Guinuwa 10:43 - Buki Kimaasabaina

⁴³ Ame Tauyana boi nimatu Yaubada ina liliudi sikamoitamoe bego Tauyana yoina goi avatauwa neta sinumise, e adi goyo adi nuwotao bei sibabane.’

Guinuwa 10:43 ပူးပေါင်းရင်းမြစ်များ

Maki 16:16

Avatauwa neta sinuumisegu be nakae adi sitagone, e tauyadi adi yava bei sibabane. Go avatauwa neta geya sinumiseguta, e nava Yaubada bei itakinoidi toogoyoidi, e adi liuna sibabane.

Luke 24:47

Aiyuwoina sigini bego Guyauyana yoina goi ina tosabokuliyao bei sitalavaita tomota liliudi yaidi goi bego situgavila, e bei Yaubada idi goyo inuwotaoidi. Ago ameko Yerusalema goi bei sivatowo sina asa liliudi goi sitalavaite.

Iyoni 1:45

Pilipo ina Nataniela ibabane idigo kana, ‘Siyagu, Guyau manuna boi nimatu kidi Mosese Yaubada ina Katukeda goi igini be nakae Yaubada ina tokabivalavalayao idi buki goi sigini, e Tauyana bogina kababane! Moe Yeisu, Iyosepa natuna, guma Nasareta.’

Iyoni 20:31

Ego ava kaba kinana buki ame goi aaginidi, moe bego itoboinemi konumisa bego Yeisu moe , Yaubada Natuna go, imi numisayana pasina imi spwagógana Yeisu taiyao goi maa yawoimi vau.

Iyoni 5:24

Takínona ana paisewa ivini go, ame alatuuwokoimi konōve: Avatauwa neta guna livala sinovedi be guna Toetuna sinumise, e yawoidi vata sibabane. Tuwo takínona goi geya sisiuta, go sem ámasa bogina sikalave go, sisaidámana yawana vata goi.

Guinuwa 15:9

Ivatulukoida bego kina matana goi kita Diyuu be kidi Totuyoyowoyadi tavavasa ame nakae: Atedi inikidi idi numisa pasina boi nakae kita ida numisa pasina ateda inikidi.

Guinuwa 2:38

E kina go Pitayana idigo kana, ‘Kotugavīla namlieta komi tamo tamo kotagōna bego Yeisu , e bei imi goyo inuwotaoidi be nakae Yaubada Baloma Kimaasabaina ivinibesoimi.

Guinuwa 26:18

Kutalavaitegu, e bei mamaníwana situgavile go, mavada simeko. Aiyuwoina Kaleya ina lovina sikalave go, Yaubada simeko. Moeko idi goyo adi nuwotao bei sibabane go, Yaubada ina bodao sisiukoidi, moe idi numisa yau yaigu goi Yaubada ikimasabedi kina ina bodao”, Tomoyayana kaena.

Guinuwa 26:22

Tauna amo tutayana go, ima ame tuta vaita Yaubada goi ababane. Moe pasina ame tuta aataoya ataalavaita tomota liliumi yaimi, toosobumi be nakae toolagaimi. Go geya tayaamo livala vau atalavaite geya, go sem kaga nakae boi Yaubada ina be nakae Mosese boi nimatu sitaalavaite bei isowóduwo, e yau nakae ataalavaite.

Guinuwa 3:16

Numisa Yeisu yoina goi pasina, tauna ame topemyana kogitegite be nakae kooyagoi, e Yeisu yoina ina togaga ikitogage. Go numisa Yeisu goi tababane, e moe numisayana koroto ame bogina ikidedevinedoko go, bogina kogite.

Guinuwa 3:18

Go konuwokavāte boi Yaubada ina ina gedageda bei ibabanedi. Tauna nakae ina livalayana imalatomota.

Roma 10:11

Moe nakae idige kana, ‘Avatauwa neta Tauyana sinumise, e liliudi Yaubada bei geya igieomaemaedita.’ Aiseya 28:16

Roma 3:21

E ame tuta goi Yaubada ina kibóbwata ina kanasíuna manuna ikaiwoduwe yaida. Go geya kada kita ina Katukedayana taguuinuwe goi ikaiwoduwe geya. (Go ina kibobwatayana boi Mosese be nakae Yaubada ina liliudi idi buki goi sitalavaite).

Roma 5:1

E ida numisa pasina Yaubada bogina ivayokoida kita kiboobosida, tauna ida Tomoya ina guinuwa goi tatuboina Yaubada taiyao.

Roma 6:23

Moe moitamo. Goyo ana katumapu moe ámasa go, Yaubada ina yabobona iviniibesoida moe yawoida vata ida spwagógana ida Tomoya Yeisu taiyao pasina.

Roma 8:1

Tauna ame tuta kita goi Yaubada geya itakinoideta kita toogoyoida, tauna liuna geya ivinideta.

Roma 8:34

Avatau bei itakinoida kita toogoyoida liuna manuna? Geya toina! Kina Yeisu ikámasa go, Yaubada ikaitáoe, e ikaaiyaka Yaubada wowoina basekoina kakataina goi ivapiisiyeda go!

Galetiya 3:22

Go moe nakae geya iguinuweyeta, go sem Gínina Kimaasabaina tomota liliudi poyapoya goi ikaukabolidi, goyo ina togaga ogalaoina goi sikaaiyaka bego Yeisu pasina kaga Yaubada boi ikaatotule Eberamo yaina ivinida kita ina tonumisayao.

Epeso 1:7

Kita ida spwagógana Tauyana taiyao pasina ikaikaina goi ada tateta tababane o tadigo kada, ‘Ina kanuwóiya gagaina toina goi ida kapipilova inuwotaoidi.’

Kolose 1:14

Kita ida spwagógana Natunayana taiyao pasina ada tateta bogina tababane, moe ida goyo adi nuwotao.

Iberiu 13:20

E Yaubada tuboina ana tokaiguyau. Tauyana boi ida Tomoya Yeisu, kita ada torugwáuta toolagaina, ámasa goi ikaitáoe. Moeko Yeisu ikaikaina goi Yaubada ina kanasiuna vata iguinuwe yaida.

1 Pita 1:11

Tokabivalavalayadi atedi goi boi Balomaina ikaaiyaka igimitalavaita yaidi Guyauyana manakaena ina gedageda bei ilotowoidi go, namlieta Yaubada ina togaga ana káeyana ivagitakoedi Tauyana yaina. Ago tokabivalavalayadi silumadádana, latuwodi bego siyagoi ava tuta dogoiyadi bei sisowóduwo o ava kaba kinana goi itoboinedi siyagoi dogoiyadi bei sisowóduwo.

Nuwogau 19:10

Tuwo aneroseyana aena goi aegu avatugúyala be yaina asakululu go, ilatuwokoigu idigo kana, ‘Moe nakae geya! Yau goi ima go, Balomayana nakae tokabivalavala nukotodi isanayatoidi valayana sitalavaite. Tauna kom be yau vala tayamo ana totalavaitayao tavavasa.’