Galetiya 4:9 - Buki Kimaasabaina

⁹ E ame tuta go Yaubada mooitamoina bogina koyagoi o tadigo kada, ‘Yaubada bogina iyagoimi.’ Tauna komi manakae bego Tauyana kokalave go, kokaluvilamna kona tokinagovayadi neenetaidi be nakae geya basabasaidimo yaidi goi? Manakae? Latuwomi bego aiyuwoina sipakomneimi?

Galetiya 4:9 ပူးပေါင်းရင်းမြစ်များ

Tateta 33:17

E Yauwe idigo kana, ‘Moe dogoiyana kudigedige nakae bei aguinuwe kutoto moitamo woi akanuwoiyem be nakae ayagoidokoim.’

Madiu 11:27

Ikawanoi ikavava, tomota yaidi goi idigo kana, ‘Kaga liliuna Tamagu nimagu goi bogina iyatoidi. Tamaguyana anetava yau Natuna iyagoidokoigu. Yau agutava Tamagu ayagoidoko go, avatauwa neta akinavedi bei Tamagu avatulukoidi, e bei siyagoidoko.

Luke 5:38

Go sem oine vau takabi, opo vau goi tasiwoi.

Iyoni 10:14

Yeisu tuwaina kana, ‘Yau sipi adi torugwáuta dedevina. Toinigu guna sipiyao ayaagoidi, e tauyadi siyaagoigu

Iyoni 10:27

Guna sipiyao niyagu sinovenove, e yau ayaagoidi, tauna sisabokuuliyegu.

Iyoni 17:3

E ame yawana vatayana: Bego tomota siyaagoim kom amta Yaubada mooitamoim be nakae siyagoigu yau Yeisu kom kuvamoleyegu ama.

Roma 8:29

Nuwonuwanayana ame nakae: Tauyadi boi mainao igimiyagoidi, e nakae igimilovina bei tauyadi Natuna ana tapata nakae, e bei Tauyana totubukumgo kita senao badabadaida yaida goi.

Roma 8:3

Bogina koyagoi. Atukeda geya itoboineyeta italigeida unana sakava sinapuna goi ineneta go, kaga Atukedayana geya itoboineyeta, e Yaubada itoboine. Ame nakae: Tutayana Yaubada toinina Natuna ietune ima, sakava mana goyo kita nakae ikote o tadigo kada, ‘Tauyana ada goyo ana núwala’, e goyo ina togaga Natunayana wowona goi itusaoli.

1 Korinta 13:12

Moe nakae ame tuta saribu goi tagite tadogawugawuwuli. E niga go bei imavada nakae neta tomota matana matada goi tagitedoko. Ame tuta tayagoi giyaina. E niga go bei tayagoidoko nakae kina bogina iyagoidokoida.

1 Korinta 15:34

Matami ilāla be konuwonuwana dōkana, e imi goyo goi tuwo, kosayāta. Maniyedi yaimi goi kotaiyaakekedi go, tauyadi Yaubada sitamogemogeye. Moe alatuwokoimi bego agieomaemaemi.

1 Korinta 8:3

Go avatauwa neta Yaubada simataakoiye, e moe tauyadi Yaubada iyaagoidi.

2 Korinta 11:20

Moitamo toina. Nakona tomota sivayokoimi komi idi pakonayao o sivaobumi o sikatutaoimi o sinuwatue o silopadipadimi bego sigieomaemaemi go, tuwo yaidi komesayágana ae?

2 Korinta 4:6

unana Yaubada kina idigo kana, ‘Mamaníwana goi mavada bei itapasigi.’ Tauna moe Tauyana nakae nuwoma itapasigidi, e bei itoboinema ina togaga ana káeyana kayagoi; aeyanayana Yeisu maisina goi itapasígina.

Galetiya 3:3

Moitamo komi yaaluwoimi! Iyaa! Imi numisa ana kaba vatowo Baloma Kimaasabaina ina togaga goi kooketoiya go, manakae? Bego toinimi sakavaimi ana guinuwa goi imi numisayana kokimatuwe ae?

Galetiya 4:3

Moe kai nava geya imaita, kai gogómana nakae, tauna geya kalovineta, go sem kai da poyapoya adi tokinagovayao idi pakonayao.

Epeso 1:17

Guna kawanoiyana ida Tomoya Yeisu ina Yaubada yaina; Yaubadayana moe Tamana go, Tamanayana ina togaga ana káeyana ivakaigaga. E ame Yaubadayana yaina akaawanoi bego Balomaina bei nanamsa ivinimi nakae Yaubada ina nuwogau ikaiwoduwe yaimi bego Yaubadayana koyagoidoko

2 Timoti 2:19

Ago Yaubada ina bodao dako kasakasaina nakae bogina sitaoyaakavata. Dakoyana goi gínina ame nakae ikaaiyaka kana, ‘ toinina ina bodao bogina iyaagoidi.’ Aiyuwoina kana, ‘Avatauwa neta Yauwe yaina sisaakululu goyo situgavīle.’

Iberiu 7:18

Moeko goi gimilovina Tonúwala adi kinava manuna bogina itauwe unana lovinayana neenetaina be geya basabasainamo.

2 Pita 2:20

Neta poyapoya sinapuna baailidi sisiyaedi tutayana ida Tomoya nakae ada Toyava siyagoi go, niga sikaluvilamna sina sinapuyadi sisiukoidi be dogoiyadi sitogagasavedi, e boi mainao kidi idi kaiyako tupwana igoyo go, ame igoyo toina.

1 Iyoni 5:20

E nakae taayagoi Yaubada Natuna bogina ima be nakae nanamsa bogina ivinida bego Tauyana mooitamoina taayagoi be nakae Tauyana taiyao bogina taspwagógana. Tauyana moe Natuna Yeisu . Ame Tauyana Yaubada mooitamoina be nakae yawoida vata unana.