Galetiya 5:17 - Buki Kimaasabaina

¹⁷ Ame moitamo. Sakava sinapuna ina yala ituli go, Yaubada Balomaina ina yala ituli, e taiyao sigibiubíuna. Bogina koyagoi. Ame yalayadi aiyuwo taiyao sivakaleya, govila bei kaga goyogoyoidi neta kooyaledi koguinuwedi.

Galetiya 5:17 ပူးပေါင်းရင်းမြစ်များ

Aba Vatowo 6:3

Tuwo idigo kana, ‘Geya atagoneta guna togaga maa yawoina ikaiyako vata tomota yaidi unana tauyadi sakava kaka. Tauna adi tala bei akatuyaivi tayamo andedi tuwenti (120) baige sikámasa.’

Madiu 12:30

Geya konanayuwoita yau manugu. Avatau neta yau taiyao geya kaspwagogoneta, tauyana guna kaleya. Avatau neta tomota geya italigogoidita yau taiyao, e tomotayadi ikausapesapedi.

Madiu 16:17

E kina Yeisu idigo kana, ‘Saimoni, Iyona natuna, moe tomota geya sivatulukoimta, go sem Tamagu guma yábana ivatulukoim. Tauna am dedevina bogina kubabane.

Madiu 16:23

Go Yeisu itugavila, Pita matana goi idigo kana, ‘Kom im guinuwa Kaleya nakae! Kūna mligu goi kusabokuliyēgu! Kom geya kunuwonuwoneta Yaubada ina nuwonúwana manuna, go sem tomota idi nuwonúwana manuna kunuwonúwana. Tauna kom im nuwonúwana goi kupooikíkina kumatabodeebodegu!’

Madiu 26:41

Ago adi taito ilatuwokoidi idigo kana, ‘Koyauyāusa nakae kokaawanōi bego aba vakakona goi geya kokapusita. Balomaimi latuwodi toina go, wowomi sineneta.’

Madiu 5:6

Avatauwa komi balomaimi siikaloga nakae maemi siyapayápasa Yaubada ina kivavasa manuna, e Yaubada bei ivauyaonemi, tauna ami dedevina bogina koobabane.

Luke 22:33

‘Tomoya, bogina apásima neta deri goi sivaisium, yau taiyao o neta sikaumatem, yau taiyao’, Pita kaena.

Luke 22:46

Tuwo, iwoinidi idigo kana, ‘Manakae kokanaamatáiya? Kotāoya be kokawanōi Yaubada yaina bei ivaitemi aba vakakona goi geya kokapusita.’

Iyoni 3:6

Avatauwa neta sakava goi sibíbina, moe sakava ana dadava. Go avatauwa neta Baloma Kimaasabaina goi sibíbina, moe baloma ana dadava.

Roma 8:13

Neta sakava ina lovinayana goi taaketoiya, moitamo bei takámasa. Go neta Baloma Kimaasabaina ina togaga goi wowoda idi guinuwa goyogoyoidi takaumatedi, e yawoida vau bei tababane.

Galetiya 3:21

Tauna nakona maniyemi konuwonúwana Yaubada ina Katukeda be ina katótula sivakaleya. Geya, geya toina! Ina Katukeda be ina katótula idi paisewa ituli ituli. Neta Yaubada boi lovina tayamo ivinida, e takabikaone bego yawoida vau tababane, e lovinayana ana kabikáwana pasina moitamo woi kita anasíuna ana tokibobwatayao.

Yemesa 3:2

Guna nuwonúwana ataligei. Dogoi badabadaidi goi kita liliuda taakapusi. Go avatau neta ina bóbwara goi geya ikapusita, e moe tauyana ina numisa goi imatuwo be nakae itoboine wowona madabokina ikabikunui.