Galetiya 6:1 - Buki Kimaasabaina

¹ Segowo, neta siyami tayamo apipilova goi ikapusi, e komi ikabikuunuimi mami sakululu siyamiyana kokitotōto. Go ami dodōkana, govila bei komi nakae aba vakakona kobabane, e tauyana nakae kokapusi.

Galetiya 6:1 ပူးပေါင်းရင်းမြစ်များ

Madiu 11:29

Yau sakuululugu be nakae nuwotookaigu, tauna guna kaitakeo kokavalavaitēgu be nakae guna vatulúkwana kovatotowōne. Neta nakae koguinuwe, e imi waiwasi bei kobabane.

Madiu 26:69

E kina go Pitayana Tonúwala Toolagaina ina vada ana kali sinaena goi iitusobu go, Tonúwala Toolagainayana ina pákwana woiyaina tayamo ima Pitayana igite, idigo kana, ‘Kom woi Yeisu guma Galili ina tosabokuli tayamo.’

Madiu 26:75

Tuwo Pitayana Yeisu ina livala inuwopeye boi idigo kana, ‘Namlieta kamkam itáiya, e kom bogina bei sivato kulawoiwoiyekoigu.’ Tuwo vadayana ina kali goi isowóduwo ina moetala goi itáiya gagaina toina.

Madiu 9:13

E Yaubada ina livala ame kogitedōko bei koyagoi kaga ana yagoina. Livalayana kana, “Latuwogu yoguyogu kokasaledi yau yaigu, go sem latuwogu toina moe konuwokapisi.” Oseya 6:6 Moe moitamo. Yau ama geya tauyadi toinidi sinuwonúwana bego kidi aduduwedi geya, go sem ama toogoyoidi aduduwedi bei situgavila.’

Roma 14:1

E kidi go idi numisa ina guinuwa goi siineneta kouyaonēdi go, geya bego kokaumakimaki idi nuwonúwana ituli ituli manudi.

Roma 15:1

E kita totogaga mada tasíkwana kidi geya idi togagamo idi neneta goi tavaitedi go, adetava geya tavauyaonedeta.

Roma 8:6

Tomotayadi nuwodi siyatoyato sakava ina yala goi, e ámasa bei sibabane. Go kidi nuwodi siyatoyato Baloma Kimaasabaina ina yala goi, e yawoidi vau be tuboina sibabanedi.

1 Korinta 10:12

Tauna avatauwa komi neta konuwonúwana itoboinemi aba vakakona goi bei kotaoyakavata, korugwausīmi, govila bei kokapusi.

1 Korinta 14:37

Avatau komi yaimi neta inuwonúwana bego tauyana tokabivalavala o Baloma Kimaasabaina ina tomota, guna livala ikināne bego ame dogoiyadi aaginidi moe ida Tomoya ina lovina.

1 Korinta 2:15

E kai go Baloma Kimaasabaina ina tomotao kaga liliuna kadovatusidokoidi. Ego geya vatau tayaamo itoboine idovatusima.

1 Korinta 3:1

Tuwo moitamo, segowo, boi taiyao takaaiyaka go, yau geya itoboineguta bei avatulukoimi nakae goi memeya nakae avatuulukoimi.

1 Korinta 4:21

Komi kaga latuwomi? Magu lovina kasakasaina awokoimi gea magu awokoimi? Komi toinimi kolovina.

1 Korinta 7:5

Komi nainaimi, geya tuwaina toinimi masisi goi kovagagalēmi, go sem neta komi koroto ma monemiyao kotagona, e tuta kaakupina masisi kototo bego kokasalemi awanoi manuna. Ago tutayana ikavava, aiyuwoina komasisīmna, govila bei Kaleya ivakakonemi unana imi vikaiya geya itoboinemita kototo, tauna Kaleya ivakakonemi.

2 Korinta 10:1

E yau Paulo magu sakululu be magu mesayágana nakae, toinigu akawanoi makimaki yaimi. Ame yau Paulo tomota maniyedi siidigegu bego matooisigu neta taiyao takaiyaka go, magu katepatu leta goi neta atumasaba.

2 Korinta 2:7

Tauna ame tuta ina goyo konuwotāo be kokipaiwōle, govila bei ina nuwomou ivakaigagasave.

2 Korinta 2:8

Tauna akawanoi makimaki komi kolovina bego imi matakoi tauyana manuna kokamoitamoe be kokabivekovekomnei.

Galetiya 5:23

sakululu, toinidi sikabikunuidi. Avatau neta ame dogoiyadi iguuinuwedi, e ina sinapu dedevina toina. Ago ame sinapuyadi manudi geya tayaamo lovina ikaaiyaka Yaubada ina Katukeda goi isanabodeda bego taabu taguuinuwēdi.

Galetiya 6:18

Segowo, ida Tomoya Yeisu balomaimi bei ikanuwoiyedi. E nakae! Yau Paulo

1 Tesalonáika 4:1

E tuwaina ima nuwonúwana maniyedi sikaaiyaka. Segowo, boi kavatulukoimi manakaemi itoboinemi kooketoiya be nakae Yaubada kovaauyaone, e nakae bogina koguuinuwe. Go ame kakawanoi yaimi be nakae ima taiyao pasina kakatuliwolemi tuwaina nakae koguinuwevilevīle.

2 Tesalonáika 3:15

Ago tauyana taabu kovaakalēye, go sem koliwoleyāmo unana tauyana siyami.

2 Timoti 2:25

be nakae manukaida ida kaleyayao takitototoidi. Nakona Yaubada bei ivaitedi situgavila, e Yaubada ana Nanamsa Mooitamoina siyagoi

Iberiu 12:13

go, imi kenao kokitotomoiīdi bego kidi topem geya sikapusita, go sem bei sidedevina.

Iberiu 13:3

Deri ana tokaiyakoyao nuumisaidi konuwaaisīdi nakae neta komi tauyadi taiyao deri goi kokaaiyaka. Semiyao nuumisaidi gedageda siibabane konuwaaisīdi nakae komi neta tomota siyogedegedemi nakae.

Yemesa 3:13

Avatauwa komi mamii nanamsa be nakae mamii yagoina Yaubada ina sinapu manuna? E imi sinapu dedevina goi kovagiitakōimi bego tuta liliuna imi nanamsayana goi ma sakuululumi imi guinuwa koguuinuwedi.

Yemesa 3:2

Guna nuwonúwana ataligei. Dogoi badabadaidi goi kita liliuda taakapusi. Go avatau neta ina bóbwara goi geya ikapusita, e moe tauyana ina numisa goi imatuwo be nakae itoboine wowona madabokina ikabikunui.

1 Pita 3:15

E atemi goi ida Tomoya, moe , kokiimasābe. Avatau neta ilumadademi imi lotuta manuna, tuta liliuna mami katubayasi bei idi lumadádana madabokidi kokatumapūdi go, geya livala kasakasaidi goi geya,

1 Iyoni 5:16

Tuwo neta siyami kogite goyo tayamo iguuinuwe go, goyoyana pasina Yaubada bei geya ilivisiyevataeyeta, kokawanōi tauyana manuna go, Yaubada bei iyolime. Go goyo tayamo ikaaiyaka neta taguinuwe, e Yaubada bei ilivisiyeda. Avatauwa yaida goi neta goyoyana iguuinuwe, e tauyana manuna taabu kokaawanōi.