Guinuwa 1:15 - Buki Kimaasabaina

¹⁵ Moe tutayana goi Pita senao nuumisaidi adi badabada tayamo andedi tuwenti (120) nakae situgúguna go, nauyayanaidi goi Pitayana itaoya ilatuwokoidi idigo kana,

Guinuwa 1:15 ပူးပေါင်းရင်းမြစ်များ

Madiu 13:31

Yeisu livalakaibala tuwaina ivinima idigo kana, ‘Yaubada ina kalibúbuna sinaena goi ina bodayauwo adi vaituwo ana kaigigita alova tayamo kutukutuna giyaina nakae. Kutukutuyana koroto tayamo ikabi, ina ina tánuwo goi ibaguli.

Luke 22:32

Go yau bogina akawanoi kom manum bego im numisa goi geya kukapusita. Ago tutayana kwaluvilamna kuma yau yaigu, e semowo kukitogagēdi.’

Iyoni 14:12

Konumisēgu go, ame alatuuwokoimi konōve: Avatauwa komi neta konuumisegu, guinuwayadi yau aguuinuwedi, komi nakae bei koguinuwedi. Yau anonoina Tamagu yaina goi namlieta Balomaina bei aetune iwo yaimi, tauna itoboinemi toidi bei koguinuwedi.

Iyoni 21:23

E tauna moe livalayana inúnuwo ina Yeisu ina bodao yaidi bego yau bei geya akamaseta. Go Yeisu moe nakae geya ibobwareta bego yau geya akamaseta, go sem Tauyana kana, ‘Neta latuwogu tauyana ikaaiyaka ana kadókana akaluvilamna ama, moe geya tayaamo kaga yaim.’

Guinuwa 10:23

Tauna Pita iuyaonedi sisiu vada sinaena taiyao sikaaiyaka go, irugwausidi. E vanuwo itomo, Pita itaoya, korotoyadi be nakae sediyao nuumisaidi maniyedi Yopa goi sikaaiyaka taiyao sina. Sinonoina, enao goi simasisi.

Guinuwa 11:1

E Tomoya ina nakae Yaubada ina livala sinumise.

Guinuwa 11:12

E ilatuwokoigu idigo kana, “Korotoyadi taiyao kōna go, taabu kunaanayūwo.” E ana go, segowo ame adi tainima tayamo nakae taiyao kana Totuyoyowo ina vada goi kasiu.

Guinuwa 11:26

Ibabane ikavava, ime Antiyoki goi. Tuwo tala tayamo goi adi taiyuwo sikaaiyaka Tomoya ana totugugunayao taiyao situgúguna go, boda gagaina sivatuulukoidi. Ego ame tutayana kidi da Antiyoki Yeisu ina bogina sigimivayoudi Keristiyani.

Guinuwa 11:29

E kidi go Yeisu ina tovatotowanayao sinove, tamo tamo silovina nakonakae itoboinedi, vininabeso bei silamgogo, sietune ina sediyao nuumisaidi Yudiya goi bei sivaitedi.

Guinuwa 12:17

E tauyana nimana ikatulagasi, tomota isanabodedi situgau. E situgau go, ilatuwokoidi Yauwe manakaena deri goi ivakede isowóduwo. Aiyuwoina idigo kana, ‘Kōna ame dogoiyadi kotalavaitēdi Yemesa be sedao nuumisaidi yaidi.’ Ibóbwara ikavava, itaoya ikalavedi go, ina ituli ta kasa.

Guinuwa 14:2

E tuwo kidi go Diyuu maniyedi geya sinumiseyeta sitaoya Totuyoyowo maniyedi sidumwamwainidi be nakae nuwodi sikobaledi bego Yeisu ina tonumisayao siyogedegededi.

Guinuwa 15:1

Paulo be Banabasi sikaaiyaka go, koroto maniyedi Yudiya goi sisou sima Antiyoki goi. Korotoyadi nuumisaidi Antiyoki goi sivatulukoidi sidigo kadi, ‘ nakae Mosese ina sinapu, govila bei ami yava geya kobabaneyeta.’

Guinuwa 15:3

Tauna Tomoya ana totugugunayao Antiyoki goi sivakinaredi ikavava, sina Yerusalema go, sinonoina Poinike ana dadava goi be nakae ana dadava goi sisiu sivanibiníbita Tomoya ana totugugunayao idi gúguna tamo tamo yaidi goi sivatetelidoko Totuyoyowo manakaedi Yeisu bogina sinumise. Tauna idi vatétala pasina sediyao nuumisaidi liliudi siuyáwana gagaina.

Guinuwa 16:2

Timotiyana senao nuumisaidi Lustira be Ikoniyam goi sikaaiyaka sikaodedevine.

Guinuwa 16:40

E tuwo deri goi sisowóduwo go, sina Lidiya ina vada goi sisiu. Sisiu, sediyao nuumisaidi sigitedi, tuwo atedi sivapatupatudi. Ikavava, asa Pilipai sikalave.

Guinuwa 17:10

E kidi go Paulo be Sailasi sediyao nuumisaidi mainao silovina sabamgo goi adi taiyuwokova sietunedi sina asa Bereya. Tuwo moitamo nakae siguinuwe. Tuwo sima Bereya goi sisiu sina Diyuu idi kaba tugúguna goi sisiu.

Guinuwa 17:14

E tuwo mainao Paulo senao nuumisaidi sikabi siiwo sina mamaya goi. Ago Sailasi be Timoti Bereya goi sikaaiyaka.

Guinuwa 17:6

go, geya sibabanedita. Tuwo Yasoniyana be nakae senao nuumisaidi maniyedi siyoisidi sinavedi asa ana tolovinao matadi goi siduduwo kadi, ‘Korotoyadi asa liliudi píkwana adi toyomátula, e bogina sima ameko goi nakae siguinuwe.

Guinuwa 18:18

E kina go Pauloyana maliyalina tuwaina amoko goi ikaaiyaka senao nuumisaidi yaidi. Maliyalinayadi sikavava, senaoyadi ivaduduwedi go, Pirisikila be Akuila taiyao siiwo sina asa Kenakareya. Amoko goi Pauloyana kununa ibobo. Boi tauyana ikatótula Yaubada yaina go, kununa ana bóbwana moe aba kinana ina katotulayana bogina iguinuwe. E siiwo sina Kenakareya goi oga tayamo sibabane, sisowoya. Sisowoya, sikailova silokoina sina Siriya.

Guinuwa 18:27

E tauyana latuwona isaidámana ina Akeya parovinsi goi Yeisu Valena italavaite, tuwo senao nuumisaidi atena sivapatupatu go, ana leta sigini sietune ina Yeisu ina tovatotowanayao Akeya goi silatuwokoidi sidigo kadi, ‘Apolosi bei iwo; tauyana kouyaōne.’ Tuwo moitamo tauyana oga isowoya ikailova ina Akeya goi ivaiu, e isou. Isou, ikaaiyaka go, avatauwa neta Yaubada ina kanuwóiya goi siinumisa Apolosiyana ivaitedi gagaina.

Guinuwa 21:17

E kama Yerusalema goi semao nuumisaidi sigitema, siuyaonema gagaina.

Guinuwa 21:20

E livalayana sinove, Yaubada ina togaga ana sikamoitamoe go, Paulo silatuwoko kadi, ‘Siyama, bogina kugite aivina tausani Diyuu yaidi goi bogina sinumisa. Ago amo tauyadi nava madi salau sikabikaaonedoko.

Guinuwa 21:7

E kai Taya goi bogina kama Patolemai goi kavaiu, kasou kayava kana semao nuumisaidi yaidi kakauyagu. Ikavava, maliyalina tayamo yaidi goi kakaiyaka.

Guinuwa 22:5

Toolagaina be nakae tomoyamoyayao madabokidi itoboinedi ame guna sinapuyana sikamoitamoe. Tauyadi leta siginidi, sedao Diyuu Damasiko goi adi leta, e sivinigu moe guna tagona ana Kenaoyana ana tosabokuliyao amoko goi ayoisidi. Tuwo letayadi akabidi ikavava, ana Damasiko bego tosabokuliyadi ayoisidi nimadi ayowóidi amedi ameko Yerusalema goi, e bei adi liuna sibabane.

Guinuwa 28:14

Kasou, kayava kana asa goi semao nuumisaidi maniyedi kababanedi. Tauyadi siuyaonema gagaina go, sitagona idi vada goi kakaiyaka maliyalina ana badabada ainima aiyuwo. E moe nakae kana .

1 Korinta 15:6

Niga ina taoyamnayana mlina tuta tayamo goi isowóduwo sedao adi badabada ainima andedi (500) nakae yaidi. Bodayadi yaidi goi badabadaidi nava sikaaiyaka go, maniyedi bogina sitagau.

Nuwogau 11:13

Amo tutayana goi nikuniku gagaina itátava go, asayana dadava tayamo itauwe go, dadava ainima aivasi dedevidi. Ago nikunikuyana goi tomota ana badabada ainima aiyuwo tausani (7,000) sikámasa. Go ava tomotava nava maa yawoidi simatoita gagaina, e Yaubada totobukukui yábana goi ina togaga ana sikamoitamoe.

Nuwogau 3:4

Geya kada madabokimi Sadesi goi imi sinapu kwama baailidi nakae bogina sigoyo geya, go sem ami taiyuwomo nava imi sinapu dedevina kwama maavadaina nakae, tauna komi mami toboine yau taiyao mada kwama poowouna taketoiyaa vavasa.