Guinuwa 1:8 - Buki Kimaasabaina

⁸ go sem itoboine koyagoi tutayana Baloma Kimaasabaina iwo yaimi goi, togaga bei kobabane, e komi bei guna totalavaitayao Yerusalema goi nakae Yudiya ana dadava madabokiina goi, ana dadava goi be nakae asa liliuna poyapoya ame goi.’

Guinuwa 1:8 ပူးပေါင်းရင်းမြစ်များ

Madiu 24:14

Ago guna tonumisayao bei sina poyapoya ana madabokina goi sitalavaita liliudi sinove. Amo tutayana goi tuta ana kaba lukavava bei ima.

Madiu 28:19

Tauna kotāoya kōna asa liliudi goi tomota kotakutūdi simalatovatotówana namlieta baige Tamada be Natuna be nakae .

Maki 16:15

Tuwaina idigo kana, ‘Kōna asa liliudi goi kotalavāite tomota liliudi yaidi.

Luke 1:35

Go aneroseyana idigo kana, ‘Baloma Kimaasabaina bei iwokoim o tadigo kada “Tokanayatanatoina ina togaga gaota nakae bei iumaim kukéuwama.” Moe pasina tauna natum kuveenatuni bei sivayoko , Yaubada Natuna.

Luke 10:19

Konovēgu. Togaga bogina avinimi be itoboinemi moteta be gániva kovakavatedi nakae ida Kaleya ina togaga madabokina kokinenete go, geya tayaamo kaga itoboine iyogedegedemi.

Luke 24:29

Go kidi adi taiyuwokova simatakanikaniye kadi, ‘Geya. Bogina lavilavi. Níyala bogina ikavava, tauna kwaiyāka kai taiyao.’ Tuwo moitamo isiu ikaiyaka tauyadi taiyao.

Iyoni 15:27

E yau guna paisewa ana kaba vatowo goi ima ame tuta komi taiyao takaaiyaka, tauna komi nakae bei kotalavaitegu.’

Guinuwa 1:22

Nakae boi ana sayóyova Iyoni goi go, ana kadókana matama goi Yaubada ikabi itukoe inave yábana. E ame tauyadi yaidi goi tayamo takinave, e bei korotoyana imalatotalavaita Yeisu ina taoyamna manuna kai taiyao.’

Guinuwa 13:31

Tauyana maliyalina badabadaidi goi isowóduwo ina tovakitaunayao yaidi. Boi Galili goi Yeisu sivakitau situko sina Yerusalema. Ame tauyadi ame tuta Yeisu sitaalavaite Isileli tubunao yaidi.

Guinuwa 2:32

Ame Yeisuyana boi ikámasa go, Yaubada bogina ámasa goi ikaitáoe, e kai madabokima matama goi bogina kagite, e ame kataalavaite yaimi.

Guinuwa 22:15

Moitamo. Kom bei Tokibobwatayana ana totalavaita; e kaga liliuna bogina kuugitedi be nakae bogina kuunovedi bei kutalavaitedi tomota liliudi yaidi.

Guinuwa 3:15

Moe Yáwana ana Tokaimatana kokaumate go! Go ina kámasa mlina tokámasa yaidi goi Yaubada ikaitáoe! Moe kai bogina kagite, e kataalavaite yaimi.

Guinuwa 4:33

Togaga gagaina goi Tomoya Yeisu ina taoyamna valena sitaalavaite go, liliudi Yaubada ikanuwoiyedi gagaina.

Guinuwa 5:32

Go kai ame dogoiyadi adi totalavaitayao go, Baloma Kimaasabaina nakae adi totalavaita tayamo. Ame Balomayana, avatauwa neta Yaubada sopana sikabiikaone, e ivinidi.’

Guinuwa 6:8

E kina go Stiveniyana yaina goi Yaubada ina kanuwóiya be ina togaga sikaaiyaka gagaina. Tuwo aba kinana kainaaopaidi gagaidi tomota nauyayanaidi goi iguuinuwedi.

Guinuwa 8:1

E kina go Saulo Stiveniyana ina kámasa igitegite, ikamoitamoe. E ame maliyalinayana goi mou gagaina isowóduwo Tomoya ana totugugunayao Yerusalema goi yaidi. E madabokidi sitaoya, sivagisapasapa sina Yudiya ana dadava be nakae Yerusalema goi sikaaiyaka.

Roma 10:18

Nakona maniyedi sitamogemoge unana Valayana geya sinoveyeta. Go manakae? Yau abobóbwara bego kidi Isileli tubunao Valayana geya sinoveyeta? Geya! Moitamo, bogina sinove. Same goi nakae igini kana, ‘Idi talavaita ina poyapoya ame ana madabokina goi tomota sinove. O tadigo kada, “Idi livala bogina inúnuwo ina asa liliuudi goi.”’ Same 19:4

Roma 15:19

aba kinana kainaaopaidi adi togaga goi be nakae Yaubada Balomaina ina togaga goi. Tauna Yerusalema goi ina Ilurikoni parovinsi goi Guyau Valena Dedevina bogina atalavaiteyabe sinove.

Kolose 1:23

Moe nakae moitamo neta numisa goi kokaiyaka dókana. Numisayana ida dako nakae, yatana bogina tataoya ikasa. Ago numisayana goi geya tamoyamoya geya, go sem ada yava Vala Dedevina pasina talootutae. Vala Dedevinayana boi bogina konove, bogina inúnuwo Yaubada ina madaginayao liliudi yaidi goi. Valayana manuna yau Paulo bogina amalatovaita.