Galetiya 4:12 - Buki Kimaasabaina

¹² Segowo, akawanoi makimaki yaimi: Guna sinapu kovatotowōne! Taabu Yaubada ina Katukeda ana guinuwa koonumīse bego ivayokoimi komi kiboobosimi ina manuna. Boi yaimi goi akaaiyaka Atukedayana geya aguinuweyeta nakae boi mainao komi geya koguinuweta, tauna kovatotowonēgu! Amo tutayana komi geya tayaamo goyo koguinuwe yaigu.

Galetiya 4:12 ပူးပေါင်းရင်းမြစ်များ

Aba Vatowo 34:15

Go sem tayamo dogoi koguinuweyāmo. Ame nakae: Neta komi koroto madabokimi asa goi , bei komi kai nakae.

Guinuwa 21:21

E valem bogina sinove bego woi Diyuu madabokidi Totuyoyowo yaidi goi sikaaiyaka kom kuvatulukoidi itoboinedi Yaubada ina Katukeda boi Mosese ivinivini sikapipilave. Aiyuwoina kadi, “Paulo idigodigo bego Diyuu natudiyao sakavaidi taabu siikupōidi be nakae ida sinapu taabu sisabookulīye.”

2 Korinta 2:5

E boi toogoyoina yaimi goi yau ategeda geya iviniguta, go sem komi madabokimi ategedayana ana kakainaki ituli ituli ivinimi. Go geya latuwogu bego guna bóbwara goi tauyana ina goyo bolotona akatusavi.

2 Korinta 6:11

Geya kada giyaiina ima nuwonúwana kavagagale yaimi geya, go sem madabokiina kalumavivisi yaimi! Komi da Korinta, atema madabokina goi ima matakoi bogina kakaiwoduwe yaimi!

2 Korinta 6:13

E ima matakoi nakae kokatumāpu, e atemi goi komatakoiyēma. Ame nakae komi natugowo, tauna alatuwokoimi.

Galetiya 2:14

Kidi sitavilei goi go, yau geya, go sem tutayana agite idi sinapu goi Vala Dedevina ana vatulúkwana mooitamoina ana kenao sivasulaigi, e tomota liliudi matadi goi Kepasiyana akamatanako adigo kagu, ‘Kepasi, kom Diyuu ae? U nakae. Go tuta maniyena Totuyoyowo idi sinapu kusabookuliye go, Diyuu ida sinapu geya ae? U nakae. Tauna manakae Totuyoyowo numisaidiyadi kulovinaedi simaladiyuu bego itoboinedi Diyuu taiyao sikabivekoveko? Kom baagalim! Moe nakae geya itoboinemta kuguinuwe!

Galetiya 4:11

Amatoita kaga nakona bei isowóduwo komi yaimi. Nakona apoisogana beso manumi.

Galetiya 4:13

E bogina koyagoi bego boi guna vísiya pasina mainao ao yaimi bego awaiwasi, tauna amo tutayana itoboinegu atalavaite yaimi.

Galetiya 6:14

Go yau geya kada tayaamo kaga manuna bei agágasa amo nakae geya, geya toina! Go sem yau nava auyawana gagágasa kaga ida Tomoya Yeisu Guyau ina guinuwa kerose goi manuna. Ina kamasayana pasina kaga yau sowogu moe geya basabasaidimo da poyapoya yaidi. E kaga kidi sowodi moe geya basabasaidimo yau yaigu.

Galetiya 6:18

Segowo, ida Tomoya Yeisu balomaimi bei ikanuwoiyedi. E nakae! Yau Paulo