Galetiya 3:11 - Buki Kimaasabaina

¹¹ E Atukedayana ana guinuwa pasina geya vatau tayaamo Yaubada ivayoko kina kiboobosina ina kanasíuna manuna geya, tauna ame bogina imavada unana Gínina Kimaasabaina idigo kana, ‘E kina tokibóbwata numisa goi iiketoiya.’ Abekuki 2:4

Galetiya 3:11 ပူးပေါင်းရင်းမြစ်များ

Roma 1:17

Manakaeda tayagoi Valayana moe Yaubada ina togaga? Ame nakae: Vala Dedevinayana sinaena goi Yaubada ina kibóbwata ana pasina go, kita tonumisa manuda. Moe Gínina Kimaasabaina nakae idige kana, ‘E kina numisa goi iiketoiya.’ Abekuki 2:4

Galetiya 2:16

E kita Diyuu nuumisaida bogina tayagoi geya vatau tayaamo Yeisu aba numisa ina kabikáwana pasina. Moe bogina tayagoi. Tauna kita Diyuu Totuyoyowo nakae; Guyau Yeisu yaina bogina tanumisa bego ina kabikawanayana pasina Yaubada ivayokoida kita kiboobosida ina kanasíuna manuna. Go moe geya Yaubada ina Katukeda ana guinuwa pasina ivayoko kita kiboobosida geya. Moe moitamo. Atukedayana ana guinuwa pasina geya vatau tayaamo Yaubada ivayoko kina kiboobosina ina kanasíuna manuna.

Iberiu 10:38

E yau guna numisa goi iiketoiya. Go neta itugavilegu, geya auyaoneyeta.’ Abekuki 2:3-4

Yemesa 1:27

Yaubada Tamada ana taimámina maavadaina go, geya ana pikwanamo matana goi ame nakae: Gumalau be kóbuya idi kaiyakomou goi sivaaitedi go, toinidi simatakaavatedi bego poyapoya sinapuna geya ikibaibailidita.

Yemesa 3:2

Guna nuwonúwana ataligei. Dogoi badabadaidi goi kita liliuda taakapusi. Go avatau neta ina bóbwara goi geya ikapusita, e moe tauyana ina numisa goi imatuwo be nakae itoboine wowona madabokina ikabikunui.

Nuwogau 5:9

Sisaakululu go, vesi vau sivesiye kadi, ‘Boi kom bogina sikaumatem be nakae ikaikaim goi tomota kutakonedi Yaubada manuna. Tomotayadi moe dala liliudi, aníyana liliudi, boda liliudi be nakae kantri liliudi yaidi goi kulamgogoidi sieboda tayamo. Nakae kuguinuwe bei kidi Yaubada ina bodayauwo goi sikaaiyaka be nakae kidi Yaubada ina togudalayao. Tuwo poyapoya goi bei sikalibúbuna. Tauna kom mam lovina itoboinem bukiyana kwabi be ana kaba kaipaki kukitakidi.’