwóiya kouyaōne go, anuwoiyayana kotagōne yawoimi goi ikeuwoe.

Kolose 1:6

Valayana bogina iwo yaimi, nakae boi ina tomota liliuudi nakae poyapoya ana madabokiina goi yaidi. Amoko goi ikéuwo be nakae inúnuwo, nakae komi yaimi nakae boi tutayana kogiminove be Yaubada ina kanuwóiya kolotowodoko moe moitamo.

2 Timoti 3:10

E kom sem yawoigu bogina kugite. Guna vatulúkwana, guna sinapu, guna nuwonúwana, guna numisa, guna mesayágana, guna , guna togaga bogina kukaisakiyedi.

1 Pita 5:12

Leta ame giyaina agini go, kina Silovano nimana goi ayato aetune iwo yaimi. Tauyana aayagoi siyami komi yaimi. Letayana goi bogina atemi avapatupatudi be nakae guna nuwonúwana atalavaite ame letayana moe Yaubada ina kanuwóiya mooitamoina. Anuwoiyayana goi koovadōkana!

1 Iyoni 2:28

Natugowo, kokaaiyāka Yeisu yaina bego tutayana ikaluvilamna ima, matana goi mada katepatu geya taomaemaeta.

3 Iyoni 1:4

Geya kada tayaamo kaga ivauyaonegu nakae ame: Neta vala anove bego natugowo Yaubada ana Nanamsa Mooitamoina goi siiketoiya!

Yuda 1:4

Ame moitamo. Maniyena tokapipilova bogina sisiugau imi bodao yaimi goi. Moe tauyadi manudi boi nimatu Yaubada ina sitalavaita bego tomota amo nakae Yaubada ina lovina moumouna bei sibabane. Tauyadi Yaubada ana tokaoliliwoyao. Ida Yaubada ina vatulúkwana anuwóiya manuna sikaatusavi be nakae sikaiigavile ame nakae: Sidigo kadi, ‘Yaubada ina kanuwóiya goi ida goyo inuwotaoidi, tauna itoboineda sakavaida adi vikaiya owáowana taguuinuwe.’ Aiyuwoina Yeisu be ida Tomoya go, tuwo amo silawoiiwoiye!