Guinuwa 10:35 - Buki Kimaasabaina

³⁵ go sem boda tamo tamo yaida poyapoya ame goi nakona kai Diyuu, nakona komi Totuyoyowo, neta mada matoita Yaubada tawowoine be nakae takibóbwata, e Tauyana bei iuyaoneda.

Guinuwa 10:35 ပူးပေါင်းရင်းမြစ်များ

Luke 1:28

E aneroseyana ima Meri ina vada goi isiu ima ilatuwoko idigo kana, ‘Kom Meri Yauwe ikanuuwoiyem, uyagu! Tomoya kom taiyao!’

Guinuwa 10:2

Tauyana koroto kaasalaina Yaubada yaina nakae mana bodayauwo . Tookaidi ivaaitedi gagaina be nakae tuta liliuna ikawanoi Yaubada yaina.

Guinuwa 10:28

Tuwo ilatuwokoidi idigo kana, ‘Komi bogina koyagoi kai Diyuu geya ama tagonamo komi Totuyoyowo kakaiyakemi be nakae kapodumemi. Ago Yaubada bogina ivatulukoigu geya tayaamo tomota itoboinegu avayoko vaatabuna o ma baailina, tauna taabu kataavilēiye.

Guinuwa 15:9

Ivatulukoida bego kina matana goi kita Diyuu be kidi Totuyoyowoyadi tavavasa ame nakae: Atedi inikidi idi numisa pasina boi nakae kita ida numisa pasina ateda inikidi.

Guinuwa 9:31

Tauna Tomoya ana totugugunayao madabokidi Yudiya dadavina, Galili dadavina be nakae dadavina goi tuboina sibabane. Idi numisa ina togaga Baloma Kimaasabaina goi ibibíbina go, madi matoita Tomoya siiwowoine. Baloma Kimaasabaina ikipaiwoledi, tauna idi boda tuwaina ivaituwedi.

Roma 2:13

Kaga unana idi liuna itoboine? Kidi Yaubada ina Katukedayana sitaiyakeekeyamo geya nuwona ana Yaubada matana goi geya, go sem kidi Atukedayana ana toguinuwa ivayokoidi kidi nuwona ana tokibóbwata.

Roma 2:14

Guna nuwonúwana ataligei aba gita ame goi: Totuyoyowoyadi Yaubada ina Katukeda yaidi goi geya go, tuwo tutayana toinidi Atukedayana ana lovina siguinuwedi, e nukotodi goi bogina siyagoi nako sinapu dedevina, nako sinapu goyo.

Roma 3:22

Ina kibobwatayana moe aba numisa ina kabikáwana goi ikaiwoduwe kita ana tonumisayao madabokida manuda. Moe moitamo. Madabokida tavavasa Yaubada matana goi.

1 Korinta 12:13

Moitamo. Madabokidakova Baloma Kimaasabaina tayamo goi bogina , madabokidakova Yaubada bogina Baloma Kimaasabaina goi ivanimda ikaaiyaka yaida.

2 Korinta 7:1

Tauna moe Yaubada ina katotulayadi bogina ivinida, tuwo guna kaloyao, kaga liliuna wowoda be balomaida ikibaibaailidi goi takimavadēda go, mada matoita wowooinina Yaubada yaina takimasabedokōida Tauyana umana.

Galetiya 3:28

Tomota liliuda tavavasa be nakae geya tayaamo aliupa ikaaiyaka bego ilivisida ta boda be ta boda. Aliupayadi nakae Diyuu be Totuyoyowo, kidi be kidi taliigavidi, koroto be vevina. Ame aliupayadi bogina sikavava unana madabokida ida spwagógana Guyau Yeisu taiyao pasina bogina taeboda tayamo.

Epeso 1:6

Ivanatuneda bego ina togaga ana káeyana ina kanuwóiya goi tagitegite tayapaliye. Anuwoiyayana ida spwagógana ina kakaya taiyao pasina bogina ivinibesoida.

Epeso 5:21

Aitonina imi wowoina Guyau yaina pasina toinimi kokatetagonēmi semiyao yaidi goi.

Pilipai 3:3

Moitamo. Kidi sinuwonúwana manuna go, geya tanumiseta toinida sakavaida ina guinuwa yaina goi.

Kolose 1:6

Valayana bogina iwo yaimi, nakae boi ina tomota liliuudi nakae poyapoya ana madabokiina goi yaidi. Amoko goi ikéuwo be nakae inúnuwo, nakae komi yaimi nakae boi tutayana kogiminove be Yaubada ina kanuwóiya kolotowodoko moe moitamo.

Kolose 3:11

Yawoida vauyadi goi geya tayaamo tavilei ikaaiyaka geya. Nakae Giriki o kaga liliuna itobukukuyuidi be nakae liliuda yaida goi ikaaiyaka.

1 Iyoni 2:29

Bogina kooyagoi bego Tauyana Tokibóbwata, tauna nakae koyagoi bego avatauwa neta siikibóbwata, moe aba kinana bego Yaubada goi sibíbina.