Guinuwa 10:36 - Buki Kimaasabaina

³⁶ ina guinuwa goi tomota itoboineda ida tuboina tababane. Ame Valayana ivatulukoida Yeisu moe tomota liliuda ida Tomoya.

Guinuwa 10:36 ပူးပေါင်းရင်းမြစ်များ

Madiu 10:6

go sem kōna sedao Isileli tubunao yaidi. Tauyadi sulaaigidi nakae.

Madiu 11:27

Ikawanoi ikavava, tomota yaidi goi idigo kana, ‘Kaga liliuna Tamagu nimagu goi bogina iyatoidi. Tamaguyana anetava yau Natuna iyagoidokoigu. Yau agutava Tamagu ayagoidoko go, avatauwa neta akinavedi bei Tamagu avatulukoidi, e bei siyagoidoko.

Madiu 28:18

Ago Yeisu ibala ima ilatuwokoima idigo kana, ‘Lovina madabokina yábana goi be nakae poyapoya goi Yaubada Tamada bogina ivadamane yau yaigu.

Luke 1:79

e bei tauyadi kokonótuya goi be nakae ámasa kikina goi itapasigidi. Aiyuwoina tuboina ana kenao goi bei ivakededa.’

Luke 24:47

Aiyuwoina sigini bego Guyauyana yoina goi ina tosabokuliyao bei sitalavaita tomota liliudi yaidi goi bego situgavila, e bei Yaubada idi goyo inuwotaoidi. Ago ameko Yerusalema goi bei sivatowo sina asa liliudi goi sitalavaite.

Guinuwa 10:37

Komi bogina koyagoi kaga isowóduwo Yudiya ana dadava madabokina goi. Boi iloviinaedi, e ikidedeevinedi. Yaubada ikaaiyaka Tauyana yaina, tauna itoboine nakae iguinuwedi.

Guinuwa 11:19

E tutayana Diyuu Yerusalema goi Stiveni sikaumate, e mou gagaina isowóduwo Diyuu nuumisaidi yaidi. Tuwo sitaoya, sivagisapasapa; maniyedi sina Poinike dadavina, maniyedi sina simla Saipiro go, maniyedi sina asa Antiyoki. Ago sivanibiníbita Yeisu valena sitaalavaite kidi Diyuu aditava yaidi.

Guinuwa 13:32

Kai nakae kataalavaite komi yaimi. Vala Dedevinayana moe kaga Yaubada boi ikaatotuli tubudao yaidi

Guinuwa 13:46

Ago kidi Paulo be Banabasi madi katepatu sidigo kadi, ‘Itoboine komi Diyuu Yaubada ina livala kogiminove go, konōve! Ame tuta bei kakalavemi go, kana kidi Totuyoyowo yaidi goi Vala Dedevinayana katalavaite unana livalayana kokatae be nakae toinimi kotakinoimi komi geya ikonemita yawoimi vata kobabane.

Guinuwa 2:36

Tauna komi Isileli tubunao madabokimi koyagoidōko bego ame Yeisuyana kerose goi kotupatuko, Yaubada bogina ivayoko kina Tomoya be nakae .’

Guinuwa 5:31

Ame Tauyana kina Yaubada ikilagasi tutayana ikailagasi wowoina basekoina kakataina goi itusobu go, ivayoko Yáwana ana Tokaimatana be nakae Toyava, e bei kita Isileli tubunao itoboineda tatugavila go, Yaubada ida goyoyadi inuwotaoidi.

Roma 14:9

Manakaeda tayagoi moe moitamo? ikámasa niga maa yawoina ame manuna: Bego itoboine tokámasa be kita maa yawoida ida Tomoya.

Roma 5:1

E ida numisa pasina Yaubada bogina ivayokoida kita kiboobosida, tauna ida Tomoya ina guinuwa goi tatuboina Yaubada taiyao.

1 Korinta 15:27

Moitamo. Same tayamo ana togínina Yaubada ivadigo idigo kana, ‘Kaga liliuna aena ogalaoina goi bogina kuyatoidi kuvasobusobuyedi.’ Same 8:6 Moe Guyau aena idigedige. Ego tutayana idigo kana, ‘Kaga liliuna ivasobusobuyedi’, bogina tayagoi moe geya Tovasobusobu taiyao unana Tauyana ivasobusobuyedi.

1 Korinta 15:47

Koroto vakuumgoina Yaubada poyapoya kaukauna goi imolului, tauna tauyana unana moe poyapoya. Koroto aiyuwoina yábana goi ima.

Pilipai 2:11

be nakae Yeisu sikatomoyae bego kina Tomoya. Moe Yaubada ana taimámina manuna.

Kolose 1:20

be nakae Natunayana ina guinuwa goi kaga liliuna poyapoya yatana be yábana sinaena ikabivekovekomneidi ame nakae: Tauyana ikaikaina kerose goi Yaubada inuwolida. Tauna Natunayana toosakina.

Iberiu 1:2

Ame tuta ana kaba lukavava Natuna goi ivadigoida. Natunayana ikinave bei kaga liliuna moe Tauyana ina kaba lovina. Nimana goi kaga liliuna imadagidi.

Iberiu 13:20

E Yaubada tuboina ana tokaiguyau. Tauyana boi ida Tomoya Yeisu, kita ada torugwáuta toolagaina, ámasa goi ikaitáoe. Moeko Yeisu ikaikaina goi Yaubada ina kanasiuna vata iguinuwe yaida.

1 Pita 3:22

Tauyana bogina ituko ina yábana goi mana lovina be mana togaga wowoina basekoina Yaubada kakataina goi iitusobu go, be yábana osasaina ana tovakumgoyao be ana totogagayao bogina sikatetagonedi Tauyana ina lovina goi.

Nuwogau 1:18

Yau maa yawoigu. Boi bogina akámasa go, kunōve, maa yawoigu akaiyako vata. Magu lovina ámasa be nakae tokámasa idi dadava adi ki ayoyoisi.

Nuwogau 1:5

Iya Yeisu .’ Yeisu imatakooiyeda, tuwo ikaikaina pasina ida goyo ana togaga goi italigeida.

Nuwogau 17:14

Amo tauyadi woiwoiyana taiyao bei sispwagógana go, sivayaviya . Moe pasina tauna tolovinayadi woiwoiyana taiyao bei itogagasavedi.’

Nuwogau 19:16

Go ana kwama maanawena goi be nakae dibuwatuna goi yoina sigini kadi, ‘ liliudi adi Tokalibúbuna be nakae tomoyamoya liliudi adi Tomoya.’