Galetiya 6:14 - Buki Kimaasabaina

¹⁴ Go yau geya kada tayaamo kaga manuna bei agágasa amo nakae geya, geya toina! Go sem yau nava auyawana gagágasa kaga ida Tomoya Yeisu Guyau ina guinuwa kerose goi manuna. Ina kamasayana pasina kaga yau sowogu moe geya basabasaidimo da poyapoya yaidi. E kaga kidi sowodi moe geya basabasaidimo yau yaigu.

Galetiya 6:14 ပူးပေါင်းရင်းမြစ်များ

Luke 20:16

Bei ina ikaumatedi go, ituli ta tokatogu dedevidi bei itagonedi tanuwoyana simatakavate.’ E totaiyakekayadi Yeisu ina livalakaibala sinove, sidigo kadi, ‘Iyaa! Moe nakae bei geya, geya toina!’

Roma 1:16

Moitamo, guna nuwonúwana bego Vala Dedevinayana atalavaite yaimi. Valayana manuna geya aomaemaeta. Valayana moe Yaubada ina togaga tonumisa liliuda ada yava manuna! Yavayana moe mainao kita manuda namlieta komi Totuyoyowo manumi.

Roma 6:2

Geya, geya toina! Ana kaigigita kita bogina takámasa, e goyo ina togagayana bogina tatavileiye. Tauna manakaeda nava goyo ina togagayana goi takaaiyaka? Geya!

Roma 6:6

Bogina tayagoi bego kita yawoida bogo kerose goi bogina situpatukoidi Guyau taiyao bego ida spwagógana goyo yaina goi ikavava, e bei goyo ina togagayana geya tuwaina .

1 Korinta 1:23

E kai sem tupaatukoina kataalavaite. Tauna kidi Diyuuyadi vala sinove go, sikalagiwole. Kidi go Totuyoyowoyadi vala sinove go, kadi, ‘Geya ana yagoinamo.’

1 Korinta 15:58

E tauna segowo guna kaloyao, tatogāga be tataoyakavāta. Nakae tuta liliuna ida Tomoya ina paisewa tapooisogāne unana tayagoi ida paisewa ida Tomoya umana geya dogoi besobeso geya.

1 Korinta 2:2

Moitamo. Boi bogina alovina dogoi tayamo toito yaimi goi bei atalavaiteyamo. Dogoiyana moe be nakae ana tupatúkwana kerose goi adi yagoina. E moe atalavaitedi.

1 Korinta 3:21

Tauna, tomota manudi taabu kouyawana gagāgasa kami, ‘Kai Paulo ina boda.’ O kami, ‘Kai Apolosi ina boda.’ Kaga liliuna nakae kai moe komi ami dedevina manuna.

2 Korinta 11:12

E guna sinapuyana yaimi ame tuta be nakae nava bei aguuinuwe. Moe bego tosakidiyadi idi pásima avakoikoi bei geya itoboinedita madi uyawana gagágasa sipásima bego idi sinapu yogala manuna yaimi goi nakae yau guna sinapu.

Galetiya 1:4

Yeisuyana toinina ikasale ámasa goi kita ida goyo pasidi bei goyo ana tuta ame goi italigeida. Moe ida Yaubada Tamada ina nuwonúwana nakae.

Galetiya 2:17

E kita Diyuu latuwoda ida spwagógana taiyao pasina Yaubada ivayokoida kita kiboobosida ina kanasíuna manuna go, ina Katukeda ana guinuwa pasina geya. Moeko goi bogina takamoitamo bego kita toogoyoida Totuyoyowo geya sinumiseta nakae; tanumisa bego Yaubada ivayokoida kita kiboobosida. Ana kaigigita Yaubada ina Katukeda takapipilave, e Totuyoyowo taiyao takáika go, manakae? Itoboineda kada, “Guyau goyo ana tovaita”? Geya, geya toina!

Galetiya 2:19

Gwa. Guna poisógana Atukedayana manuna Atukeda ina kenao akalave o tadigo kada, “Akámasa Atukedayana yaina.” Moe bego maa yawoigu akaaiyaka Yaubada umana. Ame nakae: Guyau yau taiyao bogina kerose goi situpatukoima guna spwagógana Tauyana taiyao pasina bego ame tuta yawoigu vau goi Yaubada anetava asabookuliye.

Galetiya 2:20

E geya tuwaina yau yawoigu aloovinae go, Guyau yaigu goi ikaaiyaka yawoiguyana iloovinae. E yawoigu ame tuta sakavaigu goi akaaiyaka moe guna numisa Yaubada Natuna yaina goi akaaiyaka unana Tauyana imatakoiyegu, tuwo toinina ikasale ámasa goi, yau guna katumapu.

Galetiya 3:21

Tauna nakona maniyemi konuwonúwana Yaubada ina Katukeda be ina katótula sivakaleya. Geya, geya toina! Ina Katukeda be ina katótula idi paisewa ituli ituli. Neta Yaubada boi lovina tayamo ivinida, e takabikaone bego yawoida vau tababane, e lovinayana ana kabikáwana pasina moitamo woi kita anasíuna ana tokibobwatayao.

Galetiya 5:24

E kita go Yeisu ina bodao, sakava sinapuna be ana vikaiya be nakae ana yalagau bogina takalavedi; moe nakae tatupatukoidi kerose goi takaumatedi.

Pilipai 3:18

Bogina koyagoi. Boi tuta badabadaina bogina alatuuwokoimi go, ame tuta magu táiya nakae alatuwokomneimi maniyedi tonumisa polapola yaimi sikaaiyaka; tauyadi ana kerose ana kaleyayao idi ketoiya goyogoyo pasina.

Pilipai 3:3

Moitamo. Kidi sinuwonúwana manuna go, geya tanumiseta toinida sakavaida ina guinuwa yaina goi.

Kolose 2:20

taiyao bogina takámasa, e yábana osasaina ana tolovinao yaidi goi bogina italigeida ae? Tauna komi kaga unana imi guinuwa ana kaigigita nakae nava idi lovina goi kokaaiyaka, e idi lovina kokabikaaonedi?