Guinuwa 1:11 - Buki Kimaasabaina

¹¹ kadi, ‘Komi Galili korotoimi, kaga pasina kootaoya yábana osasaina kopotepote? Mae Yeisuyana bogina kogite yaimi goi Yaubada ikabi itukoe inave yábana, bei ikaluvilamna ima go, ina kaluvilamnayana ana kaigigita tauna mae ina tuko nakae bogina kogite.’

Guinuwa 1:11 ပူးပေါင်းရင်းမြစ်များ

Madiu 16:27

Moitamo. Tomalatomota Tamana ana taiyao, e bei tomota tamo tamo idi guinuwa goi ikatumapudi.

Madiu 16:28

U, moe nakae bei isowóduwo go, ame alatuuwokoimi konōve: Tutayana Tomalatomota ima, bei ina bodao ikaliibubudi, e komi maniyemi ameko kootaoya nava bei maa yawoimi kogite.’

Madiu 24:30

Amo tutayana bei Tomalatomota ina kaluvilamna ana kaba kinana yábana osasaina goi isowóduwo. Go amo tutayana bei boda liliudi poyapoya ame goi madi nuwomou sitáiya. Ago Tomalatomotayana bei sigite yábana geleoina goi imamaima ina togaga be nakae ina tomoéyala gagaina ana bei ivagitaakoedi.

Madiu 25:31

Tuwaina Yeisu kana, ‘E tutayana Tomalatomota ikaluvilamna ima tomoeeyalina bei ivagitakoe go, kebana esaaesaina aba taimámina goi bei itusobu ikalibúbuna.

Maki 13:26

Amo tutayana goi tomota bei tomoeeyalina gagaina ivagitakoedi.

Maki 14:70

Go kina Pita sivayuwoina ilawoiwoimna kana, ‘Yau geya!’ E tuta giyaina toyoko maniyedi nakae sibala sima Pita silatuwoko sidigo kadi, ‘Kom woi Yeisu ina boda tayamo. Moitamo. Kom guma Galili.’

Maki 16:19

E tuwo tutayana ida Tomoya Yeisu ilatuwokoidi ikavava, Yaubada ikabi itukoe inave yábana goi, e wowoina basekoina Yaubada kakataina goi itusobu.

Luke 21:27

Amo tutayana goi tomoeeyalina gagaina ivagitakoedi.

Luke 24:5

E vevinayadi sigitedi, atedi siyova, tuwo sisakululu go, korotoyadi sidigo kadi, ‘Vevina, kaga unana Tauyana maa yawoina go, tokámasa yaidi goi koolusale?

Iyoni 14:3

Neta ana imi kaba kaiyakoyadi akatubayasidi, niga bei akaluvilamna ama akabimi yau yaigu goi kokaaiyaka bego nako goi yau akaaiyaka, e komi taiyao takaaiyaka.

Guinuwa 1:2

ana kadókana kiinavaidi adi lovina ivinidi namlieta baige Yaubada ikabi itukoe inave yábana.

Guinuwa 1:22

Nakae boi ana sayóyova Iyoni goi go, ana kadókana matama goi Yaubada ikabi itukoe inave yábana. E ame tauyadi yaidi goi tayamo takinave, e bei korotoyana imalatotalavaita Yeisu ina taoyamna manuna kai taiyao.’

Guinuwa 1:9

Moe livalayadi ilatuwokoidi ikavava, Yeisu sigitegite go, Yaubada itukoe inave yábana, e gaota sinaena goi isiu itagau, tauna geya itoboinedita sigite.

Guinuwa 13:31

Tauyana maliyalina badabadaidi goi isowóduwo ina tovakitaunayao yaidi. Boi Galili goi Yeisu sivakitau situko sina Yerusalema. Ame tauyadi ame tuta Yeisu sitaalavaite Isileli tubunao yaidi.

Guinuwa 2:7

E madi kainaopa gagaina sidigo kadi, ‘Iyaa! Amo kaga? Amo tobobwarayadi liliudikova da Galili, tauna niyada geya siyagoidita

Guinuwa 3:12

E Pita igitedi, tuwo ilatuwokoidi idigo kana, ‘Komi , ame guinuwayana bogina kogite ae? Kaga kokainaopae? Kaga kopootekoima? Manakae? Konuwonúwana bego kai toinima ima togaga goi o ima sinapu yábana sinapuna goi ame tauyana kakidedevine iketoiya ae?

Guinuwa 3:21

Yeisuyana itoboine yábana goi ikaaiyaka ana kadókana tutayana Yaubada kaga liliuna iyolimedi nakae boi ina tokabivalavalayao kimaasabaidi goi italavaite.

1 Tesalonáika 1:10

Aiyuwoina sitalavaitemi komi manakaemi Natuna boi ámasa goi bogina ikaaitáoe kotuuyaosi bei yábana goi ikaluvilamna ima. Natunayana moe Yeisu; Tauyana Yaubada ina egamogamogu imamaima goi bei iyaveda. Tauna kaayagoi Yaubada ikinavemi.

1 Tesalonáika 4:16

Ida Tomoyayana toinina yábana goi bei isou ima mana lovina ipodede tokámasa yaidi. Amo tutayana taiyao bei sigimitaoya.

Iberiu 9:28

nakae. Ana lovina goi sivatayamo Yaubada ikasale ámasa goi be tomota liliuda ida goyo ikabidi ikalavedi go, Tauyana bei aiyuwoina ikaluvilamna ima geya kada ida goyo manudi geya, go sem bei kita mada salau tatuuyaosi ada yava manuna.

Nuwogau 1:7

Konōve! Tauyana gaota goi isou imamaima. Tomota liliudi, nakae kidi Tauyana ana toginubasinayao, bei sigite. Boda liliudi Tauyana manuna bei sitáiya. Moitamo! E nakae!