Guinuwa 11:14 - Buki Kimaasabaina

¹⁴ Tauyana vala tayamo bei ilatuwokoim go, valayana goi kom mam bodayauwo bei ami yava kobabane.’”

Guinuwa 11:14 ပူးပေါင်းရင်းမြစ်များ

Aba Vatowo 17:7

Guna kanasiunayana akamoitamoe bego ikaiyako vata kom ma natumowo nakae tubumowo be yau yaida. Yau bei im Yaubada go, nava bei tubumowo idi Yaubada.

Aba Vatowo 18:19

Guna nuwonúwana geya avamouyeta. Tauyana bogina akatuveko bei natunao nakae tubunao ilovinaedi kana, “Yauwe ina kenao goi taaketōiya ame nakae: Nuwona takiboobosīdi be nakae takínona vavasa taguuinūwe. Neta nakae taguuinuwe, e Yauwe ina katótula bei isowóduwo komi be yau yaida.”’

Maki 16:16

Avatauwa neta sinuumisegu be nakae adi sitagone, e tauyadi adi yava bei sibabane. Go avatauwa neta geya sinumiseguta, e nava Yaubada bei itakinoidi toogoyoidi, e adi liuna sibabane.

Luke 19:10

Ame moitamo. ima bego tauyadi tosuláiga ame korotoyana nakae ilusaledi be iyavedi.’

Iyoni 12:50

Ago bogina aayagoi bego Yaubada ina lovina moe yawana vata unana. E tauna kaga nakae Tamagu ilatuuwokoigu, nakae aabobore.’

Iyoni 20:31

Ego ava kaba kinana buki ame goi aaginidi, moe bego itoboinemi konumisa bego Yeisu moe , Yaubada Natuna go, imi numisayana pasina imi spwagógana Yeisu taiyao goi maa yawoimi vau.

Iyoni 4:53

E tauna gomanayana tamana bogina iyagoi tuta amo goi Yeisu kana, ‘Natum bogina iiboboina, maa yawoina.’ Tuwo tauyana mana bodayauwo liliudikova Yeisu sinumise.

Iyoni 6:63

moe yawana vau ana tokaiguyau go, tomota toinidi idi togaga geya ivaitedita yawana vau manuna. Yau guna livala bogina alatuwokoimi Baloma Kimaasabaina goi sima nakae livalayadi yawana vau unana.

Iyoni 6:68

Go iya Saimoni Pita kana, ‘Tomoya, neta kakalavem, bei nako kana? Kom amta im livala goi yawana vata kababane.

Guinuwa 10:2

Tauyana koroto kaasalaina Yaubada yaina nakae mana bodayauwo . Tookaidi ivaaitedi gagaina be nakae tuta liliuna ikawanoi Yaubada yaina.

Guinuwa 10:22

‘Ima tomoya Koniliasi ietunema kama. Tauyana tovayaviyayao adi tovakumgo. Tauyana liliudi sikaodedevine. Anerose kimaasabaina Yaubada umana isowóduwo tauyana yaina ilatuwoko kana, “Koniliasi, Pita kududūwe ima im vada goi bei ina livala kunove”’, korotoyadi kaedi.

Guinuwa 10:43

Ame Tauyana boi nimatu Yaubada ina liliudi sikamoitamoe bego Tauyana yoina goi avatauwa neta sinumise, e adi goyo adi nuwotao bei sibabane.’

Guinuwa 11:13

Kasiu, e Totuyoyowoyana ilatuwokoima idigo kana, “Guna vada goi agite iitaoya, idigo kana, ‘Yopa goi koroto tayamo yoina Saimoni ikaaiyaka. Tauyana youyuwoina moe Pita. Tuwo livala kuetūne ina amoko goi Pitayana kududūwe ima.

Guinuwa 16:15

Tuwo moitamo inumise. E tauyana mana bodayauwo . Kasayoyoidi ikavava, tauyana ikawanoi makimaki yaima idigo kana, ‘Neta kogitegu go, imi nuwonúwana ida Tomoya anumisedoko, e kōma yau guna vada goi kokaiyāka.’ E itamyabima, tuwo moitamo katagona.

Guinuwa 18:8

E Kirisipo amo aba tugugunayana ana tolovina go, mana bodayauwo liliudi sinumisa Tomoya yaina. Tuwo da Korinta badabadaidi nakae tutayana valena sinove, sinumise be nakae adi sibabane.

Guinuwa 2:39

Moitamo. Boi Yaubada ikatótula Baloma Kimaasabaina manuna. Ame atotulayana moe komi manumi, natumiyao manudi be nakae kidi aduwanau goi manudi. Moe avatauwa neta Yauwe ida Yaubada iduduwedi toinina yaina.’

1 Korinta 1:16

Ego tuwaina Stepana mana bodayauwo nakae asayoyoidi go, geya ayagoiyeta nakona tomota tuwaina asayoyoidi gea geya.