Galetiya 4:4 - Buki Kimaasabaina

⁴ Go tutayana upayana ana toboine isowóduwo, e Yaubada Natuna ietune ima. Tauyana vavina goi ibíbina kita tomota nakae be nakae ina lovina sikaukaboli.

Galetiya 4:4 ပူးပေါင်းရင်းမြစ်များ

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Aba Vatowo 49:10

Kom mam lovina go, lovinayana bei ikaiyako vata am dala yaina. Koroto tayamo am dalayana goi bei ilovina ana kadókana Tokalibubunayana ima ikalibúbuna be nakae tomota liliudi sopana sikabikaone.

Madiu 1:23

‘Kunōve! Woiyai geya ana kanaotamo bei ikéuwama, niga natuna koroto bei ivenatuni. Go yoina bei sivayou Imanuweli.’ Aiseya 7:14 Youyana ana kaigavila moe Yaubada kita taiyao.

Madiu 3:15

E tuwo kina Yeisuyana idigo kana, ‘Ame tuta kutagōna kusayoyoigu. Moe nakae Yaubada ina nuwonúwana madabokina ina yava ana kenao manuna bei takibobosidoko.’ Tuwo moitamo itagona.

Madiu 5:17

Tuwaina Yeisu kana, ‘Taabu konuwonūwana bego yau ama o Yaubada ina tokabivalavalayao idi vatulúkwana atauwedi. Geya kada ama bego atauwedi geya, go sem yau ama bei kaga liliuna boi sitalavaaitedi yaimi, yau goi simalatomota.

Maki 1:15

idigo kana, ‘Tuta Yaubada boi iupeupe bogina isowóduwo, e bogina imaiyaba bei itoboinemi kosiu. Kotugavīla be Vala Dedevina konumīse.’

Luke 1:31

Kunōve. Nava bei kukéuwama. Niga natum koroto bei kuvenatuni, kuvayou .

Luke 1:35

Go aneroseyana idigo kana, ‘Baloma Kimaasabaina bei iwokoim o tadigo kada “Tokanayatanatoina ina togaga gaota nakae bei iumaim kukéuwama.” Moe pasina tauna natum kuveenatuni bei sivayoko , Yaubada Natuna.

Luke 2:7

Tuwo ivenátuna, natuna botomoya koroto ivenatuni. Ikavava, areko ikabi, gomanayana iutube. Iutube ikavava, ogaoga adi vabodaupa vada goi geya tayaamo baseko ikaaiyaka, tauna gomanayana ikabi yoguyogu adi valakiki vadayana sinaena goi iyato.

Luke 20:44

Tauna Devida igimibíbina namlieta Guyau go, Devidayana Guyau ikatoomoyae ae? Tauna tayagoi Guyauyana moe Devida tubuna go, tuwaina, Tauyana Tomoya, e Devida itobusave!’

Iyoni 1:14

Livalayana imalasakava, e yaima goi ikaaiyaka. Tauyana yaina goi Yaubada ina togaga ana sivakayaodei.

Iyoni 10:36

tauna kaga unana komi kowowokoigu kodigo kami, “Kom kudigoopopóita”, tutayana kagu, “Yau Yaubada Natuna”? Yau Tamagu ikimasabegu nakae ietunegu ama poyapoya ame goi.

Iyoni 3:16

Ame moitamo. Yaubada imatakoiyeda ame nakae: Natuna kaakesaina ikasale bego avatau neta inumise, bei geya ikamaseta, go sem maa yawoina vata.

Iyoni 6:38

Unana yábana goi asou ama geya kada guna nuwonúwana bego aguinuwe geya, go sem bego guna Toetuna ina nuwonúwana aguinuwe. Tauna tomotayadi sima yaigu geya avatapiyedita.

Iyoni 8:42

Iya Yeisuyana idigo kana, ‘Neta Yaubada moe tamami, bei komatakoiyegu. Moitamo. Yau Yaubada goi ama, tauna ameko goi akaaiyaka. Ama geya toinigu guna nuwonúwana goi geya, go sem mae Tauyana ietunegu ama.

Guinuwa 1:7

Go Yeisu idigo kana, ‘Geya itoboineyeta koyagoi ava tuta Tamada bogina iupe bei toinina ina lovina goi alibubunayana ana yolímana iguinuwe,

Roma 1:3

Valayana moe Natuna Valena. Sakava goi Natunayana ibíbina Devida ina yaina.

Roma 15:8

Kogita. Guyau bogina imalatovaita kidi , e bei ina katótula tubudao yaidi goi Guyauyana ikamoitamoedi

Roma 5:6

Aba gita Yaubada ina matakoi manuna avinimi. Kita nava neenetaida go, tuta ana toboine goi kita Yaubada ana tokaoliliwo manuda ikámasa.

Roma 8:3

Bogina koyagoi. Atukeda geya itoboineyeta italigeida unana sakava sinapuna goi ineneta go, kaga Atukedayana geya itoboineyeta, e Yaubada itoboine. Ame nakae: Tutayana Yaubada toinina Natuna ietune ima, sakava mana goyo kita nakae ikote o tadigo kada, ‘Tauyana ada goyo ana núwala’, e goyo ina togaga Natunayana wowona goi itusaoli.

Roma 9:5

Tubumao koroto gagaidi maniyedi nakae maa yoidi. Tauyadi yaidi sakava ana dadava goi Guyau isowóduwo ima. Yaubada, Tauyana kaga liliuna itobuukukuidi, aba yapali vata! E nakae!

Epeso 1:10

Ina nuwonúwana ame nakae: Tutayana ina upa boi iyatoyato bogina isowóduwo, dogoi liliuna yábana goi be poyapoya ame goi ikabidi, yaina goi ilamgogomneidi, e madi spwagógana Guyau taiyao sieboda tayamo go, Tauyana dabadi.

Kolose 2:14

Moe nakae ida rowaga bukina lovina ana kapipilova pasina, e itauwedi; rowaga bukinayana ivayokoida kita toogoyoida go, moe bogina ikabi kerose goi itupatuko tutayana Guyau situpatuko.

1 Timoti 2:6

Toinina ámasa goi ikasale, liliuda ada katumapu. Moe nakae itateteda be italigeida. Mae kiyakiyaya tayamo Yaubada ina tuta ana toboine goi ivinida bego latuwona liliuda iyaveda.

1 Timoti 3:16

Bogina tayagoidoko yábana sinapuna ana vatulúkwana moe dedevina toina! Boi mainao vamoounina go, Yaubada bogina ikaiwoduwe. Vatulukwanayana Yeisu goi tagite ame nakae: Tauyana bogina imalasakava. ikamoitamoe Tauyana kiboobosina. sigite. Valena asa liliudi goi ina sitalavaite. Da poyapoya sinumise. Tauyana ituko ina Yaubada ana tomoeeyalina goi.

Iberiu 2:14

E tuwo kita gogomanayada liliuda ma sakavaida be ma ikaikaida, tauna Tauyana nakae sakava be ikaika ikotedi bego ina kámasa goi itoboine bei ámasa ana tolovina ina togaga itusaoli; tolovinayana moe .

Iberiu 9:10

Amo guinuwayadi moe lovina awoinu be nim be níkina kaka manudi. Go amo guinuwayadi geya nuwoda manudi geya, go sem moe sakava ana lovina Yaubada boi ivinida tasabokuuliyedi ana kadókana enao vau iyato.

1 Iyoni 4:14

Kai toinima matama goi Yaubada Natuna bogina kagite, e yaimi kataalavaite bego Natunayana ivamoleye ima poyapoya ame goi, Tauyana ada Toyava.

1 Iyoni 4:2

Tomota idi vatulúkwana Yaubada Balomaina goi imamaima takinane ame nakae: Avatauwa neta sikamooitamo bego ima poyapoya goi imalasakava, e moe tauyadi idi vatulúkwana Yaubada goi ima.